GT vs CSK Live Score, IPL 2023: చెన్నైకి బిగ్ షాక్.. 5 వికెట్ల తేడాతో గుజరాత్ ఘన విజయం..

గుజరాత్‌కు గట్టి ఎదురుదెబ్బ తగిలింది. టీమ్ కెప్టెన్ పాండ్యా అవుటయ్యాడు. 12వ ఓవర్ తొలి బంతికి జడేజా బౌల్డ్ చేశాడు. ఆఫ్ స్టంప్ వెలుపల బంతిని స్వీప్ చేసేందుకు పాండ్య ప్రయత్నించగా.. అతి తప్పి క్లీన్ బౌల్డ్ అయ్యాడు. పాండ్యా 11 బంతుల్లో 8 పరుగులు చేశాడు. జట్టు స్కోర్ ప్రస్తుతం 127/3.

గుజరాత్‌కు మరో దెబ్బ తగిలింది. గుజరాత్ ఇంపాక్ట్ ప్లేయర్ సాయి సుదర్శన్‌ను రాజ్‌వర్ధన్ అవుట్ చేశాడు. 10వ ఓవర్ మూడో బంతికి సాయి సుదర్శన్ బ్యాట్ ఎడ్జ్ తీసుకుని వికెట్ కీపర్ ధోనీ చేతుల్లోకి వెళ్లింది. దాంతో సుదర్శన్ పెవిలియన్ బాట పట్టాడు.

అహ్మదాబాద్‌లోని నరేంద్ర మోదీ స్టేడియం వేదికగా ఐపీఎల్ 2023 సీజన్ 16లో భాగంగా గుజరాత్ టైటాన్, చెన్నై సూపర్ కింగ్స్ టీమ్‌లు తలపడుతున్నాయి. 179 పరుగుల విజయలక్ష్యంతో బరిలోకి దిగిన గుజరాత్ ప్లేయర్స్ మాంచి ఊపు మీదున్నారు. 10 ఓవర్లకు 100 పరుగులు చేశారు.

టాస్ ఓడి బ్యాటింగ్ చేసిన చెన్నై సూపర్ కింగ్స్ టీం నిర్ణీత 20 ఓవర్లలో 7 వికెట్లు కోల్పోయి 178 పరుగులు చేసింది. దీంతో గుజరాత్ ముందు 179 పరుగుల లక్ష్యం ఉంది.

గైక్వాడ్ 6 పరుగుల తేడాతో సెంచరీ మిస్ చేసుకున్నాడు. 17.1 ఓవర్లో జోషఫ్ బౌలింగ్‌లో భారీ షాట్ ఆడబోయి గిల్ చేతికి చిక్కాడు. ఈ క్రమంలో 50 బంతుల్లో 92 పరుగులు చేసి పెవిలియన్ చేరాడు. ఇందులో 4 ఫోర్లు, 9 సిక్సులు ఉన్నాయి.

కేన్ విలియమ్సన్ గాయపడ్డాడు. 13వ ఓవర్ రెండో బంతికి రీతురాజ్ గైక్వాడ్ డీప్ మిడ్ వికెట్ మీద షాట్ ఆడాడు. బంతి సిక్సర్ వెళుతోంది. కానీ అక్కడ నిలబడి ఉన్న కేన్ విలియమ్సన్ డైవింగ్ చేయడం ద్వారా బంతిని అద్భుతంగా ఆపాడు. అయితే ఈ సమయంలో అతని మోకాలికి గాయం కావడంతో విలియమ్సన్ మైదానం వీడాడు.

చెన్నైకి చెందిన ఓపెనింగ్ బ్యాట్స్‌మెన్ రితురాజ్ గైక్వాడ్ గుజరాత్ బౌలర్లను చిత్తు చేస్తున్నాడు. భీకరమైన షాట్లు ఆడుతూ.. కేవలం 23 బంతుల్లోనే అర్ధ సెంచరీ పూర్తి చేశాడు.

5 ఓవర్లు ముగిసే సరికి చెన్నై టీం ఒక వికెట్ కోల్పోయి 46 పరుగులు సాధించింది. గైక్వాడ్ 24, అలీ 19 పరుగులతో క్రీజులో నిలిచారు.

షమీ అద్బుతంగా బౌలింగ్ చేస్తూ, గుజరాత్ టీంకు తొలి వికెట్‌ను అందించాడు. 2.2 ఓవర్లు ముగిసే సరికి చెన్నై టీం ఒక వికెట్ కోల్పోయి 14 పరుగులు చేసింది. కాన్వే (1)ను పెవిలియన్ చేర్చాడు.

ఇంపాక్ట్ ప్లేయర్స్: కేఎస్ భరత్, శివమ్ మావి, మోహిత్ శర్మ, అభినవ్ మనోహర్.

ఇంపాక్ట్ ప్లేయర్స్: అజింక్యా రహానే, ప్రశాంత్ సోలంకి, రాజ్‌వర్ధన్ హంగర్‌గేకర్, తుషార్ దేశ్‌పాండే.

గుజరాత్ టైటాన్స్ (ప్లేయింగ్ XI): వృద్ధిమాన్ సాహా(కీపర్), శుభమాన్ గిల్, కేన్ విలియమ్సన్, హార్దిక్ పాండ్యా(కెప్టెన్), విజయ్ శంకర్, రాహుల్ తెవాటియా, రషీద్ ఖాన్, మహమ్మద్ షమీ, జాషువా లిటిల్, యశ్ దయాల్, అల్జారీ జోసెఫ్.

చెన్నై సూపర్ కింగ్స్ (ప్లేయింగ్ XI): డెవాన్ కాన్వే, రుతురాజ్ గైక్వాడ్, బెన్ స్టోక్స్, అంబటి రాయుడు, మొయిన్ అలీ, శివమ్ దూబే, ఎంఎస్ ధోని(w/c), రవీంద్ర జడేజా, మిచెల్ సాంట్నర్, దీపక్ చాహర్, రాజ్‌వర్ధన్ హంగర్గేకర్.

గుజరాత్ టీం టాస్ గెలిచి, బౌలింగ్ ఎంచుకుంది. దీంతో ధోని సేన తొలుత బ్యాటింగ్ చేయనుంది.

బాలీవుడ్ తారల ప్రదర్శన అనంతరం ఇరు జట్ల కెప్టెన్లు రంగంలోకి దిగారు. గత విజేత గుజరాత్ టైటాన్స్ కెప్టెన్ హార్దిక్ పాండ్యా ట్రోఫీతో మైదానంలోకి వచ్చాడు.

Rashmika

పాటలు, డ్యాన్స్‌ల తర్వాత స్టేజ్ పైకి గుజరాత్, చెన్నై టీంల సారథులు హార్దిక్, ధోని ఎంట్రీ ఇచ్చారు.

Dhoni

తెలుగు పాటలతో రష్మిక ప్రేక్షకులను ఫుల్ ఎంటర్టైన్ చేస్తోంది.

అరిజిత్ సింగ్ పాటల ప్రదర్శన తర్వాత మిల్కీ బ్యూటీ తమన్నా స్టేజ్‌పైకి ఎంట్రీ ఇచ్చింది. తన డ్యాన్స్‌తోె ప్రేక్షకులను మెస్మరైజ్ చేస్తోంది.

స్టార్ సింగర్ అరిజిత్ సింగ్ తన పాటల ప్రదర్శనతో ప్రారంభోత్సవాన్ని రంజింపచేస్తున్నాడు.

ఐపీఎల్-2023 ప్రారంభ వేడుక మరికాసేపట్లో ప్రారంభం కానుంది. ఇందులో తమన్నా భాటియా నుంచి రష్మిక మందన్న, అరిజిత్ సింగ్ వరకు స్టేడియాన్ని షేక్ చేసేందుకు రెడీ అవుతున్నారు.

గత ఐపీఎల్‌ సీజన్‌లో విజేత నిలిచిన గుజరాత్‌ టైటాన్స్‌.. నేడు లీగ్ తొలి మ్యాచ్‌లో చెన్నైతో తలపడనుంది. ఈ సందర్భంగా హార్దిక్ పాండ్యా మాట్లాడుతూ.. గతేడాది విజేతగా నిలవడం ఆనందంగా ఉందని, ఆ విజయాలను కొనసాగించేందుకు ట్రై చేస్తామంటూ చెప్పుకొచ్చాడు.

చెన్నై సూపర్ కింగ్స్ కెప్టెన్ మహేంద్ర సింగ్ ధోనీ తొలి మ్యాచ్ ఆడతాడా లేదా అన్నది తేలలేదు. కాలికి గాయం కావడంతో తొలి మ్యాచ్ ఆడలేడని గతంలో వార్తలు వచ్చాయి. ధోని గాయం ఎంత లోతుగా ఉందో స్పష్టంగా తెలియదు. ఇటువంటి పరిస్థితిలో మొదటి మ్యాచ్ ఆడతాడా లేదా అనేది ఇక్కడ క్లిక్ చేసి తెలుసుకోండి.

ఈ సీజన్‌లో తొలి మ్యాచ్‌ అహ్మదాబాద్‌లో జరగాల్సి ఉండగా, తొలి మ్యాచ్‌లో వర్షం అంతరాయం కలిగించే అవకాశం ఉంది. దీంతో అభిమానులకు టెన్షన్‌ పట్టుకుంది. నిన్న సాయంత్రం అహ్మదాబాద్‌లో భారీ వర్షం కురిసింది. ఈరోజు అహ్మదాబాద్ ఆకాశం నిర్మలంగా ఉండడం, సాయంత్రానికి ఎలాంటి ఆటంకాలు ఏర్పడే అవకాశం లేదని తెలుస్తోంది.

ఐపీఎల్ 2023 ప్రారంభ మ్యాచ్ నేడు గుజరాత్ టైటాన్స్, చెన్నై సూపర్ కింగ్స్ మధ్య జరగనుంది. రాత్రి 7.30 గంటలకు ఇరుజట్ల మధ్య మ్యాచ్ జరగనుంది. దీనికి ముందు రష్మిక మందన్న, అరిజిత్ సింగ్, తమన్నా భాటియా 6 గంటలకు డ్యాన్స్, పాటలతో అలరించనున్నారు.