IPL 2023: గుజరాత్ టైటాన్స్కు భారీ షాక్.. దూరం కానున్న మ్యాచ్ విన్నర్.. ఆందోళనలో ఫ్యాన్స్..
Indian Premier League: ఐపీఎల్ 2023 సీజన్లో తొలి మ్యాచ్ డిఫెండింగ్ ఛాంపియన్ గుజరాత్ టైటాన్స్ వర్సెస్ చెన్నై సూపర్ కింగ్స్ మధ్య మార్చి 31న అహ్మదాబాద్లోని నరేంద్ర మోదీ స్టేడియంలో జరగనుంది.
Indian Premier League 2023: ఇండియన్ ప్రీమియర్ లీగ్ (IPL) 2023 సీజన్ మార్చి 31 నుంచి ప్రారంభమవుతుంది. దీనిలో మొదటి మ్యాచ్ డిఫెండింగ్ ఛాంపియన్ గుజరాత్ టైటాన్స్ వర్సెస్ చెన్నై సూపర్ కింగ్స్ మధ్య జరుగుతుంది. ఈ మ్యాచ్కు ముందు గుజరాత్కు వచ్చిన బ్యాడ్ న్యూస్ ఏమిటంటే, ఆ జట్టు మ్యాచ్ విన్నర్ ఆటగాడు డేవిడ్ మిల్లర్ మొదటి కొన్ని మ్యాచ్లలో పాల్గొనలేడు. ఈ విషయంపై ఫ్రాంచైజీ కూడా చాలా ఆందోళనను వ్యక్తం చేసింది.
వాస్తవానికి, దక్షిణాఫ్రికా జట్టు నెదర్లాండ్స్తో 2 వన్డేలు ఆడాల్సి ఉంది. అవి కూడా ప్రపంచ కప్ సూపర్ లీగ్లో భాగమే. ఈ రెండు మ్యాచ్లు మార్చి 31, ఏప్రిల్ 2న జరగనుండగా.. ఆ తర్వాతే డేవిడ్ మిల్లర్ గుజరాత్ టైటాన్స్ జట్టులో చేరగలడు. ఈ ఏడాది భారత్లో జరిగే వన్డే ప్రపంచకప్కు నేరుగా అర్హత సాధించాలంటే దక్షిణాఫ్రికా జట్టు ఈ రెండు మ్యాచ్ల్లోనూ విజయం సాధించడం చాలా ముఖ్యం.
డేవిడ్ మిల్లర్ విలేకరుల సమావేశంలో మాట్లాడుతూ తన ఫ్రాంఛైజీ తమ ప్రారంభ మ్యాచ్లలో ఆడలేకపోయినందుకు నిరాశను వ్యక్తం చేశాడు. అహ్మదాబాద్లో ఆడడం ఎప్పటి నుంచో పెద్ద విషయమని, అది కూడా చెన్నైతో జరిగే మ్యాచ్లో ఆడడం ఇంకెంతో గొప్పగా ఉంటుందని మిల్లర్ చెప్పుకొచ్చాడు. ఈ మ్యాచ్లో ఆడలేనందుకు నేను ఖచ్చితంగా కొంత నిరాశకు గురయ్యాను. అయితే ఈ వన్డే సిరీస్కు ఉన్న ప్రాముఖ్యతను దృష్టిలో ఉంచుకుని, నేను ఇందులో పాల్గొనడానికి ఒక నిర్ణయం తీసుకోవలసి వచ్చింది. దీంతో ఒక్క మ్యాచ్ మాత్రమే ఆడలేను.
ఐడెన్ మార్క్రామ్తోపాటు కీలక ఆటగాళ్ళు కూడా దూరంగానే..
ఈ ODI సిరీస్లో దక్షిణాఫ్రికా జట్టులోని ఇతర ముఖ్యమైన ఆటగాళ్లు కూడా IPL ప్రారంభ మ్యాచ్లకు దూరంగా ఉండనున్నారు. ఇందులో మొదటి పేరు సన్రైజర్స్ హైదరాబాద్ జట్టు కొత్త కెప్టెన్ అడిన్ మార్క్రామ్. ఇది కాకుండా, మార్కో యాన్సిన్, హెన్రిచ్ క్లాసెన్ పేర్లు కూడా ఉన్నాయి. నెదర్లాండ్స్తో జరిగే వన్డే సిరీస్కు ఆఫ్రికన్ జట్టును ఇంకా ప్రకటించనప్పటికీ, ఈ ఆటగాళ్ల పేర్లను చేర్చాలని భావిస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..