India vs Pakistan: సత్తా చాటిన బౌలర్లు.. ఇక భారమంతా బ్యాటర్లదే.. టీమిండియా టార్గెట్ 160

Ind Vs Pak Live

టీ20 వరల్డ్ కప్ 2022లో అతిపెద్ద క్లాష్, భారత్-పాకిస్థాన్ మ్యాచ్ ప్రారంభమైంది. టాస్ గెలిచిన రోహిత్ ముందుగా బౌలింగ్ ఎంచుకున్నాడు. బౌలర్లు నిర్ణయం సరైనదని నిరూపించారు. దీంతో పాక్ జట్టు నిర్ణీత ఓవర్లలో 8 వికెట్లు కోల్పోయి 159 పరుగులు చేసింది. దీంతో టీమిండియా ముందు 160 పరుగుల టార్గెట్‌ని ఉంచింది. భారత్ తరపున హార్దిక్, అర్ష్‌దీప్ చెరో 3 వికెట్లు పడగొట్టారు. షమీ, భువీ ఖాతాల్లో ఓ వికెట్‌ చేరింది. పాండ్యా 14వ ఓవర్లో రెండు వికెట్లు తీసి పాకిస్థాన్‌ను కష్టాల్లో పడేశాడు. పాకిస్థాన్ తరపున ఇఫ్తికర్ 51 పరుగులతో ఇన్నింగ్స్ ఆడాడు. 4 సిక్సర్లు కూడా కొట్టాడు. షాన్ మసూద్ 52 పరుగులతో నాటౌ‌ట్‌గా నిలిచాడు.

టాస్..

ఇంతకు ముందు టీ20 ప్రపంచకప్‌లో భారత్-పాకిస్థాన్ మధ్య 6 మ్యాచ్‌లు జరిగాయి. వీటిలో భారత్ మూడుసార్లు టాస్ గెలవగా, మూడు మ్యాచ్‌ల్లోనూ భారత్ గెలిచింది.

ఇరు జట్లు..

టీమిండియా ప్లేయింగ్ XI: రోహిత్ శర్మ(సి), కేఎల్ రాహుల్, విరాట్ కోహ్లీ, సూర్యకుమార్ యాదవ్, హార్దిక్ పాండ్యా, దినేష్ కార్తీక్(w), అక్షర్ పటేల్, రవిచంద్రన్ అశ్విన్, భువనేశ్వర్ కుమార్, మహ్మద్ షమీ, అర్ష్‌దీప్ సింగ్

పాకిస్తాన్ ప్లేయింగ్ XI: బాబర్ ఆజం(సి), మహ్మద్ రిజ్వాన్(w), షాన్ మసూద్, హైదర్ అలీ, మహ్మద్ నవాజ్, షాదాబ్ ఖాన్, ఇఫ్తీకర్ అహ్మద్, ఆసిఫ్ అలీ, షాహీన్ అఫ్రిది, హరీస్ రవూఫ్, నసీమ్ షా