T20 Cricket: విజయానికి 2 పరుగుల దూరంలో కివీస్.. కట్‌చేస్తే.. ఊహించని షాకిచ్చిన అంపైర్..

Nz Vs Pak T20i

NZ vs PAK T20I Christchurch Match Report: క్రైస్ట్‌చర్చ్ వేదికగా జరిగిన తొలి టీ20లో పాకిస్థాన్‌పై న్యూజిలాండ్ 9 వికెట్ల తేడాతో అద్భుత విజయం సాధించింది. మొదట బ్యాటింగ్ చేసిన పాకిస్తాన్ 18.4 ఓవర్లలో 91 పరుగులకు ఆలౌట్ అయింది. దీనికి సమాధానంగా న్యూజిలాండ్ 10.1 ఓవర్లలో ఒక వికెట్ నష్టానికి 92 పరుగులు చేసి విజయం సాధించింది. ఈ విజయంతో, ఐదు మ్యాచ్‌ల సిరీస్‌లో కివీస్ జట్టు 1-0 ఆధిక్యంలో ఉంది.

న్యూజిలాండ్‌కు టిమ్ సీఫెర్ట్, ఫిన్ అల్లెన్ అద్భుతమైన ఆరంభాన్ని ఇచ్చారు. వీరిద్దరి మధ్య 53 పరుగుల భాగస్వామ్యం ఉంది. అబ్రార్ అహ్మద్ సీఫెర్ట్‌ను అవుట్ చేయడం ద్వారా ఈ భాగస్వామ్యాన్ని విచ్ఛిన్నం చేశాడు. న్యూజిలాండ్‌కు 53 పరుగుల వద్ద తొలి ఎదురుదెబ్బ తగిలింది. సీఫెర్ట్ 29 బంతుల్లో 44 పరుగులు చేశాడు. ఆ తర్వాత ఫిన్ అలెన్‌కు టిమ్ రాబిన్సన్ జత కలిశాడు. ఇద్దరూ తమ జట్లను గెలిపించిన తర్వాతే మైదానం నుంచి బయటకు వచ్చారు. విజయానికి కావాల్సిన పరుగులు రాబిన్సన్ బ్యాట్ నుంచి వచ్చాయి. ఈ మ్యాచ్‌లో, న్యూజిలాండ్ విజయానికి కేవలం రెండు పరుగుల దూరంలో ఉంది. అంపైర్ తీసుకున్న ఈ నిర్ణయం ఫిన్ అలెన్‌తో సహా అందరూ ఆశ్చర్యపోయారు.

డ్రింక్స్ బ్రేక్ కోసం సిగ్నల్ ఇచ్చిన అంపైర్..

10వ ఓవర్ చివరి బంతికి ఫిన్ అలెన్ ఒక ఫోర్ కొట్టాడు. ఈ ఫోర్ తర్వాత, న్యూజిలాండ్ గెలవడానికి రెండు పరుగులు మాత్రమే అవసరం. కానీ, అంపైర్ డ్రింక్ బ్రేక్ కోసం సిగ్నల్ ఇచ్చాడు. కివీస్ జట్టు గెలవడానికి ఇంకా రెండు పరుగులు మాత్రమే అవసరం. కాబట్టి, అంపైర్ నిర్ణయం కివీస్ బ్యాట్స్‌మన్ ఫిన్ అలెన్ కూడా ఆశ్చర్యపోయాడు. ఈ విరామం కారణంగా, న్యూజిలాండ్ గెలవడానికి మరికొన్ని నిమిషాలు వేచి ఉండాల్సి వచ్చింది.

అయితే, డ్రింక్స్ బ్రేక్ తర్వాత, రాబిన్సన్ అబ్రార్ అహ్మద్ బంతికి రెండు పరుగులు జోడించి జట్టుకు 9 వికెట్ల తేడాతో విజయాన్ని అందించాడు. ఫిన్ అలెన్ 17 బంతుల్లో 29 పరుగులతో నాటౌట్‌గా నిలిచాడు. టిమ్ రాబిన్సన్ 15 బంతుల్లో 18 పరుగులతో నాటౌట్‌గా నిలిచాడు.

మరిన్ని క్రీడా వార్తల కోసం ఇక్కడ క్లిక్ చేయండి..