IPL 2022 Auction: అన్ని జట్ల చూపు ఈ 5గురు ఫినిషర్లపైనే.. రూ. 10 కోట్లయినా తగ్గేదేలే అంటోన్న ఫ్రాంచైజీలు?

Ipl 2022 Mega Auction

IPL 2022 Mega Auction: క్లిష్ట పరిస్థితుల్లో, పరుగుల వేగాన్ని పెంచాలన్నా, లక్ష్యాన్ని సాధించేందుకు కసిగా కొట్టాలన్నా, నం. 5, నం. 6 బ్యాట్స్‌మెన్స్ పాత్ర చాలా కీలకమైనది. ఈ బ్యాట్స్‌మెన్‌లను సాధారణంగా మ్యాచ్ ఫినిషర్లు అంటుంటారు. చివరి బంతి వరకు నిలబడి జట్టును గెలిపించాల్సిన బాధ్యత ఈ ఆటగాళ్లపై ఉంటుంది. ఎంఎస్ ధోని(MS Dhoni) ప్రపంచంలోని గొప్ప బ్యాట్స్‌మెన్‌లలో ఒకరిగా మారినపాత్ర ఇదే. ఆస్ట్రేలియన్‌ మాజీ బ్యాట్స్‌మెన్‌ మైఖేల్‌ బెవన్‌ ఇప్పటికీ గుర్తుండిపోయే పోషించిన పాత్ర కూడా ఇదే. ఐపీఎల్‌లో కూడా బ్యాట్స్‌మెన్ ఈ పాత్రను పోషించాల్సిన అవసరం ఉంటుంది. ప్రతి జట్టు ఉత్తమ ఫినిషర్‌ను కలిగి ఉండాలని కోరుకుంటుంది. ఐపీఎల్ 2022 వేలంలో ఇలాంటి బ్యాట్స్‌మెన్స్‌పై భారీగా డబ్బు వర్షం కురిపించడానికి ఇదే కారణం. ఫినిషర్ పాత్రకు పర్ఫెక్ట్ గా ఉంటూ కోట్ల వర్షం కురిపించే ఆ ఐదుగురు బ్యాట్స్‌మెన్ ఎవరో ఇప్పుడు చూద్దాం.

1. టిమ్ డేవిడ్‌పై మిలియన్ల వర్షం కురుస్తుంది..
సింగపూర్ బ్యాట్స్‌మెన్ టిమ్ డేవిడ్ పేరు ఇందులో టాప్ ప్లేస్‌లో నిలిచింది. ఈ కుడిచేతి వాటం బ్యాట్స్‌మన్ ప్రపంచవ్యాప్తంగా టీ20 లీగ్‌లు ఆడతాడు. అది ఆస్ట్రేలియా బిగ్ బాష్ అయినా, లేదా వెస్టిండీస్ CPL అయినా, పాకిస్తాన్ PSL అయినా లేదా శ్రీలంకకు చెందిన లంక ప్రీమియర్ లీగ్ అయినా సరే. టిమ్ డేవిడ్ హిట్టింగ్ ప్రతి టీ20 లీగ్‌లో ఆధిపత్యం చెలాయిస్తుంది. టిమ్ డేవిడ్ 5వ, 6వ స్థానంలో బ్యాటింగ్‌కి వస్తాడు. అతని సిక్సర్లు కొట్టే సామర్థ్యం బంతిని కనుచూపు మేరలో లేకుండా చేస్తుంది. చివరి సీజన్‌లో, టిమ్ డేవిడ్‌ను RCB తన జట్టులో రెండో లెగ్‌లో చేర్చుకుంది. అయితే అతను 1 మ్యాచ్‌లో మాత్రమే అవకాశాన్ని పొందాడు. అందులో అతను 1 పరుగు మాత్రమే చేసి ఔట్ అయ్యాడు. టిమ్ డేవిడ్ టీ20 సగటు 34 కంటే ఎక్కువగా ఉంది. అతను దాదాపు 160 స్ట్రైక్ రేట్‌తో పరుగులు చేశాడు.

2. రాయుడుపై డబ్బుల వర్షం కురుస్తోంది..
175 ఐపీఎల్ మ్యాచ్‌లు, 3916 పరుగులు, ఒక సెంచరీ, 21 హాఫ్ సెంచరీలు.. ఇవి చెన్నై సూపర్ కింగ్స్‌కు రెండుసార్లు టైటిల్ గెలవడంలో ముఖ్యమైన పాత్ర పోషించిన బ్యాట్స్‌మెన్ గణాంకాలు. ఈసారి ఐపీఎల్ వేలంలో కోట్లకు పడగలెత్తే అంబటి రాయుడు గురించే మాట్లాడుకుంటున్నాం. గత 2 సీజన్లలో చెన్నైకి మ్యాచ్ ఫినిషర్ పాత్రలో కనిపించాడు. వేగంగా కొట్టడమే కాకుండా స్ట్రైక్‌ని తిప్పగల సామర్థ్యం కూడా రాయుడుకి ఉంది. ఇది అతన్ని చాలా ప్రమాదకరమైన ఆటగాడిగా చేస్తుంది. ఈ ఆటగాడిని మళ్లీ కొనుగోలు చేసేందుకు చెన్నై ప్రయత్నిస్తుండగా, ఇతర జట్లూ రాయుడుపై కన్ను వేశాయి.

3. దీపక్ హుడా అత్యుత్తమ మ్యాచ్ ఫినిషర్..
కుడిచేతి వాటం బ్యాట్స్‌మెన్ దీపక్ హుడా మ్యాచ్ ఫినిషర్ కావడం వల్ల ఐపీఎల్ వేలంలో ఆధిపత్యం చెలాయించగలడు. తాజాగా దీపక్ హుడాకు టీమిండియాలో చోటు దక్కడంతో మ్యాచ్ ఫినిషర్ బాధ్యతలు అప్పగించారు. హుడాకు 80 ఐపీఎల్‌ మ్యాచ్‌ల అనుభవం ఉన్నప్పటికీ తన ప్రతిభకు తగ్గట్టుగా రాణించలేకపోయాడు. అయితే, 2020లో 101 సగటుతో 101 పరుగులు చేయడం ద్వారా తన నైపుణ్యాన్ని ప్రదర్శించాడు. సయ్యద్ ముస్తాక్ అలీ ట్రోఫీ 2021లో, హుడా తన అద్భుతమైన బ్యాటింగ్‌తో అందరి దృష్టిని ఆకర్షించాడు.

4. షారుఖ్ ఖాన్‌పైనా ..
ఐపీఎల్ 2022 వేలంలో ఎవరైనా ఫినిషర్ ఎక్కువ డబ్బు సంపాదించే లిస్టులో ఉంటే అందులో షారుక్ ఖాన్ కచ్చితంగా ఉంటాడు. గత ఐపీఎల్ వేలంలో ఈ తమిళనాడు బ్యాట్స్‌మెన్‌ను పంజాబ్ కింగ్స్ రూ.5.25 కోట్లకు కొనుగోలు చేసింది. ఈ బ్యాట్స్‌మన్ 11 మ్యాచ్‌ల్లో 21.85 సగటుతో 153 పరుగులు చేశాడు. షారుఖ్‌కు బ్యాటింగ్ అవకాశాలు పెద్దగా ఇవ్వలేదు. కానీ, అతని నైపుణ్యం గురించి అందరికీ తెలుసు. ఇటీవల, విజయ్ హజారే ట్రోఫీ ఫైనల్‌లో, షారూఖ్ ఖాన్ చివరి బంతికి సిక్స్ కొట్టి తమిళనాడుకు విజయ్ హజారే ట్రోఫీని అందించాడు. తప్పకుండా ఈ ఆటగాడిపై కోట్ల వర్షం కురిపిస్తుంది.

5. దినేష్ కార్తీక్ అనుభవజ్ఞుడైన మ్యాచ్ ఫినిషర్..
తమిళనాడుకు చెందిన మరో బ్యాట్స్‌మెన్ దినేష్ కార్తీక్.. ఐపీఎల్ వేలంలో అద్భుతాలు సృష్టించగలడు. మ్యాచ్ ఫినిషర్‌తో పాటు, దినేష్ కార్తీక్ అద్భుతమైన వికెట్ కీపర్ కూడా. కార్తీక్‌కు 213 IPL మ్యాచ్‌ల అనుభవం ఉంది. అతని బ్యాట్‌తో 25.77 సగటుతో 4046 పరుగులు చేశాడు. క్లిష్ట పరిస్థితుల్లో కార్తీక్ అనుభవం ఏ జట్టుకైనా లాభిస్తుందనడంలో సందేహం లేదు.

Also Read: IPL 2022 Auction: ఈ ఏడాది ఆడడు.. అయినా కోట్లల్లో పందెం వేసేందుకు సిద్ధమైన జట్లు.. ఆ ‘రహస్య బిడ్లు’ ఎవరిపైనంటే?

IPL 2022 Auction: ఆ ముగ్గురి కోసం ఎంతకైనా రెడీ అంటోన్న కోహ్లీ టీం.. వేలంలో వారిపై కాసుల వర్షమే!