వైభవ్ కాదు.. టీమిండియాలో ఆ మెంటలోడ్ని ఆపకుంటే మేమంతా అస్సాంకే..
Harry Brook Comments: భారత జట్టుకు నయా ఫినిషర్గా ఎదుగుతున్న శివమ్ దూబేను ఎదుర్కోవడం ఇంగ్లాండ్కు పెద్ద సవాలుగా మారింది. హ్యారీ బ్రూక్ ఎంతగా వ్యూహాలు మార్చినా, మైండ్ గేమ్స్ ఆడినా.. క్రీజులో దూబే నిలదొక్కుకుంటే ఇంగ్లాండ్కు రెండో టీ20లోనూ చుక్కలు కనపడటం ఖాయమని భారత అభిమానులు ధీమా వ్యక్తం చేస్తున్నారు.
Harry Brook Comments: భారత్, ఇంగ్లాండ్ జట్ల మధ్య జరుగుతున్న టీ20 సమరం క్రికెట్ అభిమానుల్లో తీవ్ర ఉత్కంఠను రేపుతోంది. తొలి మ్యాచ్లో వర్షం పడటంతో ఫలితం తేలకపోయినప్పటికీ, టీం ఇండియా హిట్టర్ శివమ్ దూబే ఆడిన మెరుపు ఇన్నింగ్స్ ఇంగ్లాండ్ శిబిరంలో వణుకు పుట్టించింది. ఈ నేపథ్యంలో రెండో టీ20కి ముందు ఇంగ్లాండ్ కెప్టెన్ హ్యారీ బ్రూక్ చేసిన వ్యాఖ్యలు ఇప్పుడు హాట్ టాపిక్గా మారాయి.
దూబే విధ్వంసం.. తొలి మ్యాచ్లో ఇంగ్లాండ్ బతికిపోయింది..!
సెస్టర్లీ స్ట్రీట్ వేదికగా జరిగిన తొలి టీ20 మ్యాచ్లో టాస్ గెలిచిన భారత్ ప్రారంభంలోనే ఆరు పరుగులకే రెండు వికెట్లు కోల్పోయి కష్టాల్లో పడింది. ఆ సమయంలో అభిషేక్ శర్మ, కెప్టెన్ శ్రేయస్ అయ్యర్ ఇన్నింగ్స్ను చక్కదిద్దారు. అయితే, ఆ తర్వాత క్రీజులోకి వచ్చిన ఆల్రౌండర్ శివమ్ దూబే ఇంగ్లాండ్ బౌలర్లపై నిర్దాక్షిణ్యంగా విరుచుకుపడ్డాడు. కేవలం 21 బంతుల్లోనే 2 ఫోర్లు, 3 అద్భుతమైన సిక్సర్లతో 42 పరుగులు చేసి నాటౌట్గా నిలిచాడు. దూబే మెరుపు దాడి వల్లే భారత్ నిర్ణీత ఓవర్లలో 189 పరుగుల భారీ స్కోరు సాధించగలిగింది. పిచ్ పరిస్థితులను బట్టి చూస్తే అంతటి భారీ లక్ష్యాన్ని ఛేదించడం ఇంగ్లాండ్కు అసాధ్యమని, కేవలం వర్షం వల్ల మ్యాచ్ రద్దు కావడంతోనే ఇంగ్లాండ్ ఓటమి నుంచి తప్పించుకుందని క్రికెట్ విశ్లేషకులు స్పష్టం చేస్తున్నారు.
ఇది కూడా చదవండి: వాడిపనైపోయింది, ఇక ఆడలేడు.. ఇప్పటికైనా అతడిని రంగంలోకి దింపడయ్యా సామీ..!
హ్యారీ బ్రూక్ పప్పులో కాలేశాడు..!
శివమ్ దూబేకు స్పిన్ బౌలింగ్ను చీల్చి చెండాడటంలో అద్భుతమైన రికార్డు ఉంది. ఐపీఎల్తో పాటు అంతర్జాతీయ క్రికెట్లోనూ అతను స్పిన్నర్లపై విరుచుకుపడతాడు. ఈ విషయం తెలిసి కూడా తొలి మ్యాచ్లో చివరి ఓవర్లలో ఇంగ్లాండ్ కెప్టెన్ హ్యారీ బ్రూక్ స్పిన్నర్లను రంగంలోకి దించి పెద్ద తప్పే చేశాడు. దూబే ఆ స్పిన్ బౌలింగ్ను ఉతికారేస్తూ సిక్సర్ల వర్షం కురిపించాడు. ఈ వ్యూహాత్మక లోపాన్ని ఇంగ్లాండ్ కెప్టెన్ స్వయంగా అంగీకరించక తప్పలేదు.
దూబేను తక్కువ అంచనా వేయలేం.. బ్రూక్ సరికొత్త వ్యూహాలు..!
రెండో టీ20 మ్యాచ్ ప్రారంభానికి ముందు ప్రెస్ కాన్ఫరెన్స్లో హ్యారీ బ్రూక్ ఆసక్తికర వ్యాఖ్యలు చేశాడు. టీం ఇండియా టాప్ ఆర్డర్ బ్యాటర్ల కంటే కూడా శివమ్ దూబేపైనే తాము ఎక్కువ దృష్టి పెట్టాల్సి ఉందన్నాడు. “తొలి మ్యాచ్లో దూబేను తక్కువ అంచనా వేసి తప్పు చేశాం, మా వ్యూహం బెడసికొట్టింది. అతని వల్లే మా ముందు భారీ లక్ష్యం నిలిచింది. కానీ, రెండో టీ20లో ఆ తప్పును పునరావృతం చేయం. దూబేను కట్టడి చేయడానికి ప్రత్యేక వ్యూహాలు రచిస్తున్నాం” అని బ్రూక్ తెలిపాడు. అలాగే తమ బౌలింగ్ విభాగంలో కూడా రెండు కీలక మార్పులు చేస్తున్నట్లు స్పష్టం చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..