MI Vs SRH: హార్దిక్ బ్లండర్..! బౌలింగ్ కాదు.. ముంబై ఓటమికి అసలు కారణం ఇదే..
సన్రైజర్స్ హైదరాబాద్తో జరిగిన మ్యాచ్లో ముంబై ఇండియన్స్ ఓటమికి హార్దిక్ పాండ్యా చేసిన 'డీఆర్ఎస్' తప్పిదం కూడా ఒక కారణమా? పరుగుల వరద పారిన ఈ మ్యాచ్లో ముంబై ఎక్కడ విఫలమైందో ఈ కథనంలో చూడండి. ఆ వివరాలు ఇలా ఉన్నాయి.
Updated on: Apr 30, 2026 | 1:47 PM
ఐపీఎల్ అంటేనే ఉత్కంఠకు మారుపేరు. ముఖ్యంగా ముంబై, హైదరాబాద్ జట్ల మధ్య మ్యాచ్ ఉందంటే ఆ కిక్కే వేరు. అయితే, తాజాగా వాంఖడే వేదికగా జరిగిన మ్యాచ్ చూశాక ఒక క్రికెట్ అభిమానిగా నాకు అనిపించింది ఏంటంటే.. ఒక్కోసారి చిన్న పొరపాట్లు ఎంతటి భారీ మూల్యాన్ని చెల్లించుకునేలా చేస్తాయో ఈ మ్యాచ్ నిరూపించింది. ముంబై ఇండియన్స్ 243 పరుగులు చేసినా మ్యాచ్ ఓడిపోవడాన్ని ఎవరూ జీర్ణించుకోలేకపోతున్నారు. ముంబై ఓటమికి ప్రధాన కారణం బౌలింగ్ వైఫల్యం అని అందరూ అనుకుంటున్నారు. కానీ, కెప్టెన్ హార్దిక్ పాండ్యా చేసిన ఒక డీఆర్ఎస్ తప్పిదం ఇప్పుడు చర్చనీయాంశమైంది.
ట్రావిస్ హెడ్ విధ్వంసకరంగా ఆడుతున్న సమయంలో, మూడో ఓవర్లో ఒక కీలకమైన క్యాచ్ అవుట్ అప్పీల్పై హార్దిక్ రివ్యూ తీసుకోలేదు. రీప్లేలో అది క్లియర్ అవుట్ అని తేలడంతో ముంబై అభిమానులు షాక్కు గురయ్యారు. ఆ సమయంలో హెడ్ అవుట్ అయ్యుంటే, మ్యాచ్ ఫలితం మరోలా ఉండేదేమో! కేవలం డీఆర్ఎస్ మాత్రమే కాదు, ఫీల్డింగ్లో క్యాచ్లు వదిలేయడం కూడా ముంబై కొంపముంచింది. ట్రావిస్ హెడ్ 76 పరుగులు చేసి సన్రైజర్స్కు అదిరిపోయే ఆరంభాన్ని ఇచ్చాడు. అతనికి తోడుగా హెన్రిచ్ క్లాసెన్ కేవలం 30 బంతుల్లో 65 పరుగులు చేసి ముంబై బౌలర్లను ఊచకోత కోశాడు. జస్ప్రీత్ బుమ్రా వంటి స్టార్ బౌలర్ కూడా ఈ మ్యాచ్లో 54 పరుగులు సమర్పించుకున్నారంటే సన్రైజర్స్ బ్యాటర్లు ఏ రేంజ్లో చెలరేగిపోయారో అర్థం చేసుకోవచ్చు. మ్యాచ్ ముగిశాక హార్దిక్ పాండ్యా మాట్లాడుతూ.. తాము క్యాచ్లు వదిలేయడం వల్ల మూమెంటం కోల్పోయామని, బౌలింగ్లో ప్లాన్స్ సరిగ్గా అమలు కాలేదని ఒప్పుకున్నారు. అలాగే వాంఖడే స్టేడియంలోని ప్రేక్షకులు ముంబై ఆటగాళ్లకు కాకుండా ప్రత్యర్థి జట్టుకు మద్దతు తెలపడం తనను బాధించిందని ఆయన ఆవేదన వ్యక్తం చేశారు. ఏది ఏమైనా, బ్యాటింగ్లో రాణించినా బౌలింగ్, ఫీల్డింగ్లో మెరుగుపడకపోతే ముంబైకి ప్లే ఆఫ్స్ దారి చాలా కష్టమవుతుంది.
Also Read: నమ్మకం పోయింది.! SRH బ్యాటర్లు కొడుతుంటే.. మా ఫ్యాన్స్ కూడా వాళ్లకే జేజేలు కొడుతున్నారు..
🚨 AKASH AMBANI ANGRY ON MI TEAM FIELDING & BOWLING PERFORMANCE 🚨
– Travis Head edged a delivery, but the keeper Ryan Rickelton didn’t realize it, and none of the players noticed either. Later, when the big screen in the stadium showed that the ball had indeed touched his bat,… pic.twitter.com/QVJX7J7vSd
— lndian Sports Netwrk (@IS_Netwrk29) April 29, 2026
