IND vs ENG 1st T20: నువ్వు మనిషివా.. పక్షివా? అసలే మావాడు కష్టాల్లో ఉంటే అలా పట్టేశావ్!
చెస్టర్-లె-స్ట్రీట్లో భారత్-ఇంగ్లాండ్ మ్యాచ్ వర్షం కారణంగా రద్దయ్యింది. టీమిండియా 189 పరుగులు చేసినా, ఇంగ్లాండ్ బ్యాటింగ్ చేయలేకపోయింది. అయితే, టామ్ బాంటన్ పట్టిన అద్భుతమైన క్యాచ్ హైలైట్గా నిలిచింది. ఫామ్ లేమితో సతమతమవుతున్న సంజు శాంసన్ను కేవలం ఒక్క పరుగు వద్దే ఈ సూపర్ క్యాచ్ పెవిలియన్ చేర్చింది.
చెస్టర్-లె-స్ట్రీట్ వేదికగా భారత్, ఇంగ్లాండ్ మధ్య జరిగిన మ్యాచ్ ఫలితం తేలకుండానే ముగిసింది. వర్షం కారణంగా కేవలం సగం మ్యాచ్ మాత్రమే జరిగింది. ఈ మ్యాచ్ టాస్ గెలిచి తొలుత బ్యాటింగ్ ఎంచుకున్న టీమిండియా 20 ఓవర్లు పూర్తిగా బ్యాటింగ్ చేసింది, కానీ ఇంగ్లాండ్ బ్యాటింగ్కు రాకుండానే మ్యాచ్ వర్షం అంతరాయం కారణంగా ఫలితం తేలకుండా ముగిసిపోయింది. అయితే ఈ మ్యాచ్లో టీమిండియాలో అదరగొట్టింది. 20 ఓవర్లలో 7 వికెట్లు కోల్పోయి 189 పరుగుల భారీ స్కోర్ చేసింది.
ఇది కూడా చదవండి: హార్థిక్ పాండ్యా ట్రేడ్ డీల్.. ఎవ్వరూ ఊహించని టీమ్లోకి?
అయితే ఈ మ్యాచ్లో ఓ అద్భుత ఘటన చోటు చేసుకుంది. ఇంగ్లాండ్ ఫీల్డర్ టామ్ బాంటన్ సూపర్మ్యాన్లా మారి ఓ నమ్మశక్యం కానీ క్యాచ్ను పట్టుకున్నాడు. అది కూడా ఎవరిదో కాదు టీమిండియా ఓపెనర్ సంజూ శాంసన్ది. అసలే గత రెండు మ్యాచ్లుగా ఫామ్ కోల్పోయి కష్టాల్లో ఉన్న సంజూ శాంసన్ ఇలాంటి అద్భుతమైన క్యాచ్కు అవుటై మరింత నిరాశకు గురైయ్యాడు. ఐర్లాండ్తో జరిగిన రెండు టీ20 సిరీస్లో విఫలమైన సంజూ శాంసన్ను ప్లేయింగ్ ఎలెవన్ నుంచి తప్పించాలనే ఒత్తిడి ఉంది. ఎందుకంటే బెంచ్లో వండర్కిడ్ వైభవ్ సూర్యవంశీ కూర్చోని ఉన్నాడు.
ఇది కూడా చదవండి: వైభవ్ సూర్యవంశీ గురించి ఇంగ్లాండ్ కెప్టెన్ సంచలన స్టేట్మెంట్.. ఏమన్నాడో తెలిస్తే షాక్ అవ్వాల్సిందే
క్యాచ్ వీడియో చూడండి
How about this catch from Tom Banton to dismiss Sanju Samson 😱 pic.twitter.com/Z6NWKmz2mc
— Cricbuzz (@cricbuzz) July 1, 2026
అతన్ని ఎప్పుడెప్పుడు ఆడిస్తారా అంటూ యావత్ క్రికెట్ లోకం ఎదురుచూస్తోంది. ఇలాంటి టైమ్ సంజూకు అదృష్టం కూడా కలిసి రావడం లేదు. నిజానికి అది అంత సులువైన క్యాచ్ కాదు, బౌండరీ వెళ్లాల్సిన బాల్. కానీ బాంటన్ ఎంతో అద్భుతంగా గాల్లోకి పక్షిలా ఎగురుతూ ఆ క్యాచ్ పూర్తి చేశాడు. దీంతో సంజూ ఇన్నింగ్స్ కేవలం ఒక్క పరుగు వద్దే ముగిసింది. కొన్ని పరుగులు చేసి తనపై ఉన్న ఒత్తిడిని తగ్గించుకోవాలని చూస్తున్న తరుణంలో ఈ సూపర్ క్యాచ్ సంజూను బలితీసుకుంది. ఈ క్యాచ్కు సంబంధించిన వీడియో సోషల్ మీడియాలో వైరల్ కావడంతో.. నువ్వు మనిషివా పక్షివా.. అసలే శాంసన్ కష్టాల్లో ఉంటే ఇంత అద్భుతమైన క్యాచ్తో అవుట్ చేస్తావా అంటూ క్రికెట్ అభిమానులు సరదాగా కామెంట్ చేస్తున్నారు.
క్యాచ్ వీడియో చూడండి
THE DISMISSAL OF SANJU SAMSON IN FIRST T20I.
– Sharp catch from Tom Banton to dismiss Sanju Samson. [🎥: Willow] pic.twitter.com/NGeyMGDmOF
— Maina Singh (@Maina_Singhx77) July 1, 2026
మరిన్ని క్రికెట్ వార్తల కోసం ఇక్కడ క్లిక్ చేయండి