Viral Video : సింగిల్ కోసం ఇద్దరి మధ్య వాగ్వాదం.. స్టంప్ మైక్లో రికార్డ్ అయిన హిట్మ్యాన్-అయ్యర్ మాటల యుద్ధం!
ఆస్ట్రేలియాతో జరుగుతున్న అడిలైడ్ వన్డేలో భారత్కు శుభ్మన్ గిల్ (9), విరాట్ కోహ్లీ (0) రూపంలో ప్రారంభంలోనే షాక్లు తగిలినా, మాజీ కెప్టెన్ రోహిత్ శర్మ, శ్రేయస్ అయ్యర్ ఇద్దరూ అద్భుతమైన పోరాటం చేశారు. వీరిద్దరూ మూడో వికెట్కు ఏకంగా 118 పరుగుల భాగస్వామ్యం నెలకొల్పి, భారత్కు సవాలు విసిరే స్కోరును అందించడంలో కీలక పాత్ర పోషించారు.
Viral Video : ఆస్ట్రేలియాతో జరుగుతున్న అడిలైడ్ వన్డేలో భారత్కు శుభ్మన్ గిల్ (9), విరాట్ కోహ్లీ (0) రూపంలో ప్రారంభంలోనే షాక్లు తగిలినా, మాజీ కెప్టెన్ రోహిత్ శర్మ, శ్రేయస్ అయ్యర్ ఇద్దరూ అద్భుతమైన పోరాటం చేశారు. వీరిద్దరూ మూడో వికెట్కు ఏకంగా 118 పరుగుల భాగస్వామ్యం నెలకొల్పి, భారత్కు సవాలు విసిరే స్కోరును అందించడంలో కీలక పాత్ర పోషించారు. అయితే, ఈ ఇన్నింగ్స్ సమయంలో మైదానంలో రోహిత్ శర్మ మరియు శ్రేయస్ అయ్యర్ మధ్య జరిగిన ఆసక్తికరమైన సంభాషణ స్టంప్ మైక్లో రికార్డ్ అయింది. ప్రస్తుతం ఈ వీడియో సోషల్ మీడియాలో వైరల్ అవుతోంది.
ఆడిలైడ్ వన్డేలో 17 పరుగులకే రెండు కీలక వికెట్లు కోల్పోయిన తర్వాత రోహిత్ శర్మ, శ్రేయస్ అయ్యర్ ఇన్నింగ్స్ను నిలబెట్టడంలో కీలక పాత్ర పోషించారు. రోహిత్ శర్మ తన వన్డే కెరీర్లో 59వ హాఫ్ సెంచరీని నమోదు చేశాడు. 97 బంతుల్లో 73 పరుగులు (7 ఫోర్లు, 2 సిక్స్లు) చేశాడు. వైస్ కెప్టెన్ శ్రేయస్ అయ్యర్ కూడా 77 బంతుల్లో 7 ఫోర్ల సహాయంతో 61 పరుగులు చేసి రోహిత్కు మంచి సహకారం అందించాడు.
ఈ ఇద్దరూ కలిసి మూడో వికెట్కు 118 పరుగుల విలువైన భాగస్వామ్యాన్ని నెలకొల్పారు. వీరిద్దరి నిలకడైన ఆటతోనే భారత్ ఆస్ట్రేలియాకు 265 పరుగుల సవాలుతో కూడిన లక్ష్యాన్ని అందించగలిగింది. చివర్లో అక్షర్ పటేల్ (11), హర్షిత్ రాణా (24 నాటౌట్), అర్ష్దీప్ సింగ్ (13) కూడా ఉపయోగకరమైన పరుగులు చేశారు. ఈ భాగస్వామ్యం కొనసాగుతున్న సమయంలో, సింగిల్ తీయడానికి ప్రయత్నించినప్పుడు రోహిత్ శర్మ, శ్రేయస్ అయ్యర్ మధ్య జరిగిన సంభాషణ స్టంప్ మైక్లో స్పష్టంగా రికార్డ్ అయింది.
రోహిత్ శర్మ ఒక బంతిని కొట్టి సింగిల్ కోసం ప్రయత్నించగా, శ్రేయస్ అయ్యర్ అందుకు నిరాకరించాడు. దీంతో రోహిత్ వెంటనే అయ్యర్తో, శ్రేయస్, ఇది సింగిల్ అని అన్నాడు. అందుకు అయ్యర్.. అరే మీరు చేసి చూడండి. నన్ను తర్వాత నిందించకండి అని బదులిచ్చాడు. దానికి రోహిత్ మళ్లీ.. అరే నీవు కాల్ ఇవ్వాలి. వాడు ఏడో ఓవర్ వేస్తున్నాడు అని చెప్పాడు. అంటే, బౌలర్ ఫీల్డింగ్ను అనుసరించి సింగిల్ తీసుకోవచ్చని రోహిత్ అభిప్రాయం. అయ్యర్ మళ్లీ.. నాకు అతని యాంగిల్ తెలియదు. కాల్ చేయండి అని బదులివ్వగా, రోహిత్ నేను ఈ కాల్ ఇవ్వలేను అన్నాడు. అందుకు అయ్యర్, ముందున్నారు కదా అని చెప్పాడు.
Stump mic captures Rohit Sharma vs Shreyas Iyer 🤣🙌
Whose call was it really?✍🏻👇#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/YipS5K9ioa
— Star Sports (@StarSportsIndia) October 23, 2025
రోహిత్ శర్మ, శ్రేయస్ అయ్యర్ మధ్య క్రీజులో సింగిల్ కోసం జరిగిన ఈ వాగ్వాదం వీడియో సోషల్ మీడియాలో బాగా వైరల్ అవుతోంది. ఆటగాళ్ల మధ్య జరిగే ఇలాంటి సంభాషణలు, ఒత్తిడిని సూచించడంతో పాటు, క్రీజులో వారి మధ్య ఉండే సమన్వయాన్ని కూడా తెలియజేస్తాయి. ఈ చర్చలో ఎవరు సరైనది అనే అంశంపై అభిమానులు సోషల్ మీడియాలో తమ అభిప్రాయాలను పంచుకుంటున్నారు.
మరిన్ని క్రికెట్ వార్తల కోసం ఇక్కడ క్లిక్ చేయండి..