KKR vs SRH, IPL 2024 Final Live Score: ఐపీఎల్ 17 విజేతగా కోల్ కతా.. ఫైనల్‌లో ఎస్ఆర్‌హెచ్ పరాజయం

కోల్ కతా నైట్ రైడర్స్ ఐపీఎల్ 17 విజేతగా నిలిచింది. ఆదివారం జరిగిన ఫైనల్ లో ఆజట్టు సన్ రైజర్స్ హైదరాబాద్ ను  8 వికెట్ల తేడాతో చిత్తు చేసి ముచ్చటగా మూడోసారి ఐపీఎల్ కప్ ను సొంతం చేసుకుంది. ఎస్ ఆర్ హెచ్ విధించిన 114  పరుగుల లక్ష్యాన్ని కోల్ కతా కేవలం 10. 3 ఓవర్లలోనే 2 వికెట్లు కోల్పోయి ఛేదించింది.

కోల్ కతా స్కోరు వంద దాటింది.  ఆ జట్టు విజయానికి చేరువలో ఉంది. ప్రస్తుతం ఆ జట్టు స్కోరు 9 ఓవర్లలో 2 వికెట్ల నష్టానికి 106 పరుగులు. విజయానికి 8 పరుగులు మాత్రమే అవసరం.

114 పరుగుల లక్ష్య ఛేదనలో కోల్ కతా బ్యాటర్లు ధాటిగా ఆడుతున్నారు. ఫస్ట్ వికెట్ తొందరగానే కోల్పోయినా గుర్బాజ్, వెంకటేశ్ అయ్యర్ వేగంగా పరుగులు సాధిస్తున్నారు. 4 ఓవర్లు ముగిసే సరికి కోల్ కతా స్కోరు 46/1

కోల్ కతా లక్ష్య ఛేదన ప్రారంభమైంది. రెండో ఓవర్లోనే డ్యాషింగ్ బ్యాటర్ సునీల్ నరైన్ (6) పరుగులు చేసి ఔటయ్యాడు. కెప్టెన్ కమిన్స్ ఈ వికెట్ తీశాడు. ప్రస్తుతం కేకేఆర్ స్కోరు 2.2 ఓవర్లు ముగిసే సరికి 22/1.

ఐపీఎల్ ఫైనల్ లో సన్ రైజర్స్ హైదరాబాద్ కుప్ప కూలింది. కోల్ కతా బౌలర్ల ధాటికి 18.3 ఓవర్లలోనే చాప చుట్టేసింది. కెప్టెన్ కమిన్స్ (24) పరుగులతో టాప్ స్కోరర్ గా నిలిచాడు. కోల్ కతా బౌలర్లలో ఆండ్రీ రస్సెస్ మూడు వికెట్లు తీయగా, స్టార్క్,  హర్షిత్ రాణా తలా రెండు వికెట్లు తీశారు.

సన్ రైజర్స్ హైదరాబాద్  తొమ్మిదో వికెట్ కోల్పోయింది. 11 బంతుల్లో 4 పరుగులు చేసిన జయదేవ్ ఉనాద్కత్ సునీల్ నరైన్ బౌలింగ్ లో ఉన్నాడు. 18 ఓవర్లలో ఎస్ ఆర్ హెచ్ స్కోరు 113. కెప్టెన్ కమిన్స్ (21) ఒంటరి పోరాటం చేస్తున్నాడు.

కోల్ కతా బౌలర్లు చెలరేగిపోతున్నారు. వరుస విరామాల్లో వికెట్లు తీస్తున్నారు. దీంతో ఎస్ ఆర్ హెచ్ 100 పరుగుల్లోపే 8 కీలక వికెట్లు కోల్పోయింది. ప్రస్తుతం ఆ జట్టు ఆశలన్నీ కెప్టెన్ కమిన్స్ పైనే  ఉన్నాయి.

సన్ రైజర్స్ హైదరాబాద్ పీకల్లోతు కష్టాల్లో కూరుకుపోయింది. కోల్ కతా బౌలర్లు చెలరేగడంతో ఆ జట్టు బ్యాటర్లు వరుసగా పెవిలియన్ చేరుకుంటున్నారు. ఇప్పటికే ఆ జట్టు సగం మంది బ్యాటర్లు ఔటయ్యారు. ప్రస్తుతం ఎస్ ఆర్ హెచ్ స్కోరు 10.5 ఓవర్లు ముగిసే సరికి 64/5.

ఐపీఎల్ ఫైనల్ లో స్టార్క్ విజృంభించాడు. ఇప్పటికే ఓ అద్భుతమైన డెలివరీతో అభిషేక్ వర్మను బలిగొన్న ఈ ఫాస్ట్ బౌలర్ వన్ డౌన్ బ్యాటర్ ను రాహుల్ త్రిపాఠీని కూడా బోల్తా కొట్టించాడు. ప్రస్తుతం SRH స్కోరు 5.3 ఓవర్లలో 33/3.

సన్ రైజర్స్ హైదరాబాద్ కు మరో షాక్ తగిలింది. ట్రావిస్ హెడ్ కూడా ఔటయ్యాడు.  పరుగులేమీ చేయకుండానే అతను పెవిలియన్ బాట పట్టాడు. ప్రస్తుతం ఎస్ ఆర్ హెచ్ స్కోరు 2 వికెట్ల నష్టానికి 6 పరుగులు.

మొదట బ్యాటింగ్ ఎంచుకున్న సన్ రైజర్స్ హైదరాబాద్ కు ఆదిలోనే భారీ షాక్ తగిలింది. ఇన్ ఫామ్ బ్యాటర్ అభిషేక్ శర్మ రెండు పరుగులకే ఔటయ్యాడు. మిచెల్ స్టార్క్ ఓ అద్భుతమైన బంతితో అభిషేక్ ను బౌల్డ్ చేశాడు.

కోల్‌కతా నైట్ రైడర్స్ vs సన్‌రైజర్స్ హైదరాబాద్ ఫైనల్‌లో ఇరు జట్లు తలపడడం ఇదే తొలిసారి. 2018 తర్వాత హైదరాబాద్‌ ఫైనల్‌కు చేరడం ఇదే తొలిసారి కాగా ఓవరాల్‌గా మూడోది. గతంలో 2016, 2018లో హైదరాబాద్‌ ఫైనల్‌ ఆడింది. మరోవైపు కోల్‌కతాకు ఫైనల్‌ చేరడం ఇది నాలుగోసారి. 2012, 2014, 2021 తర్వాత కోల్‌కతా నాలుగోసారి ఫైనల్ ఆడనుంది. అలాగే 12 ఏళ్ల తర్వాత తొలిసారిగా చెన్నైలో ఫైనల్ మ్యాచ్ జరుగుతోంది. అంతకుముందు 2012లో కేకేఆర్, చెన్నై మధ్య భారీ మ్యాచ్ జరిగింది. ఆ తర్వాత చెన్నైని దెబ్బకొట్టి కేకేఆర్ తొలిసారి ఛాంపియన్‌గా నిలిచింది.

కోల్‌కతా నైట్ రైడర్స్ ప్లేయింగ్ XI: (కెప్టెన్), రహ్మానుల్లా గుర్బాజ్ (వికెట్ కీపర్), సునీల్ నరైన్, వెంకటేష్ అయ్యర్, శ్రేయాస్ అయ్యర్ రింకూ సింగ్, ఆండ్రీ రస్సెల్, రమణదీప్ సింగ్, మిచెల్ స్టార్క్, వైభవ్ అరోరా, హర్షిత్ రాణా మరియు వరుణ్ చక్రవర్తి.

కోల్‌కతా నైట్ రైడర్స్ ఇంపాక్ట్ ప్లేయర్స్: ప్రకాష్ రాయ్, మనీష్ పాండే, నితీష్ రాణా, కేఎస్ భరత్, షెర్ఫాన్ రూథర్‌ఫోర్డ్.

సన్‌రైజర్స్ హైదరాబాద్ ప్లేయింగ్ ఎలెవన్: పాట్ కమిన్స్ (వికెట్ కీపర్), ట్రావిస్ హెడ్, అభిషేక్ శర్మ, రాహుల్ త్రిపాఠి, ఐడెన్ మార్క్‌రామ్, నితీష్ రెడ్డి, హెన్రిచ్ క్లాసెన్ (వికెట్ కీపర్), షాబాజ్ అహ్మద్, భువనేశ్వర్ కుమార్, జయదేవ్ ఉనద్కత్, టి నటరాజన్.

సన్‌రైజర్స్ హైదరాబాద్ ఇంపాక్ట్ ప్లేయర్స్: ఉమ్రాన్ మాలిక్, గ్లెన్ ఫిలిప్స్, మయాంక్ మార్కండే, అబ్దుల్ సమద్,  వాషింగ్టన్ సుందర్.

ఈ మ్యాచ్ లో టాస్  గెలిచిన హైదరాబాద్ కెప్టెన్ పాట్ కమిన్స్ బ్యాటింగ్ ఎంచుకున్నాడు. జట్టులో పెద్దగా మార్పుల్లేవు. వరుసగా విఫలమవుతోన్న సమద్ తుది జట్టులో చోటు కోల్పోయాడు.

ఇక ఐపీఎల్ చరిత్రలో కోల్‌కతా నైట్ రైడర్స్, సన్‌రైజర్స్ హైదరాబాద్‌ మొత్తం 27 సార్లు తలపడ్డాయి. ఈ 27 మ్యాచ్‌ల్లో కేకేఆర్‌దే ఆధిపత్యం. కోల్‌కతా మొత్తం 18 సార్లు గెలిచింది. కాగా హైదరాబాద్ 9 మ్యాచ్‌ల్లో కేకేఆర్‌ను ఓడించగలిగింది. KKR గత 8 మ్యాచ్‌లలో 6 గెలవడం గమనార్హం.

IPL సీజన్ 17 చివరి మ్యాచ్‌కు ముందు, KKR vs హైదరాబాద్ మొత్తం 2 సార్లు తలపడింది. లీగ్ రౌండ్‌లో హైదరాబాద్‌పై కేకేఆర్ విజయం సాధించింది. ఆ తర్వాత క్వాలిఫయర్ 1 మ్యాచ్‌లో హైదరాబాద్‌ను ఓడించి ఫైనల్స్‌లోకి ప్రవేశించింది.