IPL 2023: ఐపీఎల్ 2023లో అదరగొట్టిన బౌలర్లు వీరే.. మెయిడెన్ ఓవర్స్ నుంచి డాట్ బాల్స్‌ వరకు.. లిస్టులో ఎవరున్నారంటే?

Ipl Points Table

IPL 2023 Bowling Stats: ఐపీఎల్ 2023లో లీగ్ దశలో సగం మ్యాచ్‌లు జరిగాయి. అన్ని జట్లు తమ 14 మ్యాచ్‌లలో 7 మ్యాచ్‌లు ఆడాయి. పర్పుల్ క్యాప్ రేసులో అగ్రస్థానంలో రాయల్ ఛాలెంజర్స్ బెంగళూరు ఫాస్ట్ బౌలర్ మహ్మద్ సిరాజ్ నిలిచాడు. మహ్మద్ సిరాజ్ 8 మ్యాచ్‌ల్లో 14 వికెట్లు తీశాడు. గుజరాత్ టైటాన్స్‌కు చెందిన రషీద్ ఖాన్ రెండో స్థానంలో ఉన్నాడు. రషీద్ ఖాన్ 7 మ్యాచ్‌ల్లో 16.14 ఎకానమీతో 14 వికెట్లు పడగొట్టాడు. ఈ సీజన్‌లో బౌలర్లు సాధించిన రికార్డులు ఓసారి చూద్దాం..

1. అత్యధిక మెయిడిన్లు: రాజస్థాన్ రాయల్స్ ఫాస్ట్ బౌలర్ ట్రెంట్ బౌల్ట్ 3 మెయిడిన్ ఓవర్లతో అగ్రస్థానంలో ఉన్నాడు.

2. అత్యధిక డాట్ బాల్స్: RCB ఫాస్ట్ బౌలర్ మహ్మద్ సిరాజ్ ఈ సీజన్‌లో 32 ఓవర్లు వేసి 97 డాట్ బాల్స్ వేశాడు.

3. ఒక మ్యాచ్‌లో అత్యధిక డాట్ బాల్స్: ట్రెంట్ బౌల్ట్ లక్నో సూపర్ జెయింట్స్‌పై 24 బాల్స్‌లో 18 డాట్ బాల్స్ సంధించాడు.

4. బెస్ట్ బౌలింగ్ యావరేజ్: KKR కెప్టెన్ నితీష్ రాణా ఈ సీజన్‌లో కేవలం ఐదు ఓవర్లు మాత్రమే బౌలింగ్ చేశాడు. అయితే అతను 25 పరుగులిచ్చి రెండు వికెట్లు తీశాడు. అతని బౌలింగ్ సగటు 8.00.

5. బెస్ట్ ఎకానమీ రేట్: ఇక్కడ కూడా నితీష్ రాణా ముందున్నాడు. 4.25 ఎకానమీ రేటుతో బౌలింగ్ చేశాడు.

6. మ్యాచ్‌లో అత్యుత్తమ ఎకానమీ రేటు: ఢిల్లీ క్యాపిటల్స్‌తో జరిగిన మ్యాచ్‌లో సన్‌రైజర్స్ హైదరాబాద్ ఫాస్ట్ బౌలర్ భువనేశ్వర్ కుమార్ కేవలం 2.75 ఎకానమీ రేటుతో 4 ఓవర్లలో 11 పరుగులు చేశాడు. ఈ మ్యాచ్‌లో రెండు వికెట్లు కూడా తీశాడు.

7. ఒక మ్యాచ్‌లో అత్యుత్తమ బౌలింగ్: ఢిల్లీ క్యాపిటల్స్‌తో జరిగిన మ్యాచ్‌లో లక్నో సూపర్ జెయింట్ ఫాస్ట్ బౌలర్ మార్క్ వుడ్ 4 ఓవర్లలో 14 పరుగులిచ్చి 5 వికెట్లు పడగొట్టాడు.

8. బెస్ట్ బౌలింగ్ స్ట్రైక్ రేట్: CSK స్పిన్నర్ మొయిన్ అలీ 60 బంతులు వేసి 7 వికెట్లు పడగొట్టాడు. అంటే ప్రతి 8వ-9వ బంతికి వికెట్లు తీశాడు. అతని బౌలింగ్ స్ట్రైక్ రేట్ 8.57.

9. ఒక మ్యాచ్‌లో అత్యుత్తమ బౌలింగ్ స్ట్రైక్ రేట్: సన్‌రైజర్స్‌తో జరిగిన మ్యాచ్‌లో KKR ఫాస్ట్ బౌలర్ ఆండ్రీ రస్సెల్ 13 బంతులు వేసి మూడు వికెట్లు పడగొట్టాడు. అతని బౌలింగ్ స్ట్రైక్ రేట్ 4.33.

10. హ్యాట్రిక్:ఈ సీజన్‌లో ఇప్పటివరకు ఒకే ఒక్క హ్యాట్రిక్‌ నమోదైంది. గుజరాత్‌ టైటాన్స్‌ స్పిన్నర్‌ రషీద్‌ ఖాన్‌ పేరిట నమోదైంది. కేకేఆర్‌పై మూడు బంతుల్లో మూడు వికెట్లు తీశాడు.

మరిన్ని క్రీడా వార్తల కోసం ఇక్కడ క్లిక్ చేయండి..