IPL 2022 Prize Money: ఐపీఎల్ ఛాంపియన్పై డబ్బుల వర్షం.. ఎవరికి ఎంత ప్రైజ్ మనీ లభిస్తుందంటే?
ఐపీఎల్ 2022 ఫైనల్కు చేరిన జట్లేవో తెలిసిపోయాయి. మే 29న జరిగే ఫైనల్లో గుజరాత్ టైటాన్స్ వర్సెస్ రాజస్థాన్ రాయల్స్ తలపడనున్నాయి. తొలి క్వాలిఫయర్లో రాజస్థాన్ను ఓడించి గుజరాత్ ఫైనల్కు చేరుకుంది. ఈ సీజన్ ప్రైజ్ మనీ గురించి ఇప్పుడు తెలుసుకుందాం.
ఐపీఎల్ 2022(IPL 2022) ఫైనల్ మ్యాచ్ మే 29న అంటే ఆదివారం అహ్మదాబాద్లోని నరేంద్ర మోదీ స్టేడియంలో జరగనుంది. టైటిల్ మ్యాచ్లో తొలిసారి లీగ్ను ఆడుతున్న గుజరాత్ టైటాన్స్ ముందు రాజస్థాన్ రాయల్స్ మొదటి సీజన్ విజేతగా నిలవనుంది. ఈ రెండు జట్లు పాయింట్ల పట్టికలో టాప్-2లో నిలిచాయి. తొలి సీజన్ తర్వాత రాజస్థాన్ జట్టు ఫైనల్కు కూడా చేరలేదు. మరోవైపు, హార్దిక్ పాండ్యా ఇంతకు ముందు ఆటగాడిగా నాలుగు ట్రోఫీలు గెలుచుకున్నాడు. ప్రస్తుతం అతను కెప్టెన్గా తన మొదటి, మొత్తం 5వ ట్రోఫీని గెలుచుకునే అవకాశం కోసం ఎదురుచూస్తున్నాడు. IPL 2022లో నివేదికల మేరకు, విజేత జట్టు ప్రైజ్ మనీ(IPL 2022 Prize Money)లో ఎలాంటి మార్పు లేదు. అయితే రన్నరప్గా నిలిచిన జట్టుకు గతేడాది కంటే రూ.50 లక్షలు అధికంగా లభించనుంది. దీనితో పాటు, ఇతర వ్యక్తిగత అవార్డుల మొత్తాన్ని కూడా భారీగా పెంచారు. గతేడాది విజేత చెన్నై సూపర్ కింగ్స్కు ప్రైజ్ మనీగా రూ. 20 కోట్లు, రన్నరప్ కోల్కతా నైట్ రైడర్స్కు రూ.12.5 కోట్లు లభించాయి.
IPL 2022 ప్రైజ్ మనీ వివరాలు..
| అవార్డు | మొత్తం (రూ.లలో) |
| విజేత జట్టు | 20 కోట్లు |
| ద్వితియ విజేత | 13 కోట్లు |
| నం. 3 జట్టు(RCB) | 7 కోట్లు |
| నం. 4 జట్టు (LSG) | 6.5 కోట్లు |
| ఎమర్జింగ్ ప్లేయర్ | 20 లక్షలు |
| ఆరెండ్ క్యాప్ | 15 లక్షలు |
| పర్పుల్ క్యాప్ | 15 లక్షలు |
మొదటి సీజన్ ప్రైజ్ మనీ ఎంతంటే?
IPL మొదటి సీజన్ అంటే 2008లో విజేత జట్టు రాజస్థాన్ రాయల్స్కు రూ.4.8 కోట్లు లభించాయి. ఫైనల్లో ఓడిన జట్టుకు రూ.2.4 కోట్లు, సెమీఫైనలిస్టులకు తలో రూ. 1.2 కోట్లు లభించాయి. ఆ జట్టు ఫైనల్ మ్యాచ్లో మహేంద్ర సింగ్ ధోని నేతృత్వంలోని చెన్నై సూపర్ కింగ్స్ను ఓడించింది. సెమీస్లో ఢిల్లీ, పంజాబ్లు ఓడిపోయాయి.