Team India: టీమిండియా ఊపిరి పీల్చుకో.. బుమ్రాకు సరైన జోడీ దొరికాడోచ్.. టీ20 ప్రపంచకప్‌లో ఆడితే, ట్రోఫీ పక్కా?
T20 World Cup 2024: అర్ష్‌దీప్ సింగ్, మహ్మద్ సిరాజ్, దీపక్ చాహర్, అవేష్ ఖాన్ నుంచి ఖలీల్ అహ్మద్, హర్షిత్ రాణా, మొహ్సిన్ ఖాన్, యష్ దయాల్ వరకు IPL 2024 ద్వారా బలమైన వాదనలు చేస్తున్నారు. దీంతో రాబోయే టీ20 ప్రపంచకప్ బరిలో తమ స్థానాలను నిర్థారించుకనే పనిలో పడ్డారు. అయితే ఈలిస్టులో ఓ బౌలర్ ప్రత్యర్థులను వణికిస్తున్నాడు. బుమ్రాతోపాటు బౌలింగ్ కమాండ్ చేపట్టే అవకాశం ఉందని చెబుతుంది.
ఐపీఎల్ 2024(IPL 2024) తర్వాత టీ20 ప్రపంచ కప్ జూన్‌లో అమెరికా, వెస్టిండీస్‌లో జరగనుంది. ఇందుకోసం భారత క్రికెట్ జట్టు బౌలింగ్ కమాండ్ జస్ప్రీత్ బుమ్రా చేతిలో ఉంటుంది. ప్రస్తుతానికి, బౌలింగ్ విభాగంలో అతని స్థానాన్ని నిర్ణయించారు. కానీ, అతనితో పాటు ఇతర బౌలర్లు ఎవరనేది ఇంకా నిర్ణయంకాలేదు. IPL 2024 ద్వారా, అర్ష్‌దీప్ సింగ్, మహ్మద్ సిరాజ్, దీపక్ చాహర్, అవేష్ ఖాన్, ఖలీల్ అహ్మద్, హర్షిత్ రాణా, మొహ్సిన్ ఖాన్, యశ్ దయాల్ వంటి బౌలర్లు బలమైన వాదనను ప్రదర్శించాలనుకుంటున్నారు. అయితే ఐపీఎల్ 2023 నుంచి ఇప్పటి వరకు ఇలాంటి ఆటను ప్రదర్శించిన బౌలర్ ఒకరు బుమ్రాకు మంచి భాగస్వామి అవుతారని తెలుస్తోంది. అతని రాకతో స్లాగ్ ఓవర్ల ఆందోళన ఇకపై భారత్‌కు ఉండదు. గుజరాత్ టైటాన్స్‌లో భాగమైన ఈ బౌలర్ పేరు మోహిత్ శర్మ.
మోహిత్ 2023 సీజన్ నుంచి నాలుగు సంవత్సరాల తర్వాత IPLకి తిరిగి వచ్చాడు. అతను దీనికి ముందు చివరిసారిగా 2019లో ఆడాడు. మోహిత్ తిరిగి వచ్చినప్పటి నుంచి అతను గుజరాత్ అత్యంత ముఖ్యమైన బౌలర్‌గా ఎదిగాడు. పవర్‌ప్లే తర్వాత ఓవర్లలో బౌలింగ్ చేస్తాడు. మరీ ముఖ్యంగా, చివరి 10 ఓవర్లలో అతని ఓవర్లు ప్రముఖంగా ఉంటాయి. మోహిత్ ఇక్కడ అద్భుతంగా బౌలింగ్ చేసి ప్రత్యర్థి జట్లను కట్టడి చేశాడు. ఐపీఎల్ 2023లో 14 మ్యాచుల్లో 27 వికెట్లు పడగొట్టాడు. అత్యధిక వికెట్లు తీసిన బౌలర్ల జాబితాలో మహ్మద్ షమీ (28) తర్వాత రెండో స్థానంలో ఉన్నాడు, మోహిత్ అతని కంటే మూడు మ్యాచ్‌లు తక్కువగా ఆడాడు.
IPL 2023లో మోహిత్ బౌలింగ్ ఎలా ఉంది?
వికెట్లతో పాటు 35 ఏళ్ల మోహిత్ ఎకానమీ, సగటు కూడా అద్భుతంగా ఉంది. మోహిత్ 8.17 ఎకానమీ వద్ద పరుగులు ఇచ్చాడు. అతని వికెట్ టేకింగ్ సగటు 13.17గా ఉంది. 10 లేదా అంతకంటే ఎక్కువ వికెట్లు తీసిన బౌలర్లలో మరెవ్వరి సగటు కూడా ఇంత తక్కువగాలేదు. బౌలర్ల సగటు అంటే ఒక వికెట్ కోసం వెచ్చించిన పరుగులన్నమాట. గత సీజన్‌లో మోహిత్ 9.2 స్ట్రైక్ రేట్‌తో వికెట్లు తీశాడు. అంటే తొమ్మిది బంతుల తర్వాత అతనికి ఒక వికెట్ దక్కింది.
ఐపీఎల్ 2024లో మోహిత్ మళ్లీ పాత ఫాంలో..
మోహిత్ శర్మ ఐపీఎల్ 2024లో గత సీజన్‌లో అరంగేట్రం చేశాడు. ఇప్పటి వరకు ఆడిన మూడు మ్యాచ్‌ల్లో ఆరు వికెట్లు తీశాడు. ఈ సీజన్‌లో అతని ఎకానమీ 7.75, సగటు 15.5, స్ట్రైక్ రేట్ 12గా నిలిచింది. ఇక గత రెండు ఐపీఎల్ సీజన్‌లలో ఏ భారతీయ బౌలర్ కూడా ఇంతటి ప్రదర్శనను కొనసాగించలేకపోయాడు. గత సీజన్‌లో మోహిత్ కంటే షమీ మెరుగ్గా బౌలింగ్ చేశాడు. కానీ ప్రస్తుతం అతను గాయపడ్డాడు. ఇటువంటి పరిస్థితిలో, మోహిత్ వాదన బలంగా ఉంది. బుమ్రాతో పాటు బౌలింగ్‌లో భారత్‌కు ఎలాంటి ఆందోళన ఉండదు. ఈ విధంగా 2007 తర్వాత తొలిసారిగా టీ20 ప్రపంచకప్ ట్రోఫీని భారత్ గెలుచుకునే అవకాశం ఉందని మాజీలు భావిస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
