IND Vs AUS: టీమిండియాకు భారీ షాక్.. బోర్డర్-గవాస్కర్ సిరీస్ నుంచి స్టార్ బౌలర్ ఔట్?
Border-Gavaskar Trophy 2023: బోర్డర్-గవాస్కర్ ట్రోఫీ 2023లో భాగంగా భారత్ వర్సెస్ ఆస్ట్రేలియా తొలి టెస్ట్ మ్యాచ్ ప్రారంభమైంది. ఈ సిరీస్లో తొలి మ్యాచ్ నాగ్పూర్లో జరుగుతోంది. ఈ టెస్టు సిరీస్లో తొలి 2 మ్యాచ్ల కోసం బీసీసీఐ టీమిండియాను ప్రకటించిన సంగతి తెలిసిందే.
Jasprit Bumrah Ruled Out: బోర్డర్-గవాస్కర్ ట్రోఫీ 2023లో భాగంగా భారత్ వర్సెస్ ఆస్ట్రేలియా తొలి టెస్ట్ మ్యాచ్ ప్రారంభమైంది. ఈ సిరీస్లో తొలి మ్యాచ్ నాగ్పూర్లో జరుగుతోంది. ఈ టెస్టు సిరీస్లో తొలి 2 మ్యాచ్ల కోసం బీసీసీఐ టీమిండియాను ప్రకటించిన సంగతి తెలిసిందే. ఇందులో స్టార్ ఫాస్ట్ బౌలర్ జస్ప్రీత్ బుమ్రా ఎంపిక కాలేదు. అయితే, తర్వాతి రెండు టెస్టుల్లో ఆడతాడని అంతా భావించారు.
చాలా కాలంగా ఫీల్డ్కి దూరంగా ఉన్న బుమ్రా ఈ టెస్టు సిరీస్లోని చివరి 2 టెస్ట్ మ్యాచ్లకు పూర్తి ఫిట్గా ఉంటాడని అంతా భావించారు. కానీ, ఇప్పుడు అతను మొత్తం టెస్ట్ సిరీస్కు దూరమవుతాడనే వార్తలు వినిపిస్తున్నాయి.
ఈ ఏడాది చివర్లో జరగనున్న వన్డే ప్రపంచకప్ను దృష్టిలో ఉంచుకుని బుమ్రాను బరిలోకి దింపేందుకు భారత క్రికెట్ నియంత్రణ మండలి (బీసీసీఐ) తొందరపడడం లేదు. మరోవైపు ఈ టెస్టు సిరీస్లో స్పిన్ బౌలర్లపై ఎక్కువగా ఆధారపడటం వల్ల బుమ్రా లేని లోటు టీమ్కి అంతగా ఉండకపోవచ్చని అంటున్నారు. దీని కారణంగా అతడు పూర్తిగా ఫిట్గా ఉండేందుకు ఎక్కువ సమయం లభించనుందని బీసీసీఐ భావిస్తోంది.
సెప్టెంబర్ 2022 నుంచి జస్ప్రీత్ బుమ్రా బెంగళూరులోని నేషనల్ క్రికెట్ అకాడమీ (NCA)లో తన ఫిట్నెస్పై నిరంతరం పని చేస్తున్న సంగతి తెలిసిందే. అదే సమయంలో, ఆస్ట్రేలియాతో టెస్ట్ సిరీస్ ముగిసిన తర్వాత, జట్టు మార్చి 17 నుంచి 3-మ్యాచ్ల వన్డే సిరీస్ను కూడా ఆడాల్సి ఉంది. వన్డేలకు కూడా బుమ్రా అందుబాటులో ఉంటాడా లేదా అనేది ఇంకా స్పష్టంగా తెలియలేదు.
మరిన్ని క్రీడా వార్తల కోసం ఇక్కడ క్లిక్ చేయండి..