Babar Azam: అత్యంత చెత్త రికార్డ్ బ్రేక్ చేసిన బాబర్.. ఆ దిగ్గజం సరసన చోటు..?

Babar Azam Unwanted Record

Pakistan vs Zimbabwe: పాకిస్తాన్ తరపున టీ20 అంతర్జాతీయ క్రికెట్‌లో బాబర్ ఆజం షాకింగ్ రికార్డును లిఖించాడు. విశేషమేమిటంటే పాకిస్తాన్ మాజీ కెప్టెన్ షాహిద్ అఫ్రిది అనవసరపు రికార్డును అతను బద్దలు కొట్టాడు. రావల్పిండిలో జింబాబ్వేతో జరిగిన తొలి టీ20ఐలో మూడో స్థానంలో వచ్చిన బాబర్ ఆజం సున్నా పరుగులకే ఔటయ్యాడు. దీంతో, బాబర్ పాకిస్తాన్ డక్‌మెన్ జాబితాలో అఫ్రిదిని అధిగమించి మూడవ స్థానానికి ఎగబాకాడు.

పాకిస్తాన్ తరపున 90 టీ20 అంతర్జాతీయ ఇన్నింగ్స్‌లు ఆడిన షాహిద్ అఫ్రిది 8 సార్లు సున్నా పరుగులకే ఔటయ్యాడు. దీంతో, పాకిస్తాన్ తరపున టీ20 క్రికెట్‌లో అత్యధిక సార్లు సున్నా పరుగులకే ఔటైన బ్యాట్స్‌మెన్ జాబితాలో అతను మూడో స్థానంలో నిలిచాడు.

ఇప్పుడు బాబర్ ఆజం ఈ రికార్డును బద్దలు కొట్టాడు. పాకిస్తాన్ తరపున ఇప్పటివరకు 125 టీ20 ఇన్నింగ్స్‌లు ఆడిన బాబర్ సున్నాకి తొమ్మిదిసార్లు ఔట్ అయ్యాడు. దీంతో, టీ20 క్రికెట్‌లో అత్యధిక సున్నాలు సాధించిన పాకిస్తాన్ తరపున మూడో బ్యాట్స్‌మన్‌గా నిలిచాడు.

ఈ జాబితాలో అగ్రస్థానంలో సైమ్ అయూబ్, ఉమర్ అక్మల్ ఉన్నారు. పాకిస్తాన్ తరపున 50 టీ20 ఇన్నింగ్స్‌లు ఆడిన సైమ్ 10 సార్లు సున్నాకి ఔటయ్యాడు. మరోవైపు ఉమర్ అక్మల్ 79 ఇన్నింగ్స్‌లలో 10 సార్లు సున్నాకి ఔటయ్యాడు. దీంతో అతను పాకిస్తాన్ జట్టు డక్‌మ్యాన్ అయ్యాడు.