Vijay Hazare: దుమ్ములేపిన సెహ్వాగ్ మేనల్లుడు.. బౌండరీల వర్షం.. కానీ జట్టును గెలిపించలేకపోయాడు

Vijay Hazare Trophy:  భారత మాజీ ఓపెనర్ వీరేంద్ర సెహ్వాగ్  బ్యాటింగ్ పవర్ గురించి ప్రత్యేకంగా చెప్పేది ఏముంటుంది. ప్రపంచంలో అత్యంత ప్రమాదకరమైన బ్యాట్స్ మెన్లలో సెహ్వాగ్ ఒకడు. అతను మైదానంలోకి దిగినప్పుడల్లా బౌలర్ల టెన్షన్ ఫీల్ అయ్యేవారు. క్రీజ్‌లోకి అడుగుపెట్టిన తర్వాత ఫస్ట్ బంతి నుంచే హిట్టింగ్ మొదలుపెట్టడం సెహ్వాగ్ స్టైల్. ఆయన బాటలోనే  మేనల్లుడు మయాంక్ డాగర్ సోమవారం అదే తరహా బ్యాటింగ్ చేశాడు. హిమాచల్ ప్రదేశ్ తరఫున ఆడిన మయాంక్, తొమ్మిదో స్థానంలో బ్యాటింగ్ చేయడానికి బయటకు వచ్చి వేగంగా పరుగులు చేశాడు.

అయితే, మయాంక్ తన జట్టును గెలిపించుకోలేకపోయాడు. ముంబై 200 పరుగుల తేడాతో హిమాచల్ ప్రదేశ్‌ను ఓడించింది. మొదట బ్యాటింగ్ చేసిన ముంబై 50 ఓవర్లలో తొమ్మిది వికెట్లు కోల్పోయి 321 పరుగులు చేసింది. భారీ టార్గెట్‌తో బరిలోకి దిగిన హిమాచల్ ప్రదేశ్ జట్టు 24.1 ఓవర్లలో 121 పరుగులకే కుప్పకూలింది.

20 బంతుల్లో 38 పరుగులు

మయాంక్ బ్యాటింగ్ చేయడానికి వచ్చినప్పటికే అతడి టీమ్ ఓటమి ఖరారయ్యింది. అటువంటి పరిస్థితిలో కూడా అతను 20 బంతుల్లో అజేయంగా 38 పరుగులు చేశాడు. అతను తన ఇన్నింగ్స్‌లో నాలుగు ఫోర్లు, మూడు సిక్సర్లు కొట్టాడు. జట్టులో అత్యధిక స్కోరర్ కూడా అతడే. ఆయనతో పాటు ప్రవీణ్ ఠాకూర్ 22, కెప్టెన్ రిషి ధావన్ 18, ఏకాంత్ సేన్ 21 పరుగులు చేశారు. వీటన్నిటితో పాటు, జట్టులోని ఇతర బ్యాట్స్‌మన్‌లు డబుల్ ఫిగర్‌లను చేరుకోలేరు.

ముంబై భారీ స్కోర్

టాస్ గెలిచిన ముంబై మొదట బ్యాటింగ్ చేయాలని నిర్ణయించుకుంది. 49 పరుగులకు నాలుగు వికెట్లు కోల్పోయిన జట్టు పీకల్లోతు కష్టాల్లో మునిగిపోయింది. ఇక్కడి నుంచి ముంబై ఇన్నింగ్స్‌ను సూర్యకుమార్ యాదవ్, ఆదిత్య తారే, శార్దుల్ ఠాకూర్‌లు ముందుకు నడిపించారు . సూర్యకుమార్ 75 బంతుల్లో 91 పరుగులు చేశాడు, అతను తన ఇన్నింగ్స్‌లో 15 ఫోర్లు కొట్టాడు. ఆదిత్య తారే 98 బంతుల్లో ఆరు ఫోర్లు, ఒక సిక్సర్ సహాయంతో 83 పరుగులు చేశాడు.

ఐపీఎల్‌లో మయాంక్‌పై ఇంట్రస్ట్ చూపించని ఫ్రాంచైజీలు

ఈ ఏడాది ఐపిఎల్ వేలంలో మయాంక్ కూడా పాల్గొన్నాడు, కాని అతనిపై ఏ ఫ్రాంచైజీ ఇంట్రస్ట్ చూపించలేదు. బేసిక్ ప్రైజ్ 20 లక్షలతో అతడు వేలంలోకి ప్రవేశించాడు, కాని అతని కోసం ఏ ఫ్రాంచైజీ బిడ్ చేయలేదు. అతను గతంలో కింగ్స్ ఎలెవన్ పంజాబ్ జట్టు  తరుఫున ఆడాడు. మయాంక్ భారత అండర్ -19 జట్టుకు కూడా ప్రాతినిధ్యం వహించాడు.

Also Read:

సినిమా షూటింగ్‌‌లో పేలిన పెట్రోల్ బాంబులు.. ప్రముఖ హీరోకు గాయాలు

ష‌ణ్ముఖ్ జ‌శ్వంత్‌కు పోలీసులు కౌన్సిలింగ్.. డ్రంక్ అండ్ డ్రైవ్‌తో పాటు యాక్సిడెంట్ కేసు కూడా !