టీ20 ప్రపంచ కప్ 2022కు ముందు టీమిండియాకు షాకింగ్ న్యూస్.. ఆ కీలక టీంలతోనే సన్నాహక మ్యాచ్‌లు.. షెడ్యూల్ ఇదే..
T20 World Cup 2022: టీ20 ప్రపంచ కప్ అక్టోబర్ 22 నుంచి ఆస్ట్రేలియాలో ప్రారంభమవుతుంది. దీనికి ముందు 16 జట్లు తలో 2 వార్మప్ మ్యాచ్‌లు ఆడనున్నాయి.
T20 World Cup 2022 Warm-up Fixtures: వచ్చే నెలలో ప్రారంభమయ్యే T20 ప్రపంచ కప్ కోసం వార్మప్ మ్యాచ్‌ల షెడ్యూల్ వెల్లడైంది. ఈ మ్యాచ్‌లు అక్టోబర్ 10 నుంచి 19 వరకు జరగనున్నాయి. టీ20 ప్రపంచకప్ కోసం మొత్తం 15 వార్మప్ మ్యాచ్‌లు నిర్వహించనున్నారు. ఇక్కడ టీం ఇండియా రెండు వార్మప్ మ్యాచ్‌లు ఆడనుంది. భారత్ తొలి మ్యాచ్ ఆస్ట్రేలియాతో, రెండో మ్యాచ్ న్యూజిలాండ్‌తో ఆడనుంది.
టీ20 ప్రపంచకప్‌లో పాల్గొనే మొత్తం 16 జట్లు వార్మప్ మ్యాచ్‌లు ఆడనున్నాయి. మొదటి రౌండ్‌లో (ప్రపంచకప్ క్వాలిఫయింగ్‌ రౌండ్) పాల్గొనే జట్లను అక్టోబర్ 10 నుంచి 13 వరకు ఉంచారు. ఈ మ్యాచ్‌లన్నీ మెల్‌బోర్న్, ఓవల్ క్రికెట్ గ్రౌండ్‌లో జరుగుతాయి. దీని తర్వాత నేరుగా సూపర్-12 రౌండ్‌లో తలపడే జట్లు, వారి వార్మప్ మ్యాచ్‌లు అక్టోబర్ 17, 19 తేదీల్లో జరుగుతాయి.
వార్మప్ మ్యాచ్ షెడ్యూల్..
10 అక్టోబర్
1. వెస్టిండీస్ v యూఏఈ
2. స్కాట్లాండ్ v నెదర్లాండ్స్
3. శ్రీలంక v జింబాబ్వే
11 అక్టోబర్
4. నమీబియా v ఐర్లాండ్
12 అక్టోబర్
5. వెస్టిండీస్ v నెదర్లాండ్స్
13 అక్టోబర్
6. జింబాబ్వే v నమీబియా
7. శ్రీలంక v ఐర్లాండ్
8. స్కాట్లాండ్ v UAE
17 అక్టోబర్
9. భారత్ వర్సెస్ ఆస్ట్రేలియా
10. న్యూజిలాండ్ వర్సెస్ సౌతాఫ్రికా
11. ఇంగ్లండ్ వర్సెస్ పాకిస్థాన్
12. ఆఫ్ఘనిస్తాన్ వర్సెస్ బంగ్లాదేశ్
19 అక్టోబర్
13. ఆఫ్ఘనిస్తాన్ v పాకిస్థాన్
14. బంగ్లాదేశ్ v సౌతాఫ్రికా
15. భారత్ v న్యూజిలాండ్
అక్టోబర్ 16 నుంచి క్వాలిఫయర్ రౌండ్ ప్రారంభం..
T20 ప్రపంచ కప్‌లో, మొదటి రౌండ్ (క్వాలిఫైయర్) మ్యాచ్‌లు అక్టోబర్ 16 నుంచి 21 వరకు జరుగుతాయి. ఇందులో ఎనిమిది జట్లు పాల్గొంటాయి. వీరిలో 4 జట్లు సూపర్-12 రౌండ్‌కు చేరుకుంటాయి. టీ20 ప్రపంచకప్‌లో సూపర్-12 రౌండ్ అక్టోబర్ 22 నుంచి ప్రారంభం కానుంది. తొలి మ్యాచ్ న్యూజిలాండ్, ఆస్ట్రేలియా మధ్య జరగనుంది. అక్టోబరు 23న పాకిస్థాన్‌తో జరిగే మ్యాచ్ నుంచి టీమిండియా తన ప్రచారాన్ని ప్రారంభించనుంది.