Prithvi shaw: ఆ పరీక్షలో ఫెయిలైన పృథ్వీ షా.. ట్రోల్ చేస్తున్న నేటిజన్లు..
ఇండియన్ ప్రీమియర్ లీగ్ 2022 (IPL 2022)లో పాల్గొనడానికి ముందు పృథ్వీ షా(Prithvi Shaw) ఫిట్‌నెస్‌పై అనుమానాలు తలెత్తాయి...
ఇండియన్ ప్రీమియర్ లీగ్ 2022 (IPL 2022)లో పాల్గొనడానికి ముందు పృథ్వీ షా(Prithvi Shaw) ఫిట్‌నెస్‌పై అనుమానాలు తలెత్తాయి. ఎన్‌సీఏ(NCA)లో జరిగిన యో-యో టెస్టులో పృథ్వీ షా విఫలమయ్యాడు. యో-యో టెస్టులో ఉత్తీర్ణత సాధించేందుకు పృథ్వీ షా 16.5 పాయింట్లు సాధించాల్సి ఉండగా.. అతను 15 పాయింట్లను కూడా సాధించలేకపోయాడు. అతనితో కలిసి యో-యో టెస్టు ఇచ్చిన హార్దిక్ పాండ్యా ఈ స్కోరును చాలా సులువుగా దాటేశాడు. పాండ్యా 17 పాయింట్లు సాధించడంతో పాటు నెట్స్‌లో కూడా నిలకడగా బౌలింగ్ చేశాడు. అతని బంతుల వేగం 135 కి.మీ.గా ఉంది. పృథ్వీ షా YO-YO టెస్ట్‌లో విఫలమవడంతో సోషల్ మీడియాలో అతన్ని ట్రోల్ చేస్తున్నారు.
పృథ్వీ షా వరుసగా మూడు రంజీ మ్యాచ్‌లు ఆడాడని, అతని అలసట కారణంగా యో-యో టెస్ట్ పాస్ కాలేదని చెబుతున్నారు. ఈ మూడు మ్యాచ్‌ల సమయంలో షా బయో బబుల్‌లో ఉండిపోయాడు. దీని కారణంగా యో-యో టెస్ట్ సమయంలో అతను ఇబ్బంది పడ్డాడు. అయితే ఈ ఆటగాడు యో-యో టెస్ట్‌లో విఫలమైనా, మ్యాచ్‌లను గెలిపించగలిగే సత్తా అతనికి ఉందని అందరికీ తెలుసు. అందుకే ఢిల్లీ క్యాపిటల్స్ ఫ్రాంచైజీ 7.50 కోట్ల భారీ ధర చెల్లించి పృథ్యీ షాని సొంత చేసుకుంది.
ఈ ముంబై బ్యాట్స్‌మెన్ 5 టెస్టులు ఆడాడు. 42 కంటే ఎక్కువ సగటుతో 339 పరుగులు చేశాడు. వన్డేల్లో ఈ ఆటగాడు 31.5 సగటుతో 189 పరుగులు చేశాడు. ఐపీఎల్‌లో షా 24.62 సగటుతో 1305 పరుగులు చేశాడు. షా స్ట్రైక్ రేట్ 150కి చేరువలో ఉంది.
Read Also.. IPL 2022: విరాట్ కోహ్లీని ఎంఎస్ ధోనీ దాటేస్తాడా.. అభిమానులు ఏమనుకుంటున్నారు..