ఇంగ్లాండ్‌పై నాటు కొట్టుడు.. కట్‌చేస్తే.. నాకౌట్‌లో తోపు ప్లేయర్‌గా శాంసన్.. టాప్ 5 లిస్ట్ ఇదే..

Ind Vs Eng Sanju Samson Half Century

టీ20 వరల్డ్ కప్ 2026 సెమీఫైనల్‌లో భారత స్టార్ బ్యాటర్ సంజూ శాంసన్ (Sanju Samson) అద్భుత ప్రదర్శనతో చరిత్ర సృష్టించాడు. ముంబైలోని వాంఖడే స్టేడియం (Wankhede Stadium) లో జరిగిన సెమీఫైనల్ మ్యాచ్‌లో ఇంగ్లాండ్‌పై అతను కేవలం 42 బంతుల్లో 89 పరుగులు చేసి జట్టుకు బలమైన ఆరంభాన్ని అందించాడు. ఈ ఇన్నింగ్స్‌తో టీ20 వరల్డ్ కప్ నాకౌట్ మ్యాచ్‌లలో అత్యధిక వ్యక్తిగత స్కోర్లు చేసిన బ్యాటర్ల జాబితాలో సంజూ శాంసన్ టాప్-5లో చోటు దక్కించుకున్నాడు.

సంజూ శాంసన్ తుఫాన్ ఇన్నింగ్స్..

ఇంగ్లాండ్‌పై జరిగిన కీలక సెమీఫైనల్ మ్యాచ్‌లో సంజూ అగ్రెసివ్ బ్యాటింగ్‌తో ప్రత్యర్థి బౌలర్లను తీవ్రంగా ఇబ్బంది పెట్టాడు.

పవర్‌ప్లే నుంచే దూకుడు ప్రదర్శించిన అతను బౌండరీలు, సిక్సర్లతో స్కోర్‌బోర్డ్‌ను వేగంగా ముందుకు తీసుకెళ్లాడు. ఈ ఇన్నింగ్స్ వల్ల భారత్‌కు సెమీఫైనల్‌లో మంచి ప్రారంభం లభించింది.

టీ20 వరల్డ్ కప్ నాకౌట్ మ్యాచ్‌లలో అత్యధిక వ్యక్తిగత స్కోర్లు..

టీ20 వరల్డ్ కప్ నాకౌట్ మ్యాచ్‌లలో అత్యధిక వ్యక్తిగత స్కోర్లు చేసిన ఆటగాళ్లు:

100* – ఫిన్ అలెన్ (Finn Allen) (న్యూజిలాండ్) vs దక్షిణాఫ్రికా, 2026

96* – తిలక్ రత్నే దిల్షాన్ (Tillakaratne Dilshan) (శ్రీలంక) vs వెస్టిండీస్, 2009

89* – విరాట్ కోహ్లీ (Virat Kohli) (భారత్) vs వెస్టిండీస్, 2016

89 – సంజూ శాంసన్ (Sanju Samson) (భారత్) vs ఇంగ్లాండ్, 2026

86* – అలెక్స్ హేల్స్ (Alex Hales) (ఇంగ్లాండ్) vs భారత్, 2022

ఫిన్ అలెన్ రికార్డు..

ఇదే టోర్నమెంట్‌లో ఒక రోజు ముందు ఫిన్ ఆలెన్ (Finn Allen) టీ20 వరల్డ్ కప్ నాకౌట్ మ్యాచ్‌లో సెంచరీ చేసిన తొలి ఆటగాడిగా చరిత్ర సృష్టించాడు.

అతను దక్షిణాఫ్రికాపై అజేయంగా 100 పరుగులు చేసి కొత్త రికార్డు నెలకొల్పాడు.

కోహ్లీ రికార్డు సరసన సంజూ..

భారత మాజీ కెప్టెన్ విరాట్ కోహ్లీ (Virat Kohli) 2016 టీ20 వరల్డ్ కప్‌లో వెస్టిండీస్‌పై 89* పరుగులు చేసి రికార్డు సృష్టించాడు.

ఇప్పుడు సంజూ శాంసన్ అదే స్కోర్‌తో ఆ జాబితాలో చేరడం భారత క్రికెట్ అభిమానులకు ఆనందాన్ని కలిగిస్తోంది.