India vs England 4th Test Live: రెండో రోజు మొదలైన ఆట.. కష్టాల్లో భారత్…వరుసగా వికెట్లు

IND vs ENG:  నరేంద్ర మోదీ స్టేడియంలో  టీమిండియా ఇంగ్లాండ్ జట్ల మధ్య జ‌రుగుతున్న నాలుగో టెస్ట్‌లో భాగంగా రెండో రోజు ఆట మొదలైంది. తొలి రోజు ఆటను  భారత్ 12 ఓవర్లకు 24/1 వికెట్‌తో ముగించింది. రోహిత్ శర్మ 8, చటేశ్వర పూజారా15 పరుగులతో క్రీజులో నిలిచారు. భారత్ ఇంకా 181 పరుగులు చేస్తే ఇంగ్లాండ్‌ని అధిగమించవచ్చు. అయితే ఆఖరి 12 ఓవర్లు ఇంగ్లాండ్ బౌలర్లు కట్టుదిట్టంగా బౌలింగ్ చేశారు. ఇక భారత బౌలర్ల ధాటికి ఒక్కో పరుగు రాబట్టాలంటే ఇంగ్లాండ్ బ్యాట్స్‌మెన్‌కు తలకు మించిన భారమైంది. ఒక్కో బంతిని ఎదర్కోడానికి నానా తంటాలు పడ్డారు. భారత లెప్టార్మ్ స్పిన్నర్ అక్షర్ పటేల్ ఇంగ్లాండ్‌కి ప్రారంభంలోనే వికెట్లు తీసి కోలుకోకుండా చేశాడు. అనంతరం బ్యాటింగ్ ప్రారంభించిన ఇండియాకు ఆరంభంలోనే గట్టి దెబ్బ తగిలింది. అండర్సన్ వేసిన మొదటి బంతికే ఓపెనర్ శుభ్‌మన్ గిల్ వికెట్ల ముందు దొరికిపోయాడు. దీంతో ఖాతా తెరవకుండానే ఇండియా ఒక వికెట్ కోల్పోయింది. రెండో రోజు వరుసగా పుజారా, విరాట్ కోహ్లీ వికెట్లను కోల్పోయింది భారత్.

ఇంగ్లాండ్ తో జరుగుతున్న నాలుగో టెస్ట్ లో భారత్ 42 పరుగులకు మూడు వికెట్లను కోల్పోయింది. పుజారా 17, విరాట్ 0 అవుట్ అయ్యారు. రోహిత్ శర్మ 27 పరుగులతో క్రీజ్ లో నిలకడగా ఆడుతున్నాడు. విరాట్ అవుట్ అవ్వడంతో రహానే క్రీజ్ లోకి అడుగు పెట్టాడు. భారత్ మరో వికెట్ కోల్పోయింది. రహానే అవుట్ అయ్యాడు. 40 బంతుల్లో 27 పరుగులు చేసిన రహానే ఆండ్రసన్ బౌలింగ్ లో బౌల్డ్ అయ్యాడు రహానే.

Published On - Mar 05,2021 2:12 PM