IPL 2025: ఫైనల్ చేరడం పక్కా.. ట్రోఫీ మాత్రం ఆశించొద్దు.. ఫ్యాన్స్కు షాకిస్తోన్న ఆర్సీబీ
2008 సంవత్సరంలో ప్రారంభమైన ఐపీఎల్.. ప్రస్తుతం 18వ ఎడిషన్ తుది స్థాయికి చేరుకుంది. అంటే IPL 2025 సీజన్ చివరి దశకు చేరుకుంది. ఈ సిరీస్లో ఇంకా నాలుగు మ్యాచ్లు మాత్రమే మిగిలి ఉన్నాయి. దీంతో కొత్త జట్టు ఐపీఎల్ ఛాంపియన్గా నిలుస్తుందా లేదా పాత జట్టే ట్రోఫీని ఎత్తుతుందా అనేది తేలనుంది.
రాయల్ ఛాలెంజర్స్ బెంగళూరు (ఆర్సీబీ) జట్టు ఐపీఎల్ 2025 ప్లేఆఫ్స్కు దూసుకెళ్లింది. ఈ సీజన్లో అద్భుతమైన ప్రదర్శనతో పాయింట్ల పట్టికలో టాప్ 2లో నిలిచి, క్వాలిఫైయర్ 1 ఆడేందుకు అర్హత సాధించింది. ఆర్సీబీ చరిత్రను పరిశీలిస్తే, ప్రతిసారి పాయింట్ల పట్టికలో టాప్ 2లో నిలిచిన సందర్భంలో ఫైనల్కు చేరుకుంది. ఇది ఆర్సీబీ అభిమానుల్లో కొత్త ఆశలను రేకెత్తిస్తోంది.
Rcb Ipl 2025 3
ఆర్సీబీ ఐపీఎల్ చరిత్రలో మూడుసార్లు (2009, 2011, 2016) ఫైనల్కు చేరుకుంది. ఈ మూడు సందర్భాల్లోనూ లీగ్ దశలో పాయింట్ల పట్టికలో టాప్ 2లో నిలిచింది.
2009 సీజన్: ఆర్సీబీ లీగ్ దశలో రెండవ స్థానంలో నిలిచి, డెక్కన్ ఛార్జర్స్ (అప్పటి హైదరాబాద్ ఫ్రాంచైజీ)తో ఫైనల్లో తలపడింది.
2011 సీజన్: ఆర్సీబీ లీగ్ దశలో అగ్రస్థానంలో నిలిచి, చెన్నై సూపర్ కింగ్స్ (CSK)తో ఫైనల్లో ఆడింది.
2016 సీజన్: ఆర్సీబీ లీగ్ దశలో రెండవ స్థానంలో నిలిచి, సన్రైజర్స్ హైదరాబాద్ (SRH)తో ఫైనల్లో పోటీపడింది.
ఈ మూడు సందర్భాల్లోనూ ఆర్సీబీ టైటిల్ గెలవలేకపోయినా, ఫైనల్కు చేరుకుంది. ఈసారి కూడా టాప్ 2లో నిలవడంతో, ఆర్సీబీ ఫైనల్కు చేరుకుంటుందనే అంచనాలు బలంగా ఉన్నాయి.
ఆర్సీబీ ఇప్పుడు పంజాబ్ కింగ్స్ (PBKS)తో క్వాలిఫైయర్ 1 మ్యాచ్ ఆడనుంది. ఈ మ్యాచ్లో గెలిస్తే ఆర్సీబీ నేరుగా ఫైనల్కు చేరుకుంటుంది. ఒకవేళ ఓడినా, క్వాలిఫైయర్ 2లో ఎలిమినేటర్ విజేతతో మరో అవకాశం లభిస్తుంది.
ఆర్సీబీ అభిమానులు ఎన్నో ఏళ్లుగా ఎదురుచూస్తున్న ట్రోఫీ ఈసారి దక్కుతుందేమో చూడాలి. టాప్ 2లో నిలిస్తే ఫైనల్కు చేరుకునే ఆర్సీబీ చరిత్ర ఈసారి టైటిల్ గెలిచి కొత్త చరిత్ర సృష్టిస్తుందో లేదో తెలియాలంటే మరికొన్ని రోజులు వేచి చూడాలి.