Cameron Green IPL Auction 2026: ఐపీఎల్ వేలం రికార్డులు బ్రేక్ చేసిన గ్రీన్.. అత్యంత ఖరీదైన ప్లేయర్గా రికార్డ్..
Cameron Green IPL 2025 Auction Price: ఐపీఎల్ వేలంలో కోల్కతా నైట్ రైడర్స్ (KKR) యాజమాన్యం తమ పట్టుదల ఏంటో మరోసారి నిరూపించుకుంది. ఆస్ట్రేలియా స్టార్ ఆల్ రౌండర్ కామెరూన్ గ్రీన్ను దక్కించుకోవడానికి ఫ్రాంచైజీలు ఎగబడగా, చివరికి రికార్డు స్థాయి ధర వెచ్చించి KKR అతన్ని సొంతం చేసుకుంది.
Cameron Green IPL Auction 2026: ఐపీఎల్ 2026 మెగా వేలానికి రంగం సిద్ధమైంది. అబుదాబి వేదికగా జరుగుతున్న ఈ వేలంలో ఆస్ట్రేలియా స్టార్ ఆల్ రౌండర్ కామెరాన్ గ్రీన్ (Cameron Green) హాట్ టాపిక్గా మారాడు. వేలానికి ముందే గ్రీన్ పేరు మార్మోగిపోతుండటం, అతని కోసం ఫ్రాంచైజీలు ఎగబడుతుండటం క్రికెట్ వర్గాల్లో చర్చనీయాంశమైంది.
ఐపీఎల్ వేలంలో కోల్కతా నైట్ రైడర్స్ (KKR) యాజమాన్యం తమ పట్టుదల ఏంటో మరోసారి నిరూపించుకుంది. ఆస్ట్రేలియా స్టార్ ఆల్ రౌండర్ కామెరూన్ గ్రీన్ను దక్కించుకోవడానికి ఫ్రాంచైజీలు ఎగబడగా, చివరికి రికార్డు స్థాయి ధర వెచ్చించి KKR అతన్ని సొంతం చేసుకుంది.
1. కళ్లు చెదిరే ధర..
అత్యంత ఉత్కంఠభరితంగా సాగిన వేలంలో, కామెరూన్ గ్రీన్ ఏకంగా రూ. 25.20 కోట్లకు అమ్ముడుపోయాడు. ఇది ఐపీఎల్ చరిత్రలోనే అత్యంత ఖరీదైన కొనుగోళ్లలో ఒకటిగా నిలిచింది. అతని కోసం KKR ఇంత భారీ మొత్తం వెచ్చించడం అందరినీ ఆశ్చర్యపరిచింది.
2. హోరాహోరీగా సాగిన బిడ్డింగ్ యుద్ధం..
గ్రీన్ కోసం వేలం పాట ఓ యుద్ధంలా సాగింది. ముంబై ఇండియన్స్ (MI) రూ. 2 కోట్లతో బిడ్డింగ్ను ప్రారంభించింది.
RR vs KKR: ఆ తర్వాత రాజస్థాన్ రాయల్స్ (RR) రేసులోకి వచ్చింది. RR, KKR మధ్య పోటీ తీవ్రంగా సాగింది. అయితే, తమ దగ్గర ఉన్న పర్సు (డబ్బు) అయిపోవడంతో రూ. 13.60 కోట్ల వద్ద రాజస్థాన్ రేసు నుంచి తప్పుకుంది.
CSK ఎంట్రీ: ఇక్కడే అసలైన ట్విస్ట్ చోటుచేసుకుంది. చెన్నై సూపర్ కింగ్స్ (CSK) రూ. 13.80 కోట్లతో అనూహ్యంగా పోటీలోకి దిగింది.
CSK, KKR మధ్య నువ్వా-నేనా అన్నట్లు పోటీ సాగింది. ధర రూ. 19 కోట్లు దాటినప్పుడు KKR కాసేపు ఆలోచించినా, వెనక్కి తగ్గలేదు. చివరికి రూ. 25.20 కోట్ల భారీ ధరకు గ్రీన్ను KKR దక్కించుకుంది.
3. KKR ఎందుకింత ఆసక్తి చూపింది?
ఆల్ రౌండర్ కొరత: వెంకటేష్ అయ్యర్ వంటి ఆటగాళ్లను వదులుకున్న తర్వాత, KKRకు ఒక నాణ్యమైన పేస్ బౌలింగ్ ఆల్ రౌండర్ అవసరం ఏర్పడింది.
ఈడెన్ గార్డెన్స్ పిచ్: కోల్కతాలోని ఈడెన్ గార్డెన్స్ పిచ్ బౌన్స్, పేస్కు అనుకూలిస్తుంది. గ్రీన్ హైట్, బౌలింగ్ శైలి అక్కడ చాలా ప్రమాదకరంగా మారుతుంది.
భారీ హిట్టింగ్: మిడిల్ ఆర్డర్లో గ్రీన్ భారీ షాట్లు ఆడగలడు, ఇది KKR బ్యాటింగ్ లైనప్కు అదనపు బలాన్ని ఇస్తుంది.
4. గ్రీన్ ఐపీఎల్ ట్రాక్ రికార్డ్
గతంలో ముంబై ఇండియన్స్ మరియు ఆర్సీబీ (RCB) జట్లకు ఆడిన గ్రీన్, అద్భుతమైన సెంచరీలు, మ్యాచ్ విన్నింగ్ ప్రదర్శనలతో తన సత్తా చాటాడు. ఇప్పుడు పర్పుల్ జెర్సీలో (KKR) అతను ఎలాంటి విధ్వంసం సృష్టిస్తాడో చూడాలి. రూ. 25.20 కోట్లు అనేది ఒక భారీ మొత్తం. ఈ ధర న్యాయమని నిరూపించుకోవాలంటే కామెరూన్ గ్రీన్ రాబోయే సీజన్లో బ్యాట్, బాల్తో అద్భుతాలు చేయాల్సిందే.
మాక్ వేలంలోనే రూ. 30 కోట్ల ధర..
అసలైన వేలానికి ముందు స్టార్ స్పోర్ట్స్ నిర్వహించిన ‘మాక్ ఆక్షన్’ (Mock Auction)లో గ్రీన్ రికార్డు సృష్టించాడు. ఈ నకిలీ వేలంలో కోల్కతా నైట్ రైడర్స్ (KKR) గ్రీన్ను ఏకంగా రూ. 30.50 కోట్లకు కొనుగోలు చేయడం సంచలనంగా మారింది. కేకేఆర్ మాజీ ఆటగాడు రాబిన్ ఊతప్ప, చెన్నై మాజీ ప్లేయర్ సురేశ్ రైనా మధ్య గ్రీన్ కోసం హోరాహోరీ పోరు నడిచింది. చివరికి ఊతప్ప రికార్డు ధరకు గ్రీన్ను సొంతం చేసుకున్నారు. ఇది కేవలం మాక్ వేలమే అయినప్పటికీ, అసలైన వేలంలో గ్రీన్కు ఎంత డిమాండ్ ఉండబోతోందో ఇది స్పష్టం చేస్తోంది.
బౌలింగ్పై క్లారిటీతో పెరిగిన డిమాండ్..
మొదట్లో గ్రీన్ కేవలం బ్యాటర్గానే అందుబాటులో ఉంటాడనే ప్రచారం జరిగింది. దీనివల్ల కొన్ని ఫ్రాంచైజీలు వెనకడుగు వేసే అవకాశం కనిపించింది. కానీ, గ్రీన్ స్వయంగా స్పందిస్తూ.. తాను బౌలింగ్ చేయడానికి పూర్తి ఫిట్గా ఉన్నానని, తన మేనేజర్ పొరపాటున ‘ప్యూర్ బ్యాటర్’గా నమోదు చేశారని క్లారిటీ ఇచ్చాడు. అతను బౌలింగ్ కూడా చేస్తాడని తెలియడంతో అతని విలువ అమాంతం పెరిగింది.
ఐపీఎల్ కెరీర్ ప్రస్థానం..
2023 (ముంబై ఇండియన్స్): గ్రీన్ ఐపీఎల్ ప్రయాణం ఘనంగా మొదలైంది. ముంబై ఇండియన్స్ అతన్ని రూ. 17.5 కోట్లకు కొనుగోలు చేసింది. ఆ సీజన్లో 16 మ్యాచ్ల్లో 452 పరుగులు చేయడమే కాకుండా, సన్రైజర్స్ హైదరాబాద్పై అద్భుతమైన సెంచరీ (100*) సాధించాడు. బౌలింగ్లోనూ 6 వికెట్లు తీశాడు.
2024 (రాయల్ ఛాలెంజర్స్ బెంగళూరు): ముంబై నుంచి ట్రేడింగ్ ద్వారా గ్రీన్ ఆర్సీబీ (RCB) గూటికి చేరాడు. అక్కడ 13 మ్యాచ్ల్లో 255 పరుగులు, 10 వికెట్లు తీసి పర్వాలేదనిపించాడు.
2025 (దూరం): వెన్ను గాయానికి శస్త్రచికిత్స (Back Surgery) చేయించుకోవడం వల్ల గ్రీన్ ఐపీఎల్ 2025 సీజన్ మొత్తానికి దూరమయ్యాడు. దీంతో ఆర్సీబీ అతన్ని విడుదల చేసింది.
మరిన్ని క్రీడా వార్తల కోసం ఇక్కడ క్లిక్ చేయండి..