IPL 2022: లక్నో సారథితో ముంబైకు అట్లుంటది మరి.. ఆ రికార్డులో తొలి బ్యాట్స్‌మెన్‌‌గా కేఎల్ రాహుల్..

Ipl 2022 Kl Rahul

ఐపీఎల్ 2022 (IPL 2022) ముంబై ఇండియన్స్‌కు మరోసారి అంతగా కలిసిరాలేదు. కేఎల్ రాహుల్(KL Rahul) ఈ జట్టును మరింత ఇబ్బంది పెడుతున్నాడు. లక్నో సూపర్ జెయింట్స్ కెప్టెన్ రాహుల్ ముంబైపై తన అద్భుత ప్రదర్శనను కొనసాగించాడు. మరోసారి రోహిత్ శర్మ జట్టును చిత్తు చేసి అద్భుతమైన సెంచరీని సాధించాడు. 8 రోజుల క్రితం రాహుల్ ముంబై ఇండియన్స్‌పై 103 పరుగులతో అద్భుతమైన ఇన్నింగ్స్ ఆడాడు. ఈ విధంగా ఐపీఎల్ 2022లో రాహుల్ రెండో సెంచరీ సాధించగా, ముంబైపై మూడోసారి ఐపీఎల్‌లో సెంచరీ సాధించాడు.

లక్నో, ముంబై మధ్య ఈ సీజన్‌లో ఇది రెండవ ఎన్‌కౌంటర్. ఈ సీజన్‌లోని 37వ మ్యాచ్‌లో ఆదివారం ఏప్రిల్ 24 వాంఖడే స్టేడియంలో ముఖాముఖిగా తలపడ్డాయి. రెండు సార్లు రాహుల్ దాడులను ముంబై ఎదుర్కోవలసి వచ్చింది. అయితే ఈసారి ముంబై మెరుగ్గా బౌలింగ్ చేసి లక్నోను సునాయాసంగా పరుగులు చేసేందుకు అనుమతించలేదు. అయితే ఈ సీజన్‌లో రెండో సెంచరీ సాధించిన లక్నో కెప్టెన్ రాహుల్‌ను ఆపలేకపోయారు. వాంఖడే స్టేడియంలో రాహుల్ 61 బంతుల్లో 12 ఫోర్లు, 4 సిక్సర్ల సాయంతో సెంచరీ సాధించాడు. 62 బంతుల్లో 103 పరుగులతో నాటౌట్‌గా వెనుదిరిగాడు.

కేఎల్ రాహుల్‌కి ఇది మూడో సెంచరీ కాగా, ఈ సెంచరీతో రాహుల్ ప్రత్యేక రికార్డు కూడా సృష్టించాడు. ఐపీఎల్‌లో ఒకే జట్టుపై మూడు సెంచరీలు సాధించిన తొలి బ్యాట్స్‌మెన్‌గా నిలిచాడు. 2019లో తొలిసారిగా ముంబైపై పంజాబ్ తరపున రాహుల్ సెంచరీ సాధించాడు. ఆ సెంచరీ కూడా వాంఖడేలోనే వచ్చింది. ఆ తర్వాత ఏప్రిల్ 16న ప్రస్తుత సీజన్‌లో ఇరు జట్ల తొలి పోరులో రాహుల్ 103 పరుగులతో నాటౌట్‌గా నిలిచాడు.

Also Read: IPL 2022: అభిమానుల మనుసు దోచుకున్న యూపీ వాలా.. కేవలం ఒక్క మ్యాచ్‌తో ‘సూపర్‌మ్యాన్’గా మారాడు.. అతనెవరంటే?

LSG vs MI Score: మెరుపు ఇన్నింగ్స్‌తో రాణించిన రాహుల్‌.. ముంబై టార్గెట్‌ 169 పరుగులు..