42 ఫోర్లు, 3 సిక్సర్లతో 401 పరుగులు.. సెల్యూట్ చేసిన వైభవ్ సూర్యవంశీ.. అసలు మ్యాటర్ ఏంటంటే?

Vaibhav Suryavanshi

Vaibhav Suryavanshi: వైభవ్ సూర్యవంశీ సీనియర్ క్రికెట్ జట్టు కెప్టెన్ శుభ్‌మన్ గిల్, కేఎల్ రాహుల్, రవీంద్ర జడేజా, వాషింగ్టన్ సుందర్‌లను యోధులుగా అభివర్ణించాడు. ఈ ఆటగాళ్లు యోధులంటూ సోషల్ మీడియాలో షేర్ చేశాడు. ఇంగ్లాండ్‌తో జరిగిన నాల్గవ టెస్ట్ మ్యాచ్‌లో ఈ బ్యాటర్స్ అద్భుతమైన ఇన్నింగ్స్ ఆడి మ్యాచ్‌ను డ్రా చేసుకున్నారు. ఈ నలుగురు ఆటగాళ్ళు మాంచెస్టర్ టెస్ట్ మ్యాచ్‌లో చాలా పరుగులు సాధించిన సంగతి తెలిసిందే. భారత జట్టు 401 పరుగులు చేసింది. ఇలాంటి ఇన్నింగ్స్ ఆడి చారిత్రాత్మక డ్రాను సాధించారు. భారత జట్టు మొదటి ఇన్నింగ్స్‌లో 311 పరుగులు వెనుకబడి ఉంది. ఆ తరువాత రెండవ ఇన్నింగ్స్‌లో సున్నా స్కోరుతో 2 వికెట్లు కోల్పోయింది. ఆ తర్వాత, గిల్, కేఎల్ తెలివిగా బ్యాటింగ్ చేసి జట్టును ఇబ్బందుల నుంచి భారత జట్టును బయట పడేశారు. మిగిలిన పనిని రవీంద్ర జడేజా, సుందర్ చేశారు.

వైభవ్ సూర్యవంశీ తన ఇన్‌స్టా స్టోరీలో కేఎల్ రాహుల్, శుభ్‌మన్ గిల్, రవీంద్ర జడేజా, శుభ్‌మన్ గిల్ పొటోలను పంచుకున్నాడు. ఇది ఈ నలుగురు బ్యాటర్స్ రెండవ ఇన్నింగ్స్‌లో చేసిన పరుగుల సంఖ్యను కూడా పేర్కొన్నాడు. మాంచెస్టర్ టెస్ట్‌లో రాహుల్ రెండవ ఇన్నింగ్స్‌లో 90 పరుగులు చేయగా, గిల్ 103 పరుగులు, రవీంద్ర జడేజా 107 అజేయంగా, వాషింగ్టన్ సుందర్ 101 అజేయంగా పరుగులు సాధించిన సంగతి తెలిసిందే.

45 సిక్సర్లు, ఫోర్లతో 401 పరుగులు..

కెప్టెన్ శుభ్‌మన్ గిల్ 238 బంతుల్లో 12 ఫోర్లు, ఒక సిక్సర్‌తో 103 పరుగులు చేయగా, కేఎల్ రాహుల్ 230 బంతుల్లో 90 పరుగులు చేశాడు. ఈ సమయంలో అతను 8 ఫోర్లతో 90 పరుగులు చేశాడు. వాషింగ్టన్ సుందర్ 206 బంతుల్లో 9 ఫోర్లు, ఒక సిక్సర్‌తో 101 పరుగులు చేసి అజేయంగా నిలిచాడు. జడేజా 185 బంతుల్లో 107 పరుగులు చేశాడు. ఈ సమయంలో అతను 13 ఫోర్లు, ఒక సిక్సర్‌తో అజేయంగా నిలిచాడు.

మాంచెస్టర్ టెస్ట్ చివరి రోజున చివరి సెషన్‌లో నాటకీయ మలుపు..

మ్యాచ్ చివరి గంట ముందు డ్రాకు అంగీకరించాలన్న ఇంగ్లాండ్ కెప్టెన్ బెన్ స్టోక్స్ ప్రతిపాదనను భారత బ్యాట్స్‌మెన్ రవీంద్ర జడేజా, వాషింగ్టన్ సుందర్ తిరస్కరించడంతో నాల్గవ టెస్ట్ మ్యాచ్ నాటకీయ మలుపు తిరిగింది. టెస్ట్ మ్యాచ్‌లో ఒక నిబంధన ఉంది, ఇద్దరు కెప్టెన్లు మ్యాచ్ ఫలితం అసాధ్యమని భావిస్తే, వారు కరచాలనం చేయడం ద్వారా డ్రాకు అంగీకరించవచ్చు.

జడేజా, సుందర్ వరుసగా 89, 80 పరుగులతో బ్యాటింగ్ చేస్తున్నప్పుడు స్టోక్స్ డ్రా ప్రతిపాదనను తెరపైకి తీసుకొచ్చాడు. అయితే, జడేజా ఈ ఆఫర్‌ను తిరస్కరించాడు. ఆ తర్వాత ఇంగ్లాండ్ కెప్టెన్ చాలా కోపంగా కనిపించాడు. ఈ ఇద్దరు బ్యాటర్స్ సెంచరీకి దగ్గరగా ఉండటంతో బ్యాటింగ్ కొనసాగించాలని నిర్ణయించుకోవడంతో ఇంగ్లండ్ కెప్టెన్ కోపంతో ఊగిపోయాడు.