ఏం ట్విస్ట్ ఇచ్చార్రా మావా.. 8 టెస్టులు.. 96 పాయింట్లు.. ఆసీస్ దెబ్బతో గిల్ సేన మైండ్ బ్లాంక్..!

India Wtc 2027 Qualification

India WTC 2027 Qualification: మెకే వేదికగా జరిగిన రెండో టెస్టులో ఆస్ట్రేలియా ఇన్నింగ్స్ 51 పరుగుల తేడాతో బంగ్లాదేశ్‌ను చిత్తు చేసింది. బంగ్లా తొలి ఇన్నింగ్స్‌లో 64, రెండో ఇన్నింగ్స్‌లో 95 పరుగులకే కుప్పకూలింది. ఈ దారుణ పరాజయంతో పాయింట్ల పట్టికలో స్థానాలు మారకపోయినా, బంగ్లాదేశ్ పాయింట్ల శాతం (పీసీటీ) 55.56 శాతానికి పడిపోయింది. ప్రస్తుతం భారత్ 10 టెస్టుల్లో 64 పాయింట్లతో 53.33% పీసీటీతో ఐదో స్థానంలో ఉంది. నాలుగో స్థానంలో ఉన్న బంగ్లాదేశ్‌కు, భారత్‌కు మధ్య వ్యత్యాసం కేవలం 2.23 శాతానికి తగ్గడం టీమిండియాకు పెద్ద ఊరటనిస్తోంది.

ఎక్కువమంది చదివినది: ఇదెక్కడి మ్యాచ్ భయ్యా.. చెత్త రికార్డులకే చిరాకు తెప్పించారుగా.. లిస్ట్ చూస్తే పరేషానే..!

గిల్ సేన ముందున్న 8 టెస్టుల సమరం..

డబ్ల్యూటీసీ ఫైనల్ 2027 జూన్ 9 నుంచి 13 వరకు లండన్‌లోని ది ఓవల్ మైదానంలో జరగనుంది. ఏప్రిల్ 30, 2027 నాటికి పాయింట్ల శాతంలో మొదటి రెండు స్థానాల్లో నిలిచిన జట్లు టైటిల్ పోరుకు అర్హత సాధిస్తాయి. ప్రస్తుతం పట్టికలో ఆస్ట్రేలియా (80.00%), దక్షిణాఫ్రికా, న్యూజిలాండ్ (72.22%) తొలి మూడు స్థానాల్లో ఉన్నాయి. భారత్ ఫైనల్ చేరాలంటే ఈ మూడింటిలో కనీసం రెండు జట్లను వెనక్కి నెట్టాల్సి ఉంటుంది.

టీమిండియా ఆడాల్సిన మిగిలిన మ్యాచ్‌ల వివరాలు:

శ్రీలంకతో రెండో టెస్టు (కొలంబో)

న్యూజిలాండ్‌తో 2 టెస్టులు (వెల్లింగ్టన్, క్రైస్ట్‌చర్చ్)

ఆస్ట్రేలియాతో స్వదేశంలో 5 టెస్టుల సిరీస్ (నాగ్‌పూర్, చెన్నై, గువాహటి, రాంచీ, అహ్మదాబాద్)

ఫైనల్ చేరడానికి నాలుగు కీలక సమీకరణాలు..

భారత్ ముందు గరిష్టంగా 96 పాయింట్లు సాధించే అవకాశం ఉంది. ఫలితాలను బట్టి పీసీటీ ఎలా మారుతుందంటే:

8 మ్యాచ్‌లూ గెలిస్తే (74.07%): భారత్‌కు తిరుగులేని మార్గం ఇది. మొత్తం 216 పాయింట్లకు 160 పాయింట్లు సాధించి గరిష్ట పీసీటీతో నిలుస్తుంది. ప్రత్యర్థి జట్ల నుంచి పాయింట్లు లాక్కున్నట్లే అవుతుంది.

7 విజయాలు, 1 డ్రా (70.37%): భారత్ 152 పాయింట్లతో 70.37% సాధిస్తుంది. ఈ స్థితిలో ఫైనల్ అవకాశాలు బలంగానే ఉంటాయి, కానీ ఇతర జట్ల ఫలితాలపై కాస్త ఆధారపడాల్సి వస్తుంది.

6 విజయాలు, 2 ఓటములు (62.96%): పీసీటీ 62.96%కి పడిపోతుంది. పైనున్న రెండు జట్లు ఘోరంగా విఫలమైతే తప్ప భారత్‌కు అవకాశం ఉండదు.

5 లేదా అంతకంటే తక్కువ విజయాలు (57.41%): ఈ సమీకరణం భారత్‌ను దాదాపుగా టోర్నీ నుంచి నిష్క్రమింపజేస్తుంది.

ప్రత్యర్థులను నేరుగా దెబ్బ కొట్టే అవకాశం..

న్యూజిలాండ్‌తో జరిగే 2 టెస్టుల సిరీస్ ద్వారా 24 పాయింట్లు సాధించే వెసులుబాటు ఉంది. ఆ తర్వాత స్వదేశంలో ఆస్ట్రేలియాతో జరిగే 5 టెస్టుల బోర్డర్-గవాస్కర్ ట్రోఫీ అత్యంత కీలకం కానుంది. ఇందులో 60 పాయింట్లు అందుబాటులో ఉన్నాయి. కంగారూలను 4-1 లేదా 5-0తో ఓడిస్తే పాయింట్ల పట్టిక పూర్తిగా తలకిందులవుతుంది. ఆసీస్‌ను కిందకు నెట్టి భారత్ అగ్రస్థానాల్లోకి దూసుకెళ్లే అవకాశం దక్కుతుంది.

ఎక్కువమంది చదివినది: SL vs IND 2nd Test: శుభ్‌మన్ గిల్ అరుదైన ప్రపంచ రికార్డ్.. ఈ దశాబ్దంలోనే ఎవరికీ సాధ్యం కాలేగా..!

శ్రీలంకతో జరుగుతున్న కొలంబో టెస్టులో విజయం సాధిస్తే భారత్ పీసీటీ వెంటనే 57.58 శాతానికి చేరి బంగ్లాదేశ్‌ను అధిగమిస్తుంది. ఆ తర్వాత న్యూజిలాండ్, ఆస్ట్రేలియాతో జరిగే కీలక సమరాల్లో పూర్తి ఆధిపత్యం ప్రదర్శిస్తే శుభ్‌మన్ గిల్ సేన వరుసగా మరోసారి డబ్ల్యూటీసీ ఫైనల్ బరిలో నిలవడం ఖాయం.

మరిన్ని క్రీడా వార్తల కోసం ఇక్కడ క్లిక్ చేయండి..