IND vs SA, 2nd Test Day 3, Highlights: మూడోరోజు ముగిసిన ఆట.. సౌతాఫ్రికా 2 వికెట్ల నష్టానికి 118 పరుగులు

భారత్‌, సౌతాఫ్రికా మధ్య జరగుతున్న రెండో టెస్ట్‌లో భాగంగా మూడో రోజు ఆట ముగిసింది. సౌతాఫ్రికా రెండో ఇన్నింగ్స్‌లో 2 వికెట్ల నష్టానికి 118 పరుగులు చేసింది. విజయానికి 122 పరుగుల దూరంలో నిలిచింది. క్రీజులో డీన్‌ ఎల్గర్ 46 పరుగులు, డస్సెన్ 11పరుగులతో ఉన్నారు. భారత బౌలర్లలో శార్దుల్‌ ఠాగూర్‌, రవిచంద్రన్ అశ్విన్ చెరో వికెట్‌ సాధించారు. కాగా భారత్ సెకండ్‌ ఇన్నింగ్స్‌లో 266 పరుగులకు ఆలౌట్‌ అయిన సంగతి తెలిసిందే..

సౌతాఫ్రికా 31.3 ఓవర్లలో 100 పరుగులు దాటింది. క్రీజులో డీన్‌ ఎల్గర్ 36 పరుగులు, వాన్‌ డస్సెన్ 3 పరుగులతో ఆడుతున్నారు. విజయం సాధించాలంటే ఇంకా 140 పరుగులు చేయాలి. భారత బౌలర్లలో శార్దుల్‌ ఠాగూర్‌, రవిచంద్రన్ అశ్విన్ చెరో వికెట్‌ సాధించారు.

సౌతాఫ్రికా రెండో వికెట్‌ కోల్పోయింది. కీగన్‌ పీటర్సన్‌ 28 పరుగులకు ఔటయ్యాడు. అశ్విన్‌ బౌలింగ్‌లో ఎల్బీగా వెనుదిరిగాడు. దీంతో రెండు వికెట్ల నష్టానికి సౌతాఫ్రికా 93 పరుగులు చేసింది. విజయం సాధించాలంటే ఇంకా 147 పరుగులు చేయాలి. భారత బౌలర్లలో అశ్విన్ 1, శార్దుల్‌ ఠాగూర్‌ ఒక వికెట్ సాధించారు.

సౌతాఫ్రికా 11 ఓవర్లలో 50 పరుగులు దాటింది. క్రీజులో డీన్‌ ఎల్గర్ 17 పరుగులు, పీటర్సన్ 4 పరుగులతో ఆడుతున్నారు. విజయం సాధించాలంటే ఇంకా 188 పరుగులు చేయాలి. భారత బౌలర్లలో శార్దుల్‌ ఠాగూర్‌ ఒక వికెట్ సాధించాడు.

సౌతాఫ్రికా తొలి వికెట్‌ కోల్పోయింది. మార్‌క్రమ్ 31 పరుగులకు ఔటయ్యాడు. శార్దుల్‌ ఠాగూర్‌ బౌలింగ్‌లో ఎల్బీగా వెనుదిరిగాడు. దీంతో సౌతాఫ్రికా ఒక వికెట్‌ నష్టానికి 47 పరుగులు చేసింది. విజయం సాధించాలంటే ఇంకా 192 పరుగులు చేయాలి.

టీ బ్రేక్ సమయానికి సౌతాప్రికా 7 ఓవర్లలో 34 పరుగులు చేసింది. క్రీజులో మార్‌క్రమ్‌ 24 పరుగులు, డీన్‌ ఎల్గర్ 10 పరుగులతో ఆడుతున్నారు. విజయానికి 206 పరుగుల దూరంలో ఉంది. భారత్ సెకండ్ ఇన్నింగ్స్‌లో 266 పరుగులకు ఆలౌట్ అయిన సంగతి తెలిసిందే.

240 పరుగుల లక్ష్యంతో సౌతాఫ్రికా బ్యాటింగ్‌ ప్రారంభించింది. ఓపెనర్లుగా మార్‌క్రమ్, డీన్‌ ఎల్గర్ క్రీజులోకి వచ్చారు.

భారత్ సెకండ్‌ ఇన్నింగ్స్‌లో 266 పరుగులకు ఆలౌట్‌ అయింది. ఎంగిడి బౌలింగ్‌లో మహ్మద్‌ సిరాజ్‌ బౌల్డ్‌ అయ్యాడు. హనుమవిహారి 40 పరుగులతో నాటౌట్‌గా నిలిచాడు. దీంతో భారత్ సౌతాఫ్రికా కంటే 239 పరుగుల ఆధిక్యాన్ని సంపాదించింది. భారత ప్లేయర్లలో చటేశ్వార పూజారా, అజింకా రహానె హాఫ్ సెంచరీలు సాధించారు. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 3 వికెట్లు, ఎంగిడి 3 వికెట్‌ సాధించారు.

భారత్ 57 ఓవరల్లో 9 వికెట్ల నష్టానికి 250 పరుగులు దాటింది. క్రీజులో హనుమ విహారి 25 పరుగులు, మహమ్మద్‌ సిరాజ్ 0 పరుగులతో ఆడుతున్నారు. ఇప్పటివరకు ఇండియా.. సౌతాఫ్రికా కంటే 223 పరుగుల ఆధిక్యం సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, జాన్సన్ 3 వికెట్లు, ఎంగిడి 2 వికెట్లు, డన్నె ఓలియర్ 1వికెట్ సాధించారు.

భారత్ తొమ్మిదో వికెట్‌ కోల్పోయింది. జస్ప్రీత్‌ బుమ్రా 7 పరుగులకు ఔటయ్యాడు. ఎంగిడి బౌలింగ్‌లో జాన్సన్‌ క్యాచ్‌ పట్టాడు. దీంతో భారత్ తొమ్మిది వికెట్ల నష్టానికి 245 పరుగులు చేసింది. కాగా సౌతాఫ్రికా కంటే భారత్‌ 218 పరుగుల ఆధిక్యాన్ని సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 2 వికెట్లు, ఎంగిడి 2 వికెట్లు సాధించారు.

భారత్ ఎనిమిదో వికెట్‌ కోల్పోయింది. మహ్మద్‌ షమి డకౌట్‌ అయ్యాడు. జాన్సన్‌ బౌలింగ్‌లో కీపర్ క్యాచ్‌ పట్టడంతో వెనుదిరిగాడు. దీంతో భారత్ ఎనిమిది వికెట్ల నష్టానికి 228 పరుగులు చేసింది. కాగా సౌతాఫ్రికా కంటే భారత్‌ 201 పరుగుల ఆధిక్యాన్ని సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 3 వికెట్లు, ఎంగిడి 1 వికెట్‌ సాధించారు.

భారత్ ఇప్పటివరకు సౌతాఫ్రికా కంటే 200 పరుగుల ఆధిక్యం సంపాదించింది. ప్రస్తుతం సెకండ్‌ ఇన్నింగ్స్‌లో 50.1 ఓవర్లలో 7 వికెట్లు కోల్పోయి 227 పరుగులు చేసింది. క్రీజులో హనుమవిహారి 11 పరుగులు, మహ్మద్ షమి 0 పరుగులతో ఆట కొనసాగిస్తున్నారు.

భారత్ ఏడో వికెట్‌ కోల్పోయింది. శార్దుల్‌ ఠాగూర్ 28 పరుగులకు ఔటయ్యాడు. జాన్సన్‌ బౌలింగ్‌లో మహవీర్ క్యాచ్ తీసుకున్నాడు. దీంతో భారత్ ఏడు వికెట్ల నష్టానికి 225 పరుగులు చేసింది. కాగా సౌతాఫ్రికా కంటే భారత్‌ 198 పరుగుల ఆధిక్యాన్ని సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 2 వికెట్లు, ఎంగిడి 1 వికెట్‌ సాధించారు.

భారత్ 46 ఓవరల్లో 6 వికెట్ల నష్టానికి 200 పరుగులు దాటింది. క్రీజులో హనుమ విహారి 6 పరుగులు, శార్దుల్‌ ఠాగూర్ 12 పరుగులతో ఆడుతున్నారు. ఇప్పటివరకు ఇండియా.. సౌతాఫ్రికా కంటే 174 పరుగుల ఆధిక్యం సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 1, ఎంగిడి 1 వికెట్ సాధించారు.

రెండో సెషన్ ప్రారంభమైంది. క్రీజులో క్రీజులో హనుమవిహారి 6 పరుగులు, శార్దుల్ ఠాగూర్ 4 పరుగులతో ఉన్నారు. ఇప్పటి వరకు భారత్ ఆధిక్యం 161 పరుగులకు చేరింది.

భారత్ మూడో రోజు సెకండ్ ఇన్నింగ్స్‌లో లంచ్ బ్రేక్ సమయానికి 6వికెట్లు కోల్పోయి 188 పరుగులు చేసింది. భారత్ ఆధిక్యం 161 పరుగులకు చేరింది. క్రీజులో హనుమవిహారి 6 పరుగులు, శార్దుల్ ఠాగూర్ 4 పరుగులతో ఉన్నారు. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 1 వికెట్, ఎంగిడి ఒక వికెట్ సాధించారు. అంతకు ముందు చటేశ్వరా పూజారా, అజింకా రహానె హాఫ్ సెంచరీలు చేశారు.

భారత్ ఆరో వికెట్‌ కోల్పోయింది. రవిచంద్రన్ అశ్విన్ 16 పరుగులకు ఔటయ్యాడు. ఎంగిడి బౌలింగ్‌లో వెరియానె క్యాచ్ పట్టాడు. దీంతో భారత్ ఆరు వికెట్ల నష్టానికి 184 పరుగులు చేసింది. కాగా సౌతాఫ్రికా కంటే భారత్‌ 160 పరుగుల ఆధిక్యాన్ని సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 1 వికెట్, ఎంగిడి ఒక వికెట్ సాధించారు. సాధించారు.

భారత్ ఐదో వికెట్‌ కోల్పోయింది. రిషబ్‌ పంత్ 0 పరుగులకు ఔటయ్యాడు. రబడా బౌలింగ్‌లో వెరియానె క్యాచ్‌ పట్టడంతో వెనుదిరిగాడు. దీంతో భారత్ ఐదు వికెట్ల నష్టానికి 167 పరుగులు చేసింది. కాగా సౌతాఫ్రికా కంటే భారత్‌ 145 పరుగుల ఆధిక్యాన్ని సంపాదించింది. సౌతాఫ్రికా బౌలర్లలో కాగిసో రబడా 3 వికెట్లు, డన్నె ఓలియర్ 1వికెట్, జాన్సన్ 1 వికెట్ సాధించారు.

భారత్ నాలుగో వికెట్‌ కోల్పోయింది. చటేశ్వర పుజారా 53 పరుగులకు ఔటయ్యాడు. రబడా బౌలింగ్‌లో ఎల్బీగా వెనుదిరిగాడు. దీంతో భారత్ నాలుగు వికెట్ల నష్టానికి 163 పరుగులు చేసింది. కాగా సౌతాఫ్రికా కంటే భారత్‌ 136 పరుగుల ఆధిక్యాన్ని సంపాదించింది.

భారత్ మూడో వికెట్‌ కోల్పోయింది. అజింకా రాహానె 58 పరుగులకు ఔటయ్యాడు. రబడా బౌలింగ్‌లో వెరియానె క్యాచ్‌ పట్టడంతో వెనుదిరిగాడు. దీంతో భారత్ మూడు వికెట్ల నష్టానికి 155 పరుగులు చేసింది. కాగా సౌతాఫ్రికా కంటే భారత్‌ 128 పరుగుల ఆధిక్యాన్ని సంపాదించింది.

భారత్ 33.3 ఓవరల్లో 2 వికెట్ల నష్టానికి 150 పరుగులు దాటింది. క్రీజులో చటేశ్వర పుజారా 51 పరుగులు, అజింకా రహానె 53 పరుగులతో ఆడుతన్నారు. ఇప్పటివరకు ఇండియా.. సౌతాఫ్రికా కంటే 123 పరుగుల ఆధిక్యం సంపాదించింది.

భారత టెస్టు జట్టులో అనుభవజ్ఞులైన ఇద్దరు బ్యాట్స్‌మెన్‌లు అజింక్యా రహానే, ఛెతేశ్వర్ పుజారాలు మూడో వికెట్‌కి సెంచరీ భాగస్వామ్యం నెలకొల్పారు. 131 బంతుల్లో 104 పరుగుల భాగస్వామ్యం నెలకొల్పారు. ప్రస్తుతం రహనె 52, పుజారా 51 పరుగులతో ఆట కొనసాగిస్తున్నారు. భారత ఆధిక్యం120 పరుగులు దాటింది.

అజింకా రహానె హాఫ్ సెంచరీ సాధించాడు. 69 బంతుల్లో 7 ఫోర్లు ఒక సిక్సర్‌ సాయంతో 52 పరుగులు చేశాడు. దీంతో భారత్‌ 2 వికెట్ల నష్టానికి 148 పరుగులు చేసింది. మరోవైపు చటేశ్వరా పుజారా 51 పరుగులతో ఆడుతున్నాడు. భారత్‌ సౌతాఫ్రికా కంటే 121 పరుగుల ఆధిక్యం సంపాదించింది.

చటేశ్వరా పుజారా హాఫ్ సెంచరీ చేశాడు. 62 బంతుల్లో 10 ఫోర్ల సాయంతో 50 పరుగులు చేశాడు. దీంతో భారత్‌ 2 వికెట్ల నష్టానికి 137 పరుగులు చేసింది. మరోవైపు అజింకా రహానె 43 పరుగులతో హాఫ్‌ సెంచరీ చేరువలో ఉన్నాడు. భారత్‌ సౌతాఫ్రికా కంటే 110 పరుగుల ఆధిక్యం సంపాదించింది.

భారత టెస్టు జట్టులో అనుభవజ్ఞులైన ఇద్దరు బ్యాట్స్‌మెన్‌లు అజింక్యా రహానే, ఛెతేశ్వర్ పుజారాలు మూడో రోజు ఆటను ధాటిగానే ప్రారంభించారు. బౌండరీలతో ఇన్నింగ్స్‌లో వేగం పెంచుతూ తమ ఇద్దరి మధ్య హాఫ్ సెంచరీ భాగస్వామ్యాన్ని నెలకొల్పారు. ప్రస్తుతం రహనె 19, పుజారా 43 పరుగులతో క్రీజులో ఉన్నారు. భారత ఆధిక్యం 74 పరుగులకు చేరింది.

భారత టెస్టు జట్టులో అనుభవజ్ఞులైన ఇద్దరు బ్యాట్స్‌మెన్‌లు అజింక్యా రహానే, ఛెతేశ్వర్ పుజారా ఈ రోజు ఆటను ప్రారంభించనున్నారు. వీరిద్దరూ టీమ్ ఇండియా స్కోరు 85/2 నుంచి ఇన్నింగ్స్‌ను భారీ ఆధిక్యం వైపు తీసుకెళ్తారో లేదో చూడాలి. వీరిద్దరూ చాలా కాలంగా ఫామ్‌లో లేకపోవడంతో భారీ ఇన్నింగ్స్ కోసం అందరూ ఎదురుచూస్తున్నారు. అటువంటి పరిస్థితిలో, ఇద్దరూ తమ బ్యాట్‌తో భారీ స్కోరు చేసి జట్టుకు బలమైన ఆధిక్యాన్ని అందించడానికి ప్రయత్నిస్తారు.

ఒకవైపు దక్షిణాఫ్రికాను ఒత్తిడిలోకి నెట్టి బలమైన ఆధిక్యం సాధించి పట్టు బిగించాలని భారత్‌ చూస్తుండగా, ఆతిథ్య జట్టు బౌలర్లు మాత్రం టీమ్‌ఇండియా బ్యాట్స్‌మెన్‌లను వీలైనంత త్వరగా ఔట్ చేయాల్సిన పరిస్థితి నెలకొంది. కగిసో రబడ, లుంగి ఎంగిడి, మార్కో యాన్సన్‌ల ధాటికి భారత బ్యాట్స్‌మెన్స్ ఎక్కువసేపు నిలుస్తారో లేదో చూడాలి.

భారత్-దక్షిణాఫ్రికా జట్ల మధ్య జరుగుతున్న రెండో టెస్టు మూడో రోజు ఆట మరికొద్దిసేపట్లో ప్రారంభం కానుంది. దక్షిణాఫ్రికా ఆటగాడు టామ్ మైదానంలో ఉన్నాడు. కెప్టెన్ డీన్ ఎల్గర్ తన జట్టుతో మాట్లాడుతున్నాడు. భారత బ్యాట్స్‌మెన్ కూడా క్రీజులోకి వచ్చారు.