ILC 2025: ఎవరు భయ్యా నువ్వు కాటేరమ్మ కొడుకుకి కజిన్ బ్రదర్ లా ఉన్నావ్! 13 ఫోర్లు, 9 సిక్సర్లతో దుమ్ములేపావుగా
ఇంటర్ కాంటినెంటల్ లెజెండ్స్ ఛాంపియన్షిప్లో గౌరవ్ తోమర్ తొలిసెంచరీతో సెన్సేషన్ సృష్టించాడు. 49 బంతుల్లో 124 పరుగులతో యూరో గ్లాడియేటర్స్ను చిత్తుచేసి జట్టుకు ఘనవిజయం అందించాడు. మొత్తం నాలుగు ఇన్నింగ్స్లలో 233 పరుగులు చేసి టాప్ స్కోరర్గా నిలిచాడు. టోర్నీలో అతని అద్భుత ప్రదర్శన అమెరికన్ స్ట్రైకర్స్ జట్టు విజయానికి కీలకంగా మారింది. శిఖర్ ధావన్, తిలకరత్నే దిల్షాన్, పవన్ నేగి వంటి దిగ్గజ బ్యాట్స్మెన్లు పాల్గొంటున్న ఈ టోర్నీలో, గౌరవ్ తోమర్ సెంచరీ చేసిన తొలి ఆటగాడిగా నిలవడం గర్వించదగిన విషయం.
ఇంటర్ కాంటినెంటల్ లెజెండ్స్ ఛాంపియన్షిప్ (ILC) 2025 సీజన్లో సంచలన ప్రదర్శనతో వెలుగులోకి వచ్చిన అమెరికన్ స్ట్రైకర్స్ ఓపెనర్ గౌరవ్ తోమర్, టోర్నమెంట్లో తొలి సెంచరీని నమోదు చేస్తూ గొప్ప శైలిలో ఆకట్టుకున్నాడు. యూరో గ్లాడియేటర్స్తో జరిగిన తొమ్మిదో మ్యాచ్లో 189 పరుగుల లక్ష్యాన్ని ఛేదించే క్రమంలో తోమర్ కేవలం 39 బంతుల్లోనే శతకం సాధించి అభిమానులను మంత్ర ముగ్ధులను చేశాడు. గౌరాన్షు శర్మతో ఇన్నింగ్స్ ప్రారంభించిన అతను, ఆరంభం నుండే దూకుడుగా ఆడి 11వ ఓవర్కే సెంచరీని పూర్తి చేయడం గమనార్హం. అనంతరం షోయబ్ ఖాన్తో కలిసి రెండో వికెట్కు 83 పరుగుల భాగస్వామ్యాన్ని నెలకొల్పి జట్టును గెలుపు దిశగా నడిపించాడు.
ఉత్తరప్రదేశ్కు చెందిన ఈ కుడిచేతి వాటం బ్యాట్స్మన్ గౌరవ్ తోమర్, యూరో గ్లాడియేటర్స్ బౌలర్లపై ముళ్లమాల వర్షించుతూ 49 బంతుల్లో 124 పరుగులు అజేయంగా నమోదు చేశాడు. అతని ఇన్నింగ్స్లో 13 ఫోర్లు, తొమ్మిది భారీ సిక్సర్లు ఉండటం ప్రత్యేక ఆకర్షణగా నిలిచింది. గౌరవ్ ధాటికి ప్రత్యర్థి బౌలర్లు తడబడిపోయారు. లక్ష్యాన్ని 17 ఓవర్లలోనే 168 పరుగులకు తగ్గించగలగడం అతని దూకుడైన ఆటకు నిదర్శనం. గౌరాన్షు శర్మతో 49 పరుగుల ఓపెనింగ్ భాగస్వామ్యం నెలకొల్పిన తర్వాత, షోయబ్ ఖాన్తో మరో 83 పరుగుల కీలక భాగస్వామ్యం నిర్మించాడు. తరువాత అయాన్ ఖాన్తో కలిసి మరో 35 పరుగులు జోడించి జట్టును విజయ తీరాలకు చేర్చాడు.
శిఖర్ ధావన్, తిలకరత్నే దిల్షాన్, పవన్ నేగి వంటి దిగ్గజ బ్యాట్స్మెన్లు పాల్గొంటున్న ఈ టోర్నీలో, గౌరవ్ తోమర్ సెంచరీ చేసిన తొలి ఆటగాడిగా నిలవడం గర్వించదగిన విషయం. అతని అద్భుత ఆటతీరుతో అమెరికన్ స్ట్రైకర్స్, గ్లాడియేటర్స్పై ఏడు వికెట్ల తేడాతో, ఇంకా 21 బంతులు మిగిలి ఉండగానే ఘన విజయం సాధించింది. ఇప్పటి వరకు నాలుగు ఇన్నింగ్స్ల్లో 77.67 సగటుతో, అద్భుతమైన 245.26 స్ట్రైక్రేట్తో 233 పరుగులు సాధించిన తోమర్, టోర్నమెంట్లో అత్యధిక పరుగులు చేసిన ఆటగాడిగా బ్యాటింగ్ చార్ట్లో అగ్రస్థానంలో ఉన్నాడు. రెండవ స్థానంలో ఉన్న రాఘవ్ ధావన్ కంటే దాదాపు 100 పరుగుల ఆధిక్యంలో ఉన్న అతను, ఈ సీజన్లో అత్యుత్తమ బ్యాట్స్మన్గా నిలిచే అవకాశాలను బలంగా నిలుపుకున్నాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..