IND vs SA 1st Test Day 3 Live: 199 పరుగులకు ఆలౌట్ అయిన సౌతాఫ్రికా.. భారత్ 1 వికెట్‌ నష్టానికి 16 పరుగులు

భారత్ సౌతాఫ్రికా మధ్య మూడోరోజు ఆట ముగిసింది. భారత్‌ రెండో ఇన్నింగ్స్‌లో 1 వికెట్‌ నష్టానికి 16 పరుగులు చేసింది. ఓపెనర్ మయాంక్ అగర్వాల్ 4 పరుగులకే ఔటయ్యాడు. తొలి ఇన్నింగ్స్‌లో 130 పరుగులతో కలిసి భారత్ ఆధిక్యం 146 పరుగులు. భారత్‌ తొలి ఇన్నింగ్స్‌లో 327 పరుగులకు ఆలౌట్ కాగా సౌతాఫ్రికా199 పరుగులకు ఆలౌట్ అయింది.

భారత్ రెండో ఇన్నింగ్స్‌లో తొలి వికెట్ కోల్పోయింది. మయాంక్ అగర్వాల్ 4 పరుగులకే ఔటయ్యాడు. మార్కో జాన్సన్‌ బౌలింగ్‌లో డి కాక్‌ క్యాచ్‌ అందుకున్నాడు. దీంతో 12 పరుగుల వద్ద భారత్ మొదటి వికెట్ కోల్పోయింది. క్రీజులోకి శార్దుల్‌ ఠాకూర్‌ ఎంటర్ అయ్యాడు.

భారత్ రెండో ఇన్నింగ్స్‌ ప్రారంభించింది. ఓపెనర్లుగా మయాన్ అగర్వాల్, కేఎల్‌ రాహుల్‌ క్రీజులోకి వచ్చారు. మొదటి ఓవర్‌లో 6 పరుగులు సాధించారు.

సౌతాఫ్రికా 199 పరుగులకు ఆలౌట్‌ అయింది. భారత బౌలర్ల ముందు ఎవ్వరు నిలవలేకపోయారు. టెంబా బవుమా ఒక్కడే ఒంటరి పోరాటం చేశాడు. హాఫ్ సెంచరీ సాధించి కనీసం 150 పరుగులు దాటేలా చేశాడు. క్వింటన్‌ డికాక్ 34 పరుగులు పర్వాలేదనిపించాడు. మిగతా వారెవ్వరు పెద్దగా రాణించలేదు. దీంతో సౌతాఫ్రికా 199 పరుగులకు ఆలౌట్‌ అయింది. భారత బౌలర్లలో మహ్మద్‌ షమి 5, శార్దుల్‌ 2, బుమ్రా, సిరాజ్‌, ఒక్కో వికెట్ చొప్పున సాధించారు. దీంతో భారత్ 130 పరుగుల ఆధిక్యం సంపాదించింది.

సౌతాఫ్రికా తొమ్మిదో వికెట్‌ కోల్పోయింది. కాగిసో రబడా 25 పరుగులకు ఔటయ్యాడు. షమి బౌలింగ్‌లో పంత్‌ క్యాచ్‌ పట్టడంతో వెనుదిరిగాడు. దీంతో సౌతాఫ్రికా 9 వికెట్ల నష్టానికి 193 పరుగులు చేసింది. భారత బౌలర్లలో మహ్మద్‌ షమి 5, శార్దుల్‌ 2, బుమ్రా, సిరాజ్‌, ఒక్కో వికెట్ చొప్పున సాధించారు.

సౌతాఫ్రికా ఎనిమిదో వికెట్‌ కోల్పోయింది. మార్కో జాన్సెన్‌ 19 పరుగులకు ఔటయ్యాడు. శార్దుల్‌ ఠాకూర్ బౌలింగ్‌లో ఎల్బీడబ్లుగా వెనుదిరిగాడు. దీంతో సౌతాఫ్రికా 8 వికెట్ల నష్టానికి 182 పరుగులు చేసింది. భారత బౌలర్లలో మహ్మద్‌ షమి 4, శార్దుల్‌ 2, బుమ్రా, సిరాజ్‌, ఒక్కో వికెట్ చొప్పున సాధించారు.

సౌతాఫ్రికా 48.3 ఓవర్లలో 7 వికెట్ల నష్టానికి 153 పరుగులు చేసింది. క్రీజులో మార్కో జాన్సన్ 10, కాగిసో రబడా 4 పరుగులతో ఆడుతున్నారు. భారత బౌలర్లలో మహ్మద్‌ షమి 4, బుమ్రా, సిరాజ్‌, శార్దుల్ ఒక్కో వికెట్ చొప్పున తీసుకున్నారు. సౌతాఫ్రికా ఇంకా 174 పరగులు వెనుకబడి ఉంది.

సౌతాఫ్రికా ఏడో వికెట్‌ కోల్పోయింది. హాఫ్ సెంచరీ హీరో టెంబా బవుమా 52 పరుగులకు ఔటయ్యాడు. షమి బౌలింగ్‌లో పంత్ క్యాచ్‌ పట్టాడు. దీంతో సౌతాఫ్రికా 7 వికెట్ల నష్టానికి 144 పరుగులు చేసింది. భారత బౌలర్లలో మహ్మద్‌ షమి 4, బుమ్రా, సిరాజ్‌, శార్ధుల్‌ ఒక్కో వికెట్ చొప్పున తీసుకున్నారు.

టెంబా బవుమా హాఫ్ సెంచరీ సాధించాడు. 101 బంతుల్లో 10 ఫోర్లతో 52 పరుగులు సాధించాడు. దీంతో సౌతాఫ్రికా 6 వికెట్లు కోల్పోయి 144 పరుగులు చేసింది. మార్కో జాన్సన్‌ అతడికి చక్కటి సహకారం అందిస్తున్నాడు.

సౌతాఫ్రికా ఆరో వికెట్‌ కోల్పోయింది. వియాన్‌ ముల్డర్ 12 పరుగులకు ఔటయ్యాడు. షమి బౌలింగ్‌లో పంత్ క్యాచ్‌ తీసుకున్నాడు. దీంతో సౌతాఫ్రికా 6 వికెట్ల నష్టానికి 133 పరుగులు చేసింది. భారత బౌలర్లలో మహ్మద్‌ షమి 3, బుమ్రా, సిరాజ్‌, శార్ధుల్‌ ఒక్కో వికెట్ చొప్పున తీసుకున్నారు.

రెండో సెషన్‌ ముగిసేసరికి సౌతాఫ్రికా 5 వికెట్లు కోల్పోయి 109 పరుగులు చేసింది. టెంబా బవుమా 31 పరుగులు, వియాన్‌ ముల్డర్‌ 4 పరుగులతో క్రీజులో ఉన్నారు. సౌతాఫ్రికా ఇంకా 218 పరగులు వెనుకబడి ఉంది. భారత బౌలర్లలో మహ్మద్‌ షమి 2, బుమ్రా, సిరాజ్‌, శార్ధుల్‌ ఒక్కో వికెట్ చొప్పున తీసుకున్నారు.

సౌతాఫ్రికా ఐదో వికెట్‌ కోల్పోయింది. క్వింటన్‌ డికాక్ 34 పరుగులకు ఔటయ్యాడు. శార్దుల్‌ ఠాకూర్‌ బౌలింగ్‌లో వెనుదిరిగాడు. దీంతో సౌతాఫ్రికా 5 వికెట్ల నష్టానికి 109 పరుగులు చేసింది.

సౌతాఫ్రికా 31.4 ఓవర్లకు 4 వికెట్ల నష్టానికి 100 పరుగులు చేసింది. క్రీజులో క్వింటన్‌ డికాక్ 31 పరుగులు, బావుమా 30 పరుగులతో ఆడుతున్నారు. భారత బౌలర్లలో మహ్మద్‌ షమి 2, బుమ్రా, సిరాజ్‌ ఒక్కో వికెట్ చొప్పున తీసుకున్నారు.

సౌతాఫ్రికా 20 ఓవర్లకు 4 వికెట్ల నష్టానికి 57 పరుగులు చేసింది. క్రీజులో క్వింటన్‌ డికాక్ 8 పరుగులు, బావుమా 12 పరుగులతో ఆడుతున్నారు. భారత బౌలర్లలో మహ్మద్‌ షమి 2, బుమ్రా, సిరాజ్‌ ఒక్కో వికెట్ చొప్పున తీసుకున్నారు.

సౌతాఫ్రికా నాలుగో వికెట్‌ కోల్పోయింది. డస్సెన్ 3 పరుగులకే ఔటయ్యాడు. సిరాజ్‌ బౌలింగ్‌లో రహానె క్యాచ్‌ పట్టడంతో వెనుదిరిగాడు. దీంతో సౌతాఫ్రికా 3 వికెట్ల నష్టానికి 32 పరుగులు చేసింది.

సౌతాఫ్రికా మూడో వికెట్‌ కోల్పోయింది. ఓపెనర్ మార్ క్రమ్‌ 13 పరుగులకు ఔటయ్యాడు. దీంతో 12 ఓవర్లకు సౌతాఫ్రికా మూడు వికెట్లు కోల్పోయి 30 పరుగులు చేసింది.

రెండో సెషన్ ప్రారంభంలోనే సౌతాఫ్రికా రెండో వికెట్‌ కోల్పోయింది. కీగన్ పీటర్సన్ 15 పరుగులకే ఔటయ్యాడు. మహ్మద్‌ షమి ఓవర్లో క్లీన్‌ బౌల్డ్‌ అయ్యాడు. దీంతో రెండు వికెట్లు కోల్పోయి సౌతాఫ్రికా 30 పరుగులు చేసింది.

భారత్, సౌతాఫ్రికా మధ్య జరుగుతున్న తొలిటెస్ట్ మూడో రోజు లంచ్‌ సమాయానికి సౌతాఫ్రికా ఒక వికెట్‌ నష్టానికి 21 పరుగులు చేసింది. అంతకు ముందు భారత్‌ 327 పరుగులకు ఆలౌట్‌ అయింది.

బ్యాటింగ్‌ ప్రారంభించిన సౌతాఫ్రికాకు ఆదిలోనే ఎదురుదెబ్బ తగిలింది. 2 పరుగుల వద్ద ఓపెనర్ డేల్‌ ఎల్గర్‌ ఔటయ్యాడు. బుమ్రా బౌలింగ్‌లో పంత్‌ క్యాచ్‌ పట్టాడు.

ఇండియా 327 పరుగులకు ఆలౌట్‌ అయింది. మూడో రోజు బ్యాటింగ్‌ ప్రారంభించిన ఇండియా ఆశించినంతగా రాణించలేదు. త్వర త్వరగా వికెట్లు కోల్పోయింది. ఎవ్వరూ రెండెంకల స్కోరు చేయలేకపోయారు. దక్షిణాఫ్రికా పేసర్ లుంగి ఎంగిడి భారత్‌ని కుప్పకూల్చాడు. వరుసగా వికెట్లు తీస్తు కోలుకోలేని దెబ్బతీశాడు. ఏకంగా 6 వికెట్లు సాధించాడు. ఇతనికి తోడుగా కాగిసో రబడా 3 వికెట్లు తీశాడు. ఫలితంగా భారత్‌ 327 పరుగులకు ఆలౌట్ అయింది.