SA vs BAN: ఆడేది 5వ మ్యాచ్.. మూడో సెంచరీతో బౌలర్లపై ఊచకోత.. చివరి ప్రపంచకప్లో డికాక్ జోరు..
World Cup 2023: డి కాక్ తన అంతర్జాతీయ కెరీర్లో ఇప్పటివరకు 54 టెస్టులు, 149 వన్డేలు, 80 టీ20 ఇంటర్నేషనల్ మ్యాచ్లు ఆడాడు. అతను టెస్టులో 91 ఇన్నింగ్స్లలో 3300 పరుగులు, వన్డేలో 149 ఇన్నింగ్స్లలో 6409 పరుగులు, T20 ఇంటర్నేషనల్లో 79 ఇన్నింగ్స్లలో 2277 పరుగులు చేశాడు. మూడు ఫార్మాట్లలో సెంచరీలు చేసిన బ్యాట్స్మెన్ జాబితాలో అతనికి చోటు దక్కింది. 2012లో అంతర్జాతీయ అరంగేట్రం చేయడం గమనార్హం.
Updated on: Oct 24, 2023 | 5:25 PM
Quinton de Kock Century In World Cup 2023: ప్రపంచ కప్ 2023 ఐదవ మ్యాచ్లో క్వింటన్ డి కాక్ తన మూడవ సెంచరీని సాధించాడు. చివరి వన్డే ప్రపంచకప్ ఆడుతున్న డి కాక్ అద్భుతమైన ఫామ్ కనబరుస్తున్నాడు. ముంబై వేదికగా బంగ్లాదేశ్తో జరుగుతున్న మ్యాచ్లో దక్షిణాఫ్రికా ఆటగాడు డికాక్ 101 బంతుల్లో సెంచరీ పూర్తి చేసుకున్నాడు. ప్రపంచకప్లో ఒకే ఎడిషన్లో 3 సెంచరీలు సాధించిన తొలి దక్షిణాఫ్రికా ఆటగాడిగా డి కాక్ నిలిచాడు. అతని వన్డే కెరీర్లో ఇది 20వ సెంచరీ.
ఈ సెంచరీతో వన్డేల్లో అత్యంత వేగంగా 20 సెంచరీలు చేసిన నాలుగో ఆటగాడిగా డికాక్ నిలిచాడు. తన 150వ వన్డే ఇన్నింగ్స్లో 20వ సెంచరీని నమోదు చేశాడు. 108 వన్డే ఇన్నింగ్స్ల్లో 20 సెంచరీలు చేసిన హషీమ్ ఆమ్లా ఈ జాబితాలో అగ్రస్థానంలో ఉన్నాడు. కాగా, ఈ జాబితాలో 133 ఇన్నింగ్స్ల్లో 20 వన్డే సెంచరీలు పూర్తి చేసిన విరాట్ కోహ్లీ రెండో స్థానంలో ఉన్నాడు.
ODIలో ఫాస్టెస్ట్ 20 ODI సెంచరీలు ..
108 ఇన్నింగ్స్లు – హషీమ్ ఆమ్లా
133 ఇన్నింగ్స్లు – విరాట్ కోహ్లీ
142 ఇన్నింగ్స్లు – డేవిడ్ వార్నర్
150 ఇన్నింగ్స్ – క్వింటన్ డి కాక్*
175 ఇన్నింగ్స్లు – AB డివిలియర్స్
183 ఇన్నింగ్స్లు – రోహిత్ శర్మ
195 ఇన్నింగ్స్ – రాస్ టేలర్
197 ఇన్నింగ్స్లు – సచిన్ టెండూల్కర్.
దక్షిణాఫ్రికా ప్రపంచ కప్ 2023 మొదటి మ్యాచ్ను శ్రీలంకతో ఆడింది. ఇందులో డి కాక్ 100 పరుగుల ఇన్నింగ్స్ ఆడాడు. దీని తర్వాత, అతను ఆస్ట్రేలియాతో జరిగిన తదుపరి మ్యాచ్లో 109 పరుగులు చేశాడు. ఇప్పుడు బంగ్లాదేశ్పై మూడో సెంచరీ సాధించాడు.
ఇప్పటి వరకు అంతర్జాతీయ కెరీర్..
View this post on Instagram
డి కాక్ తన అంతర్జాతీయ కెరీర్లో ఇప్పటివరకు 54 టెస్టులు, 149 వన్డేలు, 80 టీ20 ఇంటర్నేషనల్ మ్యాచ్లు ఆడాడు. అతను టెస్టులో 91 ఇన్నింగ్స్లలో 3300 పరుగులు, వన్డేలో 149 ఇన్నింగ్స్లలో 6409 పరుగులు, T20 ఇంటర్నేషనల్లో 79 ఇన్నింగ్స్లలో 2277 పరుగులు చేశాడు. మూడు ఫార్మాట్లలో సెంచరీలు చేసిన బ్యాట్స్మెన్ జాబితాలో అతనికి చోటు దక్కింది. 2012లో అంతర్జాతీయ అరంగేట్రం చేయడం గమనార్హం.
రెండు జట్ల ప్లేయింగ్ 11
దక్షిణాఫ్రికా: ఐడెన్ మార్క్రామ్ (కెప్టెన్), క్వింటన్ డి కాక్ (వికెట్ కీపర్), రీజా హెండ్రిక్స్, రాస్సీ వాన్ డెర్ డస్సెన్, హెన్రిక్ క్లాసెన్, డేవిడ్ మిల్లర్, మార్కో జాన్సన్, గెరాల్డ్ కోయెట్జీ, కేశవ్ మహరాజ్, కగిసో రబాడమ్స్.
బంగ్లాదేశ్: షకీబ్ అల్ హసన్ (కెప్టెన్), తాంజిద్ హసన్ తమీమ్, లిటన్ దాస్, నజ్ముల్ హుస్సేన్ శాంటో, మెహదీ హసన్ మిరాజ్, ముష్ఫికర్ రహీమ్ (వికెట్ కీపర్), మహ్మదుల్లా రియాద్, నసుమ్ అహ్మద్, హసన్ మహమూద్, షోరిఫుల్ ఇస్లాం, ముస్తాఫిజుర్ రహ్మాన్.
మరిన్ని క్రీడా వార్తల కోసం ఇక్కడ క్లిక్ చేయండి..
