Video: బౌలింగ్ తో కాదు కంటి చూపుతోనే ముంబై కెప్టెన్ కు వార్నింగ్ ఇచ్చిన గుజరాత్ బుల్లోడు! వీడియో వైరల్

ఐపీఎల్ 2025 సీజన్‌లో ముంబై ఇండియన్స్ vs గుజరాత్ టైటాన్స్ మ్యాచ్‌లో ఆసక్తికర ఘట్టం చోటు చేసుకుంది. మైదానంలో గట్టి పోటీ నడుస్తుండగా, ముంబై ఇండియన్స్ కెప్టెన్ హార్దిక్ పాండ్యా, గుజరాత్ టైటాన్స్ బౌలర్ సాయి కిషోర్ మధ్య మాటల యుద్ధం జరిగి, అది వైరల్‌గా మారింది. ఒకరికొకరు సీరియస్‌గా తారసపడటమే కాకుండా, కంటి చూపులతోనే వార్నింగ్ ఇచ్చుకోవడం అభిమానులను ఆశ్చర్యానికి గురిచేసింది. వీరి మధ్య పెరుగుతున్న ఉద్రిక్తతను చూసి ఫీల్డ్ అంపైర్ తక్షణమే స్పందించి, వారిని శాంతింపజేశాడు.

ఈ ఘర్షణ 15వ ఓవర్లో చోటుచేసుకుంది. సాయి కిషోర్ వేసిన ఓవర్లో హార్దిక్ పాండ్యా ఫైన్ లెగ్ దిశగా బౌండరీ కొట్టాడు. ఆ మరుసటి బంతిని హార్దిక్ డిఫెన్స్ చేసినప్పుడు, బంతి బౌలర్ వైపే కొంత దూరం వెళ్లి ఆగింది. హార్దిక్ పాండ్యా దూసుకొచ్చినట్లుగా సాయికిషోర్‌పై చూస్తూ నిలబడ్డాడు. కానీ, సాయి కిషోర్ కూడా వెనుకంజ వేయకుండా ధీటుగా బదులిచ్చాడు. ఇద్దరూ ఒకరికొకరు నిలబడి చూస్తుండగానే, అంపైర్ వెంటనే వచ్చి వారిని వేరు చేశారు. హార్దిక్ పాండ్యా సైగ చేస్తూ దూరంగా వెళ్లిపోయాడు.

ఈ ఘర్షణతో మ్యాచ్ వేడెక్కినా, మ్యాచ్ ముగిసిన తర్వాత గట్టిగా నవ్వుతూ హార్దిక్ పాండ్యా, సాయి కిషోర్ ఒకరినొకరు హగ్ చేసుకోవడం అభిమానులను ఊహించలేని విధంగా ఆశ్చర్యపరిచింది. మ్యాచ్ ముగిసిన తర్వాత షేక్ హ్యాండ్ ఇచ్చేటప్పుడు ఇద్దరూ స్నేహపూర్వకంగా ముచ్చటించుకున్నారు. ఈ వీడియో కూడా సోషల్ మీడియాలో విపరీతంగా వైరల్ అవుతోంది.

మ్యాచ్ అనంతరం మాట్లాడిన సాయి కిషోర్, తాను హార్దిక్ పాండ్యా మంచి స్నేహితులమే అని తెలిపారు. మైదానంలో మాత్రం ఇద్దరూ ప్రత్యర్థులుగా పోరాడతామని, కానీ ఆటలో జరిగే ఘటనలను వ్యక్తిగతంగా తీసుకోమని అన్నారు. “హార్దిక్ నాకు మంచి స్నేహితుడు. మైదానంలో కఠినంగా పోరాడతాం, కానీ ఆ కోపం అక్కడే మర్చిపోతాం. ఆటలో జరిగే ఘట్టాలను వ్యక్తిగతంగా తీసుకోం” అని సాయి కిషోర్ పేర్కొన్నాడు.

గుజరాత్ టైటాన్స్ తొలుత బ్యాటింగ్ చేసి నిర్ణీత 20 ఓవర్లలో 8 వికెట్లకు 196 పరుగులు చేసింది. సాయి సుదర్శన్ (63 పరుగులు – 41 బంతుల్లో, 4 ఫోర్లు, 2 సిక్సులు), శుభ్‌మన్ గిల్ (38 పరుగులు – 27 బంతుల్లో), జోస్ బట్లర్ (39 పరుగులు – 24 బంతుల్లో) జట్టును ముందుండి నడిపించారు.

ముంబై ఇండియన్స్ తరఫున హార్దిక్ పాండ్యా (2/29) అత్యుత్తమ బౌలింగ్ ప్రదర్శన ఇచ్చాడు. అలాగే, ట్రెంట్ బౌల్ట్, దీపక్ చాహర్, ముజీబ్ ఉర్ రెహ్మాన్, సత్యనారాయణ రాజు తలో వికెట్ తీసి తమ బాధ్యతను నెరవేర్చారు.

అనంతరం, ముంబై ఇండియన్స్ 20 ఓవర్లలో 6 వికెట్లకు 160 పరుగులే చేసి ఓడిపోయింది. సూర్యకుమార్ యాదవ్ (48 పరుగులు – 28 బంతుల్లో, 4 సిక్సులు), తిలక్ వర్మ (39 పరుగులు – 36 బంతుల్లో, 3 ఫోర్లు, 1 సిక్స్) మాత్రమే కొంత మెరుగైన ప్రదర్శన ఇచ్చారు. కానీ, గుజరాత్ టైటాన్స్ బౌలర్లు అద్భుతంగా రాణించారు. సిరాజ్, ప్రసిధ్ కృష్ణ రెండేసి వికెట్లు తీసి, కగిసో రబడా, సాయి కిషోర్ తలో వికెట్ తీసి గుజరాత్ విజయాన్ని ఖాయం చేశారు.

THE HARDIK PANDYA VS SAI KISHORE BATTLE. 🔥pic.twitter.com/u8BrOhbABK

— Mufaddal Vohra (@mufaddal_vohra) March 29, 2025

మరిన్ని క్రీడా వార్తల కోసం ఇక్కడ క్లిక్ చేయండి..