IPL 2022: కేన్ మామకు మరోషాక్.. ఆ విషయంలో రోహిత్ సరసన.. ఇదే రిపీటైతే ఇద్దరిపై వేటే?

Ipl 2022 Kane Williamson

ఐపీఎల్ 2022లో సన్‌రైజర్స్ హైదరాబాద్ తమ తొలి మ్యాచ్‌లో రాజస్థాన్(SRH vs RR) చేతిలో 61 పరుగుల తేడాతో ఓడిపోయింది. ఈ మ్యాచ్‌లో SRH కెప్టెన్ కేన్ విలియమ్సన్‌(Kane Williamson)కు డబుల్ షాక్ తగిలింది. తొలుత జట్టు ఓడిపోగా, ఆతర్వాత రూ.12 లక్షల జరిమానా విధించారు. మార్చి 29న రాజస్థాన్ రాయల్స్‌తో జరిగిన జరిగిన మ్యాచ్‌లో స్లో ఓవర్‌రేట్‌ను కొనసాగించినందుకు సన్‌రైజర్స్ హైదరాబాద్‌ సారథి విలియమ్సన్‌కు జరిమానా విధించినట్లు ఐపీఎల్ విడుదల చేసిన ఒక ప్రకటనలో తెలిపింది. ఓవర్ స్పీడ్‌కు సంబంధించి ఇది అతని మొదటి తప్పుగా పరిగణించారు. అందుకే రూ. 12 లక్షల జరిమానా విధించారు. గతంలో ముంబై ఇండియన్స్, ఢిల్లీ క్యాపిటల్స్ మధ్య జరిగిన మ్యాచ్‌లో ముంబై కెప్టెన్ రోహిత్ శర్మ(Rohit Sharma)కు కూడా స్లో ఓవర్ రేట్ కారణంగా జరిమానా పడింది.

స్లో ఓవర్ రేట్ అంటే ఏమిటి?

ఓవర్ రేట్ అనేది ఒక గంటలో బౌలింగ్ చేసే సగటు ఓవర్ల సంఖ్య. ఐసీసీ నిబంధనల ప్రకారం వన్డే, టీ20 మ్యాచ్‌ల్లో గంట వ్యవధిలో 14.1 ఓవర్లు, టెస్టుల్లో 14.2 ఓవర్లు వేయాలి. ODIలలో, బౌలింగ్ జట్టుకు 50 ఓవర్లు బౌలింగ్ చేయడానికి మొత్తం 3.5 గంటల సమయం ఇచ్చారు. అదే సమయంలో, ఒక T20 మ్యాచ్‌లో, జట్టు ఒక ఇన్నింగ్స్‌ను ఒక గంట 25 నిమిషాల్లో ముగించాలి. అంటే, 20 ఓవర్ల కోటాను పూర్తి చేయాలి.

తొలి మ్యాచ్‌లో ఓడిన హైదరాబాద్ జట్టు, ఐపీఎల్ 2022 తొలి మ్యాచ్‌లో కేన్ విలియమ్సన్‌కు జరిమానా విధించే ముందు ఓటమి చవిచూడాల్సి వచ్చింది. మంగళవారం, హైదరాబాద్ టాస్ గెలిచి బౌలింగ్ చేయాలని నిర్ణయించుకుంది. అయితే రాజస్థాన్ బ్యాట్స్‌మెన్ బ్యాటింగ్‌తో 20 ఓవర్లలో 210 పరుగులు చేసింది. లక్ష్యాన్ని ఛేదించేందుకు బరిలోకి దిగిన హైదరాబాద్ జట్టు కేవలం 149 పరుగులకే ఆలౌటైంది. ఐపీఎల్‌ గత సీజన్‌లో చివరి స్థానంలో నిలిచిన హైదరాబాద్‌.. ఈ సీజన్‌లోనూ ఓటమితో ప్రారంభించింది.

Also Read: IPL 2022: ఆ ఇద్దరూ బరిలోకి దిగితే ‌ఆర్‌సీబీకి చుక్కలే.. సిక్సర్లతో బౌలర్ల ఊచకోతే.!

IPL 2022: ఆర్‌సీబీ బోణీ కొట్టేనా.? కోల్‌కతా జోరుకు కళ్లెం పడేనా.! ఢీ అంటే ఢీ..