ఎవడు సామీ నువ్వు.! ఏకంగా 19 ఏళ్ల యూవీ రికార్డు బద్దలు కొట్టేశాడు.. ఈ ప్లేయర్ ఎవరంటే.?
Michael Leask: టీ20 ప్రపంచ కప్ 2026లో మైఖేల్ లీస్క్ కొత్త రికార్డు సృష్టించాడు. కనీసం 20 ఇన్నింగ్స్లలో అత్యంత ఫాస్టెస్ట్ స్ట్రైక్ రేట్ ఉన్న బ్యాట్స్మన్గా నిలిచాడు. అతను 5 బంతుల్లో 22 పరుగులు చేశాడు. దీంతో టీమిండియా ప్లేయర్ యువరాజ్ సింగ్ను కూడా పక్కన నెట్టేశాడు.
Michael Leask Breaks 19 Year Old Record: స్కాటిష్ క్రికెటర్ మైఖేల్ లీస్క్ 2026 ఐసీసీ టీ20 ప్రపంచ కప్లో చరిత్ర సృష్టించాడు. ఇటలీతో జరిగిన మ్యాచ్లో ఈ ఘనత సాధించాడు. ఈ మ్యాచ్లో స్కాట్లాండ్ 73 పరుగుల తేడాతో విజయం సాధించింది. కోల్కతాలోని ఈడెన్ గార్డెన్స్లో జరిగిన ఈ మ్యాచ్లో వెస్టిండీస్ చేతిలో ఓడిపోయిన స్కాట్లాండ్.. టోర్నమెంట్లో తొలి విజయం నమోదు చేసింది.
చరిత్ర సృష్టించిన లీస్క్..
లీస్క్ ఆల్ రౌండ్ ఆటతో ఆకట్టుకున్నాడు. టీ20 ప్రపంచ కప్లో తన జట్టు తొలిసారిగా 200 పరుగుల స్కోరును చేరుకోవడంలో సహాయపడ్డాడు. ఈ బ్యాట్స్మన్ 5 బంతుల్లో 22 పరుగులు చేశాడు. 2 ఫోర్లు, 2 సిక్సర్లు బాదాడు. అతను 440 స్ట్రైక్ రేట్తో బ్యాటింగ్ చేశాడు. అతను 4 వికెట్లు కూడా పడగొట్టాడు. కేవలం 17 పరుగులు మాత్రమే ఇచ్చాడు.
తద్వారా లీస్క్ టీ20 ప్రపంచ కప్లో అత్యంత వేగవంతమైన ఇన్నింగ్స్ ఆడాడు. అది కూడా అద్భుతమైన స్ట్రైక్ రేట్తో దంచి కొట్టాడు. గతంలో, ఈ రికార్డు వెస్టిండీస్కు చెందిన డ్వేన్ స్మిత్ పేరిట ఉంది. అతను 2007లో బంగ్లాదేశ్పై 7 బంతుల్లో 29 పరుగులు చేశాడు. ఇంకా, భారత క్రికెటర్ యువరాజ్ సింగ్ ఇంగ్లాండ్పై 12 బంతుల్లో అర్ధ సెంచరీ కొట్టాడు. ఈ టీమిండియా బ్యాట్స్మన్ ఒక ఓవర్లో 6 సిక్సర్లు బాదిన సంగతి తెలిసిందే. యువరాజ్ ఇప్పుడు మూడో స్థానానికి చేరుకున్నాడు.
MICHAEL MAGICAL LEASK! 🌟
Leask becomes the player of the match for his all-around majesty. 🔥
2️⃣2️⃣ runs with the bat with a strike rate of 440! 🤯
4️⃣ wickets, 17 runs, 4️⃣ overs! 💥#CricVerse | #T20WorldCup2026 | #MichaelLeask pic.twitter.com/p1gdTS1mRc
— CricVerse (@CricVerse23) February 9, 2026
తద్వారా లీస్క్ ఒక అసోసియేట్ దేశం నుంచి నాలుగు వికెట్లు తీసి 20 పరుగులు చేసిన మొదటి ఆటగాడిగా నిలిచాడు. లీస్క్ తన కెరీర్లో ఐదవసారి టీ20 ప్రపంచ కప్లో ఆడుతున్నాడు. గతంలో 2016, 2021, 2022, 2024 ఎడిషన్లలో ఆడాడు. ఇప్పటి వరకు 76 టీ20లు, 91 వన్డేలు ఆడాడు. లీస్క్ 2013లో అరంగేట్రం చేశాడు.
ఈ మ్యాచ్ గురించి చెప్పాలంటే, స్కాట్లాండ్ మొదట బ్యాటింగ్ చేసి 4 వికెట్ల నష్టానికి 207 పరుగులు చేసింది. ప్రతిస్పందనగా, ఇటలీ 134 పరుగులకు ఆలౌట్ అయింది. స్కాట్లాండ్ తరపున జార్జ్ మున్సే, మైఖేల్ జోన్స్ వరుసగా 84, 37 పరుగులు అందించారు.
మరిన్ని క్రీడా వార్తల కోసం ఇక్కడ క్లిక్ చేయండి..