IND vs AUS: రోహిత్ సేనకు మరో షాకింగ్ న్యూస్.. పింక్ బాల్ టెస్ట్ నుంచి ఫ్యూచర్ స్టార్ ఔట్?
Border Gavaskar Trophy: రెండో టెస్టు మ్యాచ్‌కి ముందు భారత జట్టుకు చేదువార్త వచ్చింది. మీడియా కథనాల ప్రకారం, డిసెంబర్ 6 నుంచి ప్రారంభమయ్యే పింక్ బాల్ టెస్ట్‌లో శుభ్‌మాన్ గిల్ ఆడటం కష్టంగా మారింది. పెర్త్ తర్వాత అడిలైడ్ టెస్టుకు కూడా దూరంగా ఉండవచ్చు అని తెలుస్తోంది.
రెండో టెస్టు మ్యాచ్‌కి ముందు భారత జట్టుకు బ్యాడ్ న్యూస్ వచ్చింది. మీడియా కథనాల ప్రకారం, డిసెంబర్ 6 నుంచి ప్రారంభమయ్యే పింక్ బాల్ టెస్ట్‌లో శుభ్‌మాన్ గిల్ ఆడటం కష్టంగా మారింది. పెర్త్ తర్వాత, అతను అడిలైడ్ టెస్టుకు కూడా దూరంగా ఉండవచ్చు. బొటనవేలు గాయం కారణంగా పెర్త్ టెస్టుకు కూడా దూరమయ్యాడు. ఒక రోజు ముందు, బిసిసిఐ అతని వీడియోను పంచుకుంది. అందులో అతను నెట్స్‌లో బ్యాటింగ్ చేస్తూ కనిపించాడు. ఇది చూసిన అతను మళ్లీ టీమ్ ఇండియా 3వ నంబర్‌లో బ్యాటింగ్ చేస్తాడని అంతా అనుకున్నారు. కానీ, నివేదికల మేరకు ఈ ఆశలు ఇప్పుడు అడియాశలయ్యే అవకాశం ఉంది.
గిల్ అన్ ఫిట్..
పింక్ బాల్ టెస్ట్‌కు ముందు శుభ్‌మన్ గిల్ ప్రాక్టీస్ సెషన్‌లో పాల్గొనే అవకాశం ఉందని బిసిసిఐ వర్గాలను ఉటంకిస్తూ టైమ్స్ ఆఫ్ ఇండియా పేర్కొంది. కానీ అతను పూర్తిగా ఫిట్‌గా లేడు. సమయానికి కోలుకుంటాడనే ఆశ లేదు. బొటన వేలికి గాయం కావడంతో రెండు వారాల పాటు విశ్రాంతి తీసుకోవాలని వైద్య నిపుణులు సూచించినట్లు బీసీసీఐ వర్గాలు వెల్లడించాయి.
బ్యాటింగ్ చేస్తున్నప్పుడు ఎలా ఫీల్ అయ్యాడో చూసేందుకు నెట్స్‌లో బ్యాటింగ్‌కు వచ్చాడు. గిల్ తిరిగి రావాలని తహతహలాడుతున్నాడని, అయితే అతను కాన్‌బెర్రాలో జరిగే వార్మప్ మ్యాచ్‌తో పాటు రెండో టెస్టును కోల్పోవలసి రావచ్చని తెలిపాడు. అయితే మూడో టెస్టులో ఆడటం ఖాయమని తెలుస్తోంది. ఈ రకమైన గాయం నయం కావడానికి సాధారణంగా 2-4 వారాలు పడుతుందని టీమ్ ఇండియా, ముంబై మాజీ సెలెక్టర్ జతిన్ పరంజ్పే అన్నారు.
అసిస్టెంట్ కోచ్ అప్‌డేట్..
టీమ్ ఇండియా అసిస్టెంట్ కోచ్ అభిషేక్ నాయర్ కూడా శుభ్‌మన్ గిల్ గాయానికి సంబంధించిన అప్‌డేట్ ఇచ్చారు. గిల్ గాయం, బ్యాటింగ్‌ను ఫిజియో పరిశీలిస్తున్నారని తెలిపాడు. అతను నెట్స్‌లో చాలా సౌకర్యవంతంగా బ్యాటింగ్ చేస్తున్నాడు. అయితే పూర్తి విశ్లేషణ తర్వాతే ఏదైనా నిర్ణయం తీసుకోవాల్సి ఉంటుందని అన్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..