ప్రోటీన్ షేక్ కాదు.. రోహిత్ శర్మ లేట్ నైట్ ఫేవరేట్ ఫుడ్ ఇదే.. పేరు తెలిస్తే సర్ప్రైజ్ అవ్వాల్సిందే..!
Rohit Sharma Favourite Food: టీమిండియా మాజీ బ్యాటర్ రోహిత్ శర్మ (Rohit Sharma) తనకు టెస్టు మ్యాచ్ల సమయంలో ఎదురయ్యే ఒత్తిడి గురించి ఆసక్తికర విషయాన్ని వెల్లడించాడు. నిద్ర పట్టని రాత్రుల్లో ఆకలి వేస్తే తల్లి తయారు చేసి ఇచ్చే ప్రత్యేకమైన స్నాక్ను తినేవాడినని చెప్పాడు. అది సాధారణ స్నాక్ కాదు.. తనకు ఎంతో ఇష్టమైన అరటి వేపుడు ముక్కలు.
Rohit Sharma Favourite Food: టీమిండియా మాజీ బ్యాటర్ రోహిత్ శర్మ (Rohit Sharma) టెస్టు క్రికెట్తో తనకున్న అనుబంధాన్ని గుర్తుచేసుకుంటూ ఆసక్తికర విషయాలు వెల్లడించాడు. టెస్టు మ్యాచ్లు అంటే తనకు ఎంతో ఇష్టమని చెప్పిన రోహిత్.. అదే సమయంలో ఆ ఫార్మాట్లో ఆడేటప్పుడు తీవ్ర ఉత్కంఠకు గురయ్యేవాడినని తెలిపాడు. మ్యాచ్ ఒత్తిడి కారణంగా రాత్రిళ్లు నిద్ర కూడా సరిగా పట్టేది కాదని వివరించాడు. అలాంటి సమయాల్లో ఆకలి వేస్తే తనకు ఓ ప్రత్యేకమైన కంఫర్ట్ ఫుడ్ ఉండేదని చెప్పాడు. అది తన తల్లి ఇంట్లో తయారు చేసి ఇచ్చే బనానా వాఫర్స్. వాటిని మ్యాచ్ల సమయంలో తన వెంట ఉంచుకునేవాడినని రోహిత్ వెల్లడించాడు. తన తల్లి వాటిని నూనెలో వేయించకుండా ప్రత్యేక పద్ధతిలో బేక్ చేసేదని కూడా తెలిపాడు.
2013 నుంచి 2025 వరకు భారత టెస్టు జట్టులో భాగమైన రోహిత్ మొత్తం 67 టెస్టులు ఆడాడు. ఈ ఫార్మాట్లో 4,301 పరుగులు సాధించాడు. 40.57 బ్యాటింగ్ సగటుతో ఆడిన అతడి ఖాతాలో 12 శతకాలు, 18 అర్ధ శతకాలు ఉన్నాయి. అత్యధిక స్కోరు 212 పరుగులు. గత ఏడాది టెస్టు కెరీర్కు రోహిత్ ముగింపు పలికాడు.
తన టెలివిజన్ కార్యక్రమం ‘ఫ్యామిలీ ఫుల్ హౌస్ విత్ రోహిత్ శర్మ’ (Family Full House with Rohit Sharma)లో ఈ విషయాలను పంచుకున్నాడు. టెస్టు క్రికెట్లో ఉండే సవాళ్లు తనను ఎప్పుడూ అప్రమత్తంగా ఉంచేవని చెప్పాడు. ఇతర ఫార్మాట్లకు కూడా వాటి సవాళ్లు ఉన్నా.. టెస్టులకు ప్రత్యేకమైన ఒత్తిడి ఉంటుందని వివరించాడు.
ఆ ఉత్కంఠ కారణంగా రాత్రంతా మేల్కొని ఉండే సందర్భాలు వచ్చేవని రోహిత్ తెలిపాడు. ఎక్కువసేపు మేల్కొని ఉంటే ఏదైనా తినాలనిపించేదని, అందుకే తనకు ఇష్టమైన ఆహారాన్ని వెంట ఉంచుకునేవాడినని చెప్పాడు.
తల్లి తయారు చేసే బనానా వాఫర్స్ తనకు ఎంతో సౌకర్యాన్ని ఇచ్చేవని రోహిత్ వెల్లడించాడు. అవి సాధారణంగా నూనెలో వేయించినవి కావని స్పష్టం చేశాడు. తన తల్లి వాటిని బేక్ చేసే ప్రత్యేక విధానాన్ని అనుసరించేదని చెప్పాడు. ఎప్పుడైనా తినాలనిపిస్తే వెంటనే వాటిని తీసుకుని తినేవాడినని వివరించాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..