Video: టీమిండియా ఛీ కొట్టినా.. బ్యాడ్ లక్కోడి ఆటతీరుకు కోహ్లీ ఫిదా.. ఎవరంటే?

Vira Kohli Sarfaraz Khan

Virat Gesture Video: బెంగళూరులోని చిన్నస్వామి స్టేడియంలో జరిగిన ఈ మ్యాచ్‌లో భావోద్వేగాలు గరిష్ట స్థాయికి చేరుకున్నాయి. చెన్నై జట్టు వరుస వికెట్లు కోల్పోయి కష్టాల్లో ఉన్న సమయంలో సర్ఫరాజ్ ఖాన్ ఒంటరి పోరాటం చేసిన సంగతి తెలిసిందే. అతను అవుట్ అయి పెవిలియన్ వైపు వెళ్తున్నప్పుడు, విరాట్ కోహ్లీ ఈల వేసి మరీ అతన్ని పిలిచి, చప్పట్లతో అభినందించడం గమనార్హం. ఒకప్పుడు బెంగళూరు జట్టులోనే కలిసి ఆడిన వీరిద్దరి మధ్య ఉన్న అనుబంధం ఈ సందర్భంగా స్పష్టంగా కనిపించింది. క్రీడా స్ఫూర్తికి నిదర్శనంగా నిలిచిన ఈ దృశ్యం క్రికెట్ అభిమానుల మనసు గెలుచుకుంది.

సర్ఫరాజ్ ఖాన్ వీరోచిత పోరాటం..

టాస్ గెలిచి బ్యాటింగ్‌కు దిగిన చెన్నై జట్టుకు ఆరంభంలోనే గట్టి షాకులు తగిలాయి. పవర్‌ప్లేలోనే రుతురాజ్ గైక్వాడ్, ఆయుష్ మ్హాత్రే వంటి కీలక వికెట్లను కోల్పోయి 30 పరుగులకే 3 వికెట్లు కోల్పోయి పీకల్లోతు కష్టాల్లో పడింది. సంజూ శాంసన్ కూడా త్వరగానే అవుట్ కావడంతో చెన్నై ఓటమి ఖాయమనిపించింది. అయితే, ముంబైకి చెందిన సర్ఫరాజ్ ఖాన్ మాత్రం బెదరలేదు. మైదానం నలుమూలలా బౌండరీల వర్షం కురిపిస్తూ కేవలం 24 బంతుల్లోనే అర్ధ సెంచరీ పూర్తి చేశాడు. మొత్తం 8 ఫోర్లతో బెంగళూరు బౌలర్లపై ఎదురుదాడి చేసి మ్యాచ్‌ను రక్తికట్టించాడు.

ఒంటరి పోరాట యోధుడిగా సర్ఫరాజ్..

ఐపీఎల్ 2026 సీజన్‌లో చెన్నై సూపర్ కింగ్స్ ప్రదర్శన ఆశాజనకంగా లేకపోయినప్పటికీ, సర్ఫరాజ్ ఖాన్ మాత్రం నిలకడగా రాణిస్తున్నాడు. వరుసగా మూడు మ్యాచ్‌ల్లోనూ అద్భుతమైన బ్యాటింగ్‌తో తన సత్తా చాటాడు. కృనాల్ పాండ్యా బౌలింగ్‌లో అవుట్ అయ్యే వరకు అతను చెన్నై ఆశలను సజీవంగా ఉంచాడు. ఒకవైపు వికెట్లు పడుతున్నా, ఒత్తిడికి లోనుకాకుండా సర్ఫరాజ్ ఆడిన తీరు విమర్శకుల ప్రశంసలు కూడా పొందుతోంది. కోహ్లీ వంటి దిగ్గజ ఆటగాడి నుంచి లభించిన ఈ గుర్తింపు సర్ఫరాజ్ భవిష్యత్తుకు మరింత ఊతాన్ని ఇస్తుందని విశ్లేషకులు భావిస్తున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..