అరెరే.! హార్దిక్ స్థానం ఇక గల్లంతే.. నయా ఆల్‌రౌండర్ వచ్చేశాడుగా.. కాపాడటానికి ధోని కూడా లేదు..

ఐపీఎల్ 2024లో హైదరాబాద్ వేదికగా సీట్ ఎడ్జ్ థ్రిల్లర్ మ్యాచ్ ఒకటి జరిగింది. హోరాహోరీగా సాగిన ఈ మ్యాచ్‌లో సన్‌రైజర్స్ హైదరాబాద్ ఒక్క పరుగు తేడాతో గెలిచిన సంగతి తెలిసిందే. రాయల్స్‌తో జరిగిన ఈ మ్యాచ్‌లో హైదరాబాద్ ప్లేయర్స్ భువనేశ్వర్ కుమార్, నితీష్ కుమార్ రెడ్డి అద్భుతంగా రాణించారు. స్వింగ్ కింగ్ భువనేశ్వర్ పెర్ఫార్మన్స్ అటుంచితే.. ఓ తెలుగు కుర్రాడు తన బ్యాటింగ్, బౌలింగ్‌తో దేశం మొత్తాన్ని ఊపేశాడు. అతడు మరెవరో కాదు నితీష్ కుమార్ రెడ్డి.

ఈ వైజాగ్ కుర్రాడు రాజస్తాన్ రాయల్స్‌ బౌలర్లను మొదటి బంతి నుంచే దూకుడైన ఆటతీరుతో బెంబేలెత్తించాడు. 42 బంతుల్లో 3 ఫోర్లు, 8 సిక్సర్లతో 76 పరుగులు చేసి చివరి వరకు అజేయంగా నిలిచాడు నితీష్ రెడ్డి. అనంతరం బౌలింగ్‌లో 5 ఓవర్లకు 35 పరుగులిచ్చి 2 వికెట్లు పడగొట్టాడు. నితీష్‌ను ఐపీఎల్ 2023 మినీ వేలంలో సన్‌రైజర్స్ హైదరాబాద్‌ను రూ. 20 లక్షలకు కొనుగోలు చేసింది. గతేడాది కేవలం 2 మ్యాచ్‌లు మాత్రమే ఆడిన నితీష్.. బ్యాట్ ఝళిపించేందుకు అవకాశమే రాలేదు. అయితే ఈ సీజన్‌లో మాత్రం నితీష్ కుమార్ రెడ్డి విజృంభిస్తున్నాడు. కెప్టెన్ ప్యాట్ కమిన్స్ మనోడి సత్తాను చూసి.. బ్యాటింగ్ ఆర్డర్‌లో పైకి పంపించాడు. దీంతో ఒంటిచేత్తో మ్యాచ్‌లు గెలిపించాడు. దేశవాళీ క్రికెట్‌లో ఆంధ్రప్రదేశ్ తరపున ఆడిన నితీష్ కుమార్ రెడ్డి. గత రంజీ ట్రోఫీలో మొత్తం 366 పరుగులు చేసి, 25 వికెట్లు తీశాడు. కాగా, నితీష్ కుమార్ రెడ్డి ఆల్‌రౌండ్ స్కిల్స్‌ను మెచ్చుకుంటున్న మాజీ క్రికెటర్లు.. టీమిండియాకు మరో ఆల్‌రౌండర్ దొరికేశాడని.. త్వరలోనే టీమిండియాలోకి ఎంట్రీ ఇవ్వడం ఖాయమని అంటున్నారు.

Risers 🤝 reaching new milestones 🙌

NKR hit his personal best T20 score in #SRHvRR 🔥 pic.twitter.com/7gtjZfa2GY

— SunRisers Hyderabad (@SunRisers) May 4, 2024