Inspiring Story: ఇండియాలో తల్లిదండ్రులు భారంగా భావించి రోడ్డు మీద వదిలేసిన అమ్మాయి.. ఈనాడు ఆస్ట్రేలియాలో ప్రపంచ మేటి క్రికెటర్
మనదేశంలో పుట్టి.. తల్లిదండ్రులు అనాథగా వదిలేస్తే.. ఓ అమెరికా దంపతులు దత్తతీకున్నారు.. దీంతో అమెరికాకు చేరుకొన్న ఆ చిన్నారి పెరిగి పెద్దయ్యి.. ఆస్ట్రేలియా మహిళా క్రికెటర్ గా దేశానికి ప్రాతినిథ్యం వహించింది. ఆ యువతి గురించి ఈరోజు తెలుసుకుందాం..
Inspiring Story: మనదేశంలో ఆడపిల్లని తల్లిదండ్రులు వదిలించుకున్నారో.. లేక మరేదైనా కారణంతోనే రోడ్డు పక్కకి విసిరేశారు.. ఓ చిన్నారిని.. ఆ బంగారు బొమ్మకి ఓ అనాథాశ్రమం ఆశ్రయం ఇచ్చింది. అందంగా, అమాయకంగా ఎదుగుతున్న ఆ చిన్నారిని చూసి అమెరికా దంపతులు మనసు పడ్డారు.. మగపిల్లాడిని దత్త తీసుకోవాలనుకున్న వారు మనసు మార్చుకుని.. ఆ చిన్నారి పాపను దత్త తీసుకుని విదేశాలకు తీసుకుని వెళ్లారు.. ఇప్పుడు ఆ చిన్నారి పెరిగి పెద్దయ్యింది.. అంతేకాదు క్రికెటర్ గా ఓ దేశానికి ప్రాతినిధ్యం వహిస్తూ.. అనేక రికార్డ్స్ ను సృష్టించింది. ఇప్పుడు ఆ అమ్మాయిని “ప్రసవించిన వెంటనే రోడ్డు పక్కకు విసిరే తల్లిదండ్రులు ఈరోజు ఆ కూతుర్ని చూసి.. తాము వజ్రాన్ని వదులుకున్నాం అంటూ ఏడుస్తూ ఉండాలి.. మనదేశంలో పుట్టి.. అమెరికాకు చేరుకొని ఇప్పుడు ఆస్ట్రేలియా మహిళా క్రికెటర్ గా దేశానికి ప్రాతినిథ్యం వహించింది. ఆ యువతి గురించి ఈరోజు తెలుసుకుందాం..
మహారాష్ట్రలోని పూణే నగరంలో ‘శ్రీవాస్తవ అనాథ శరణాలయం’ అనే అనాథ శరణాలయం ఉంది. 13 ఆగస్ట్ 1979న నగరంలో ఒక అమ్మాయి పుట్టింది. తల్లిదండ్రులు ఆ చిన్నారిని భారం అనుకున్నారేమో.. తెల్లవారుజామున తమ జీవితంలో ముఖ్యమైన వ్యక్తిని అనాథగా మార్చారు. అనాథ శరణాలయం ఆ చిన్నారికి ఆశ్రయం ఇచ్చింది. అనాథాశ్రమం నిర్వాహకుడు ఆ చిన్నారికి ‘లైలా’ అనే మధురమైన పేరు పెట్టారు.
అప్పట్లో హరెన్ , స్యూ అనే అమెరికన్ జంట భారతదేశాన్ని సందర్శించడానికి వచ్చారు. ఈ దంపతులకు అప్పటికే ఒక అమ్మాయి ఉంది. ఈ నేపథ్యంలో హరెన్ , సూ దంపతులు ఒక బాలుడిని దత్తత తీసుకోవాలని అనుకున్నారు. అందుకనే భారత దేశానికి వచ్చారు. అందమైన చురుకైన అబ్బాయిని వెతుక్కుంటూ శ్రీవాస్తవ అనాథ శరణాలయానికి వచ్చారు. అయితే అబ్బాయి కోసం వెదుకుతున్న సమయంలో స్యూ దృష్టి.. చిన్నారి లైలా వైపు పడింది. అమాయకమైన ముఖం, ప్రకాశవంతమైన గోధుమ కళ్ళతో ఉన్న చిన్నారి స్యూ ని ఆకట్టుకుంది. దీంతో లైలాను దత్తత తీసుకోవాలని నిర్ణయించుకున్నారు. ఈ మేరకు చట్టపరమైన చర్యలు అన్ని తీసుకుని చిన్నారి లైలాను దత్తత తీసుకున్నారు.
స్యూ .. లైల పేరును ‘లిసా సెల్కర్ ‘ గా మార్చారు. అలా చిన్నారి లైలా..లిసా గా మారి భారత దేశాన్ని విడిచి తల్లిదండ్రులతో అమెరికాకు చేరుకుంది. కొన్ని సంవత్సరాల తర్వాత అమెరికా నుంచి ఆస్ట్రేలియాకు చేరుకుంది ఫ్యామిలీ.. కొన్ని సంవత్సరాల తర్వాత వారు సిడ్నీలో శాశ్వతంగా స్థిరపడ్డారు.
తండ్రి హరెన్ తన కుమార్తె లిసా స్టెల్కర్ కి క్రికెట్ ఆడటం నేర్పించాడు. క్రికెటర్ గా జర్నీ.. వీధి నుంచి ప్రారంభించియింది. హోమ్ పార్క్ లోని వీధి అబ్బాయితో క్రికెట్ ఆడుకునేది. రోజు రోజుకీ క్రికెట్ పై అభిరుచి పెంపొందించుకున్న లిసా ఓ వైపు క్రికెట్ ఆడుతూనే మరోవైపు చదువును కూడా పూర్తి చేసింది. ఆమె చదువును పూర్తి చేసిన తర్వాత క్రికెట్ మరింత దృష్టి పెట్టి.. బ్యాట్ తో మాట్లాడడం ప్రారంభించింది. తన బ్యాట్ తో రికార్డులు సృష్టించడం మొదలు పెట్టింది.
1997 – న్యూ-సౌత్ వేల్స్ ద్వారా మొదటి మ్యాచ్
2001 – ఆస్ట్రేలియా మొదటి వన్డే క్రికెట్ మ్యాచ్
2003 – ఆస్ట్రేలియా మొదటి టెస్ట్
2005 – ఆస్ట్రేలియా మొదటి T20
ఎనిమిది టెస్టు మ్యాచ్‌లు ఆడిన లీజుకు 416 పరుగులు, 23 వికెట్లను సొంతం చేసుకుంది. ఇక 25 వన్డేలు, 2728 పరుగులు, 146 వికెట్లు తీసుకుంది. 54 టీ-20లు ఆడిన లీజుకు 769 పరుగులు, 60 వికెట్లు..ఒకేరోజు 1000 పరుగులు, 100 వికెట్లు తీసిన తొలి మహిళా క్రికెటర్ గా రికార్డ్ సృష్టించింది. ICC ర్యాంకింగ్ లో ప్రపంచ నంబర్ వన్ ఆల్ రౌండర్ గా కూడా నిలిచింది.
ఆస్ట్రేలియన్ కెప్టెన్
ODI, T-20 – నాలుగు ప్రపంచ కప్‌లలో పాల్గొంది. 2013లో క్రికెట్ ప్రపంచ కప్‌ను గెలుచుకుంది. మరుసటి రోజు లీజుకి అంతర్జాతీయ క్రికెట్‌కు వీడ్కోలు పలికింది. తల్లిదండ్రులు అమ్మాయిని అనాథాశ్రమంలో వదిలివేశారు.. విధి ఆమెను మొదట అమెరికాకు తీసుకెళ్లింది.. అనంతరం ఆస్ట్రేలియన్ క్రికెట్ జట్టుకు ఆమెను కెప్టెన్‌గా చేసి ప్రపంచంలోని గొప్ప క్రికెటర్లలో ఒకరిగా చేసింది.
మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి