IND vs SA: దక్షిణాఫ్రికాలో భారత ఫాస్ట్ బౌలర్లదే హవా.. టాప్5లో దిగ్గజ స్పిన్నర్ ఒక్కడే..!
IND vs SA: మూడు టెస్ట్ మ్యాచ్‌ల సిరీస్ కోసం కోహ్లీసన దక్షిణాఫ్రికా చేరుకుంది. డిసెంబర్ 26 నుంచి తొలి టెస్టు జరగనుంది.
IND vs SA: దక్షిణాఫ్రికాలో అత్యధిక వికెట్లు తీసిన టాప్-5 భారత బౌలర్లలో నలుగురు ఫాస్ట్ బౌలర్లు ఉన్నారు. స్పిన్నర్ అనిల్ కుంబ్లే మొదటి స్థానంలో ఉన్నప్పటికీ, ఇతర భారత బౌలర్లతో పోలిస్తే అనిల్ కుంబ్లే దక్షిణాఫ్రికాలో అత్యధిక టెస్టు మ్యాచ్‌లు ఆడడం కూడా దీనికి పెద్ద కారణంగా నిలిచింది.
భారత మాజీ ఆటగాడు అనిల్ కుంబ్లే దక్షిణాఫ్రికాలో 12 టెస్టు మ్యాచ్‌లు ఆడి 1441 పరుగులిచ్చి 45 వికెట్లు పడగొట్టాడు. ఇక్కడ అతని బౌలింగ్ సగటు 32గా ఉంది. అంటే, అతను ప్రతి 32 పరుగులకు ఒక వికెట్ సాధించాడు. వీరి తర్వాత ఫాస్ట్ బౌలర్లు వరుసగా నాలుగు స్థానాల్లో నిలిచారు. వీరే దక్షిణాఫ్రికాలో అత్యంత విజయవంతమైన భారత ఫాస్ట్ బౌలర్లుగా మారారు.
1. జవగల్ శ్రీనాథ్: మాజీ ఫాస్ట్ బౌలర్ శ్రీనాథ్ దక్షిణాఫ్రికాలో 8 టెస్టు మ్యాచ్‌ల్లో 1087 పరుగులకు 43 వికెట్లు తీశాడు. శ్రీనాథ్ బౌలింగ్ సగటు 25గా ఉంది. అంటే శ్రీనాథ్ ఇక్కడ ప్రతి 25 పరుగులకు ఒక వికెట్ పడగొట్టాడు.
2. జహీర్ ఖాన్: జహీర్ ఖాన్ దక్షిణాఫ్రికాలో 8 టెస్టు మ్యాచ్‌లు ఆడాడు. 1068 పరుగులకు 30 వికెట్లు పడగొట్టాడు. దక్షిణాఫ్రికాలో అత్యధిక వికెట్లు తీసిన భారతీయుల జాబితాలో మూడో స్థానంలో నిలిచాడు.
3. ఎస్ శ్రీశాంత్: దక్షిణాఫ్రికాలో శ్రీశాంత్ చాలా విజయవంతమైన బౌలర్. ఇక్కడ ఆడిన 6 మ్యాచ్‌ల్లో 771 పరుగులు ఇచ్చి 27 వికెట్లు పడగొట్టాడు. అతని బౌలింగ్ సగటు 28గా నిలిచింది.
4. మహ్మద్ షమీ: ప్రస్తుత దక్షిణాఫ్రికా పర్యటనకు వెళ్లిన భారత జట్టులో మహ్మద్ షమీకి చోటు దక్కింది. అతను ఇక్కడ భారత్‌కు అత్యంత విజయవంతమైన బౌలర్లలో ఐదో స్థానంలో ఉన్నాడు. షమీ ఇప్పటివరకు ఆడిన 5 టెస్టు మ్యాచ్‌ల్లో 519 పరుగులకు 21 వికెట్లు పడగొట్టాడు. అతని బౌలింగ్ యావరేజ్ కూడా చాలా బాగుంది. ప్రతి 24 పరుగులకు ఒక వికెట్ పడగొట్టాడు.
Also Read: IPL 2022 Mega Auction: లక్నో కెప్టెన్‌, హెడ్ కోచ్‌గా వారిద్దరే.. త్వరలోనే కీలక ప్రకటన..!