Rohit Sharma: 2024 టీ20 ప్రపంచకప్లో టీమిండియా సారథిగా రోహిత్ శర్మ: సౌరవ్ గంగూలీ
Saurav Ganguly: టీమిండియా శాశ్వత కెప్టెన్ రోహిత్ శర్మ కూడా టీ20 ఫార్మాట్కు దూరమయ్యే ఆలోచనలో ఉన్నట్లు బీసీసీఐకి తెలిపినట్లు సమాచారం. అయితే దీనిపై తన అభిప్రాయాన్ని వెల్లడించిన బీసీసీఐ మాజీ అధ్యక్షుడు సౌరవ్ గంగూలీ రోహిత్కు అనుకూలంగా మాట్లాడాడు.
Rohit Sharma: స్వదేశంలో వన్డే ప్రపంచకప్ 2023 (ODI World Cup 2023) గెలవడంలో విఫలమైన టీమ్ ఇండియా ఇప్పుడు వచ్చే ఏడాది అమెరికా, వెస్టిండీస్లో జరగనున్న T20 ప్రపంచ కప్ 2024 (T20 World Cup 2024)పై దృష్టి సారించింది. ఇందుకోసం యువ టీమ్ నిర్మాణానికి తొలి అడుగు పడింది. ఇందుకోసం ఆస్ట్రేలియా, దక్షిణాఫ్రికాలో జరుగుతున్న టీ20 సిరీస్లకు యువ ఆటగాళ్లను జట్టులోకి తీసుకున్నారు. దీనికి తోడు ఈ రెండు దేశాలతో జరిగే టీ20 సిరీస్ నుంచి టీమిండియా సీనియర్ ఆటగాళ్లు రోహిత్ శర్మ (Rohit Sharma), విరాట్ కోహ్లి (Virat Kohli)లు వైదొలిగారు. ఇప్పుడు వినిపిస్తున్న సమాచారం ప్రకారం.. టీ20 ఫార్మాట్ నుంచి తప్పుకునే ఆలోచనలో ఉన్నట్టు టీమిండియా శాశ్వత కెప్టెన్ రోహిత్ శర్మ బీసీసీఐకి చెప్పినట్లు సమాచారం. అయితే, దీనిపై తన అభిప్రాయాన్ని వెల్లడించిన బీసీసీఐ మాజీ అధ్యక్షుడు సౌరవ్ గంగూలీ (Sourav Ganguly) రోహిత్కు అనుకూలంగా తన నిర్ణయాన్ని వెల్లడించాడు.
టీ20 సిరీస్కు దూరం..
2022 టీ20 ప్రపంచకప్ తర్వాత రోహిత్ శర్మ ఏ టీ20 ఇంటర్నేషనల్ ఆడలేదు. ఇది మాత్రమే కాదు, వచ్చే నెలలో దక్షిణాఫ్రికాలో జరిగే మూడు మ్యాచ్ల టీ20 అంతర్జాతీయ సిరీస్లో కూడా భాగం కాలేదు. రోహిత్, విరాట్ కోహ్లీ ఇద్దరూ వైట్ బాల్ క్రికెట్ నుంచి విరామం కోరినట్లు భారత క్రికెట్ నియంత్రణ మండలి (బీసీసీఐ) తెలిపింది. దీంతో వీరిద్దరూ వన్డే, టీ20 అంతర్జాతీయ సిరీస్లలో ఆడరు. అందుకే వీరిద్దరూ కచ్చితంగా టీ20 ఫార్మాట్ కు దూరమయ్యారని క్రికెట్ పండితులు అభిప్రాయపడుతున్నారు.
రోహిత్ కెప్టెన్గా కొనసాగాలి..
అయితే, దీనిపై మాట్లాడిన సౌరవ్ గంగూలీ.. ‘2024లో జరిగే టీ20 ప్రపంచకప్ వరకు రోహిత్ శర్మ భారత జట్టుకు నాయకత్వం వహిస్తాడని భావిస్తున్నాను’ అని ఆయన అన్నాడు. ప్రధాన కోచ్ రాహుల్ ద్రవిడ్ కాంట్రాక్ట్ పొడిగింపు గురించి గంగూలీ మాట్లాడుతూ, ‘రాహుల్ ద్రవిడ్పై బీసీసీఐ విశ్వాసం చూపడం చూసి ఆశ్చర్యపోలేదు. అయితే, రాహుల్ మళ్లీ ప్రధాన కోచ్గా మారడానికి అంగీకరిస్తారా లేదా అనే ప్రశ్న ఎప్పుడూ ఉండేది. దీంతో ఈ విషయానికి ఎట్టకేలకు తెరపడింది.
ఆ ఇద్దరి టెస్టు కెరీర్కు ముగింపు?
దక్షిణాఫ్రికా పర్యటనకు వెళ్లే టెస్టు జట్టులో అజింక్య రహానే, ఛెతేశ్వర్ పుజారాలకు చోటు దక్కలేదు. దీని గురించి గంగూలీ మాట్లాడుతూ.. ‘రహానే, పుజారా టీమ్ ఇండియాకు ఎన్నో విజయాలను అందించారు. అయితే, సెలెక్టర్లు జట్టులో కొత్త ముఖాలను చూడాలనుకుంటున్నారని నేను భావిస్తున్నాను. నిజానికి దక్షిణాఫ్రికా పర్యటనకు వెళ్లే టెస్టు జట్టులో అజింక్య రహానే, చటేశ్వర్ పుజారాలను ఎంపిక చేయలేదు. అందుకే వీరిద్దరి టెస్ట్ కెరీర్ ముగిసినట్లే అని కొందరు అభిప్రాయపడుతున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..