ఒకే ఓవర్లో 6 సిక్సర్లు కొట్టిన విధ్వంసకర బ్యాటర్లు.. లిస్టులో టాప్ ధోని ఫ్రెండ్ కాని ఫ్రెండ్..
క్రికెట్ చరిత్రలో ఒకే ఓవర్లో 6 సిక్సర్లు కొట్టడం అరుదైన ఘనత. యువరాజ్ సింగ్, హర్షెల్ గిబ్స్ లాంటి అంతర్జాతీయ దిగ్గజాలతో పాటు సర్ గ్యారీ సోబర్స్, రవిశాస్త్రి, హజరతుల్లా జజాయ్ వంటి ఆటగాళ్లు ఈ రికార్డును సాధించారు. వారి పవర్, టైమింగ్, విధ్వంసకర బ్యాటింగ్కు ఈ ఫీట్ నిదర్శనం.
Updated on: Apr 03, 2026 | 2:00 PM
క్రికెట్ చరిత్రలో ఒకే ఓవర్లో ఆరు సిక్సర్లు కొట్టడం అనేది అత్యంత అరుదైన, ఆశ్చర్యకరమైన ఘనత. ఈ ఫీట్ బ్యాట్స్మెన్ల పవర్, టైమింగ్, ఫియర్లెస్ బ్యాటింగ్కు నిదర్శనం. ఈ అద్భుతాన్ని సాధించిన అతి కొద్దిమంది ఆటగాళ్లలో ఐదుగురు స్టార్ ప్లేయర్స్ ఉన్నారు. వారి ప్రదర్శనలు క్రికెట్ చరిత్రలో ఓ అరుదైన ఘనతలు అని చెప్పవచ్చు.
హజరతుల్లా జజాయ్:
2018 అఫ్ఘానిస్తాన్ ప్రీమియర్ లీగ్లో కాబుల్ జవాన్ తరఫున ఆడిన హజరతుల్లా జజాయ్, అబ్దుల్లా మజారి బౌలింగ్లో ఆరు సిక్సర్లు కొట్టి ఈ జాబితాలో చేరాడు. ఈ మ్యాచ్లో అతను కేవలం 12 బంతుల్లో అర్ధ సెంచరీ సాధించి, టీ20 క్రికెట్లో యువరాజ్ సింగ్, క్రిస్ గేల్ సరసన నిలిచాడు.
సర్ గ్యారీ సోబర్స్:
వెస్టిండీస్ దిగ్గజం సర్ గ్యారీ సోబర్స్ 1968లోనే ఈ అద్భుతం సృష్టించాడు. ఫస్ట్ క్లాస్ క్రికెట్లో ఆరు సిక్సర్లు కొట్టిన మొట్టమొదటి బ్యాట్స్మెన్గా రికార్డు సృష్టించాడు. నాటింగ్హామ్షైర్ కెప్టెన్గా గ్లామోర్గాన్కు చెందిన మాల్కమ్ నాష్ బౌలింగ్లో అతడు వరుసగా ఆరు సిక్సర్లు కొట్టి చరిత్ర సృష్టించాడు.
రవిశాస్త్రి:
టీమిండియా మాజీ క్రికెటర్ రవిశాస్త్రి 1984 రంజీ ట్రోఫీలో ముంబై తరఫున బరోడా బౌలర్ తిలక్ రాజ్ బౌలింగ్లో ఆరు సిక్సర్లు కొట్టి సోబర్స్ రికార్డును బద్దలుకొట్టాడు. ఫస్ట్ క్లాస్ క్రికెట్లో ఈ ఘనత సాధించిన మొదటి భారతీయుడిగా రవిశాస్త్రి నిలిచాడు.
హర్షెల్ గిబ్స్:
అంతర్జాతీయ క్రికెట్లో ఒకే ఓవర్లో ఆరు సిక్సర్లు కొట్టిన మొదటి బ్యాట్స్మెన్ దక్షిణాఫ్రికాకు చెందిన హర్షెల్ గిబ్స్. 2007 వన్డే ప్రపంచకప్లో నెదర్లాండ్స్తో జరిగిన మ్యాచ్లో డాన్ వాన్ బౌలింగ్లో అతను ఈ ఫీట్ను సాధించాడు. అప్పటివరకు దేశీయ క్రికెట్కు పరిమితమైన ఈ ఘనతను అంతర్జాతీయ వేదికపై పరిచయం చేసి బౌలర్లకు దడ పుట్టించాడు.
యువరాజ్ సింగ్:
అంతర్జాతీయ క్రికెట్లో ఈ ఘనత సాధించిన రెండో బ్యాట్స్మెన్ యువరాజ్ సింగ్. 2007లో జరిగిన మొదటి టీ20 ప్రపంచకప్లో ఇంగ్లాండ్పై స్టువర్ట్ బ్రాడ్ బౌలింగ్లో యువరాజ్ ఆరు సిక్సర్లు కొట్టాడు. ఆండ్రూ ఫ్లింటాఫ్ నోటి దురుసు కారణంగా బ్రాడ్ బలయ్యాడు. ఈ మ్యాచ్లో యువరాజ్ కేవలం 12 బంతుల్లో అర్ధ సెంచరీ చేసి అంతర్జాతీయ క్రికెట్లో ఫాస్టెస్ట్ టీ20 హాఫ్ సెంచరీ రికార్డును నెలకొల్పాడు. అది ఇప్పటికీ చెక్కుచెదరలేదు. ఈ ఐదుగురు ఆటగాళ్లు తమ అద్భుతమైన ప్రదర్శనలతో క్రికెట్ చరిత్రలో నిలిచిపోయారు. టెస్ట్ క్రికెట్లో మాత్రం ఇప్పటివరకు ఎవరూ ఈ ఘనతను సాధించలేదు.
ఇది చదవండి: టెస్ట్ క్రికెట్ను వన్డేల్లా ఆడిన మొనగాళ్లు వీరే.. లిస్టులో నెంబర్వన్ టీమిండియా కింగ్
మరిన్ని క్రికెట్ న్యూస్ కోసం ఇక్కడ క్లిక్ చేయండి..
