LSG vs RR, IPL 2024: ఎదురులేని రాజస్థాన్.. లక్నోపై ఘన విజయం.. ప్లే ఆఫ్‌కు మరింత చేరువగా..

Rajasthan Royals

Lucknow Super Giants vs Rajasthan Royals: ఐపీఎల్ 2024 సీజన్ లో రాజస్థాన్ రాయల్స్ అదరగొడుతోంది. సంజూ శాంసన్ సారథ్యంలోని ఆ జట్టు వరుస విజయాలతో దూసుకెళుతోంది. తాజాగా శనివారం (ఏప్రిల్ 27) రాత్రి లక్నో సూపర్ జెయింట్స్ తో జరిగిన మ్యాచ్ లోనూ రాజస్థాన్ 7 వికెట్ల తేడాతో విజయం సాధించింది. ఈ మ్యాచ్ లో తొలుత బ్యాటింగ్ చేసిన లక్నో నిర్ణీత 20 ఓవర్లలో 196 పరుగులు చేసింది. కేఎల్‌ రాహుల్‌ (76), దీపక్‌ హూడా (50) అర్ధ సెంచరీలతో రాణించారు. ఆ తర్వాత బ్యాటింగ్‌కు దిగిన రాజస్థాన్‌ 19 ఓవర్లలో 3 వికెట్లు కోల్పోయి టార్గెట్‌ ను అందుకుంది. సంజు శాంసన్‌ ( 33 బంతుల్లో 71 నాటౌట్, 7 ఫోర్లు, 4 సిక్స్‌లు) చివరి వరకు క్రీజులో ఉండి రాజస్థాన్ ను గెలుపు తీరాలకు చేర్చాడు. అతనికి ధ్రువ్‌ జురెల్ ( 34 బంతుల్లో 52 నాటౌట్, 5 ఫోర్లు, 2 సిక్స్‌లు) చక్కటి సహాకారం అందించారు. అంతకు ముందు ఓపెనర్లు జోస్‌ బట్లర్‌ (34), యశస్వి జైస్వా‌ల్‌ (24) రాజస్థాన్ కు శుభారంభం అందించారు. లక్నో బౌలర్లలో యశ్‌ ఠాకూర్‌ 1, మార్కస్‌ స్టాయినిస్‌ 1, అమిత్‌ మిశ్రా 1 వికెట్ తీశారు.

సంజూ శాంసన్ విన్నింగ్ షాట్..

ఇరు జట్ల ప్లేయింగ్ 11 ఇదే:

రాజస్థాన్ రాయల్స్ (ప్లేయింగ్ XI):

యశస్వి జైస్వాల్, జోస్ బట్లర్, సంజు శాంసన్ (కెప్టెన్ & వికెట్ కీపర్), రోవ్‌మన్ పావెల్, షిమ్రాన్ హెట్మెయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, అవేష్ ఖాన్, సందీప్ శర్మ, యుజ్వేంద్ర చాహల్

ఇంపాక్ట్ ప్లేయర్లు:

రియాన్ పరాగ్, శుభమ్ దూబే, నవదీప్ సైనీ, టామ్ కోహ్లర్-కాడ్మోర్, తనుష్ కోటియన్

లక్నో సూపర్ జెయింట్స్ (ప్లేయింగ్ XI):

క్వింటన్ డి కాక్, KL రాహుల్ (కెప్టెన్ & వికెట్ కీపర్), మార్కస్ స్టోయినిస్, దీపక్ హుడా, నికోలస్ పూరన్, ఆయుష్ బడోని, కృనాల్ పాండ్యా, మాట్ హెన్రీ, రవి బిష్ణోయ్, మొహ్సిన్ ఖాన్, యశ్ ఠాకూర్

ఇంపాక్ట్ ప్లేయర్లు:

అమిత్ మిశ్రా, అర్షిన్ కులకర్ణి, కృష్ణప్ప గౌతం, యుధ్వీర్ సింగ్ చరక్, మణిమారన్ సిద్ధార్థ్

మరిన్ని క్రీడా వార్తల కోసం ఇక్కడ క్లిక్ చేయండి..