Team India: ఇషాన్ కిషన్ ఎఫెక్ట్.. యువ ఆటగాళ్లకు బీసీసీఐ షాక్.. కొత్త రూల్స్ పాటించకుంటే టీమిండియాలోకి నో ఎంట్రీ

Ishan Kishan

Team India: టెస్ట్ క్రికెట్. బ్యాట్స్‌మెన్, బౌలర్ల మధ్య జరిగే పోటీ. అత్యంత క్లిష్టమైన ఫార్మాట్. 5 రోజుల పాటు జరిగే మ్యాచ్ ఇది. ప్రతి సెషన్‌లో ఆట మారుతుంది. కానీ, కాలక్రమేణా ఆట మరింత వేగంగా మారింది. ఇప్పుడు టెస్టు క్రికెట్ కంటే టీ20 క్రికెట్ వైపు ఆటగాళ్లు ఎక్కువగా ఆకర్షితులవుతున్నారు. కారణం స్పష్టంగా ఉంది. అందులో డబ్బు ఎక్కువగా ఆర్జింజడమే. అలాగే, ప్రేక్షకులు ఫోర్లు, సిక్స్‌లకే ఎక్కువ మక్కువ చూపిస్తున్నారు. T20 లీగ్‌లు ప్రపంచవ్యాప్తంగా నిర్వహిస్తుంటారు. ఇందులో ఆడేందుకు ఎక్కువ మంది ఆటగాళ్లు ఆసక్తి చూపిస్తుంటారు. కానీ ఇండియాలో మాత్రం సీన్ కాస్త వ్యతిరేకం. ఇక్కడి ఆటగాళ్లు ఐపీఎల్‌లో తప్ప మరే ఇతర లీగ్‌లో ఆడేందుకు అనుమతి లేదు. కానీ, ఇప్పటికీ చాలా మంది భారతీయ ఆటగాళ్లు టెస్ట్ లేదా మరే ఇతర ఫార్మాట్ కంటే ఐపీఎల్‌కు ఎక్కువ ఆకర్షితులవుతున్నారు. ఆటగాళ్లు నెలరోజుల ముందే అన్నీ మర్చిపోయి ఐపీఎల్‌కు సిద్ధమవుతుంటారు. అయితే, ఇప్పుడు ఈ ఆటగాళ్లను నియంత్రించేందుకు బీసీసీఐ కొత్త ఉత్తర్వులు జారీ చేసింది.

చాలా మంది ఆటగాళ్లపై బీసీసీఐ అసంతృప్తి..

బీసీసీఐ ఆటగాళ్లు దేశవాళీ క్రికెట్‌కు దూరమై నెలరోజుల ముందే ఐపీఎల్‌కు సన్నద్ధం కావడం పట్ల సంతృప్తిగా లేరని ఒక నివేదిక పేర్కొంది. టైమ్స్ ఆఫ్ ఇండియాలోని ఒక నివేదిక ప్రకారం, ఆటగాళ్లు తప్పనిసరిగా రంజీ ట్రోఫీ ఆడాలని BCCI మూలం తెలిపింది. రెడ్ బాల్ క్రికెట్, ముఖ్యంగా రంజీ ట్రోఫీ పట్ల టీమిండియాలోని కొందరు ఆటగాళ్ల వైఖరి పట్ల బీసీసీఐ అసంతృప్తిగా ఉన్నట్లు సమాచారం. మరికొద్ది రోజుల్లో, రంజీ ట్రోఫీలో తమ రాష్ట్ర జట్టుకు ఆడాలని బీసీసీఐ ఆటగాళ్లందరికీ తెలియజేసింది. NCAలో అన్‌ఫిట్, కోలుకుంటున్న ఆటగాళ్లకు మాత్రమే మినహాయింపు ఉంటుంది. జనవరి నుంచి ఇప్పటికే IPL మోడ్‌లో ఉన్న కొంతమంది ఆటగాళ్లతో బోర్డు సంతోషంగా లేదు.

ఇషాన్ కిషన్‌ని కూడా టార్గెట్ చేశారా?

ఇటీవల ఇషాన్ కిషన్ రంజీల్లో ఆడకపోవడంపై తీవ్ర దుమారం రేగింది. దక్షిణాఫ్రికా పర్యటన మధ్యలో విశ్రాంతి తీసుకున్న ఇషాన్ జట్టుకు దూరమయ్యాడు. అప్పటి నుంచి తిరిగి రాలేకపోయాడు. కోచ్ రాహుల్ ద్రవిడ్ ప్రతిసారీ ఇదే మాట చెబుతూ ఉంటే ఇషాన్ తిరిగి రావాలంటే ముందుగా రంజీ ఆడాలి. అప్పటి నుంచి జార్ఖండ్ జట్టు చాలా రంజీ మ్యాచ్‌ల్లో పాల్గొంది. కానీ, ఇషాన్ ఒక్కసారి కూడా కనిపించలేదు. హార్దిక్ పాండ్యా కూడా ఇదే వైఖరితో ఉన్నాడు. గాయం కారణంగా హార్దిక్ 2023 ప్రపంచకప్‌నకు దూరమయ్యాడు. అప్పటి నుంచి అతను కోలుకున్నట్లు చాలా వీడియోలు వెలువడ్డాయి. అయితే, అతను తిరిగి వచ్చేది ఐపీఎల్‌ లీగ్‌లోనే అనే వార్తలు వస్తున్నాయి. హార్దిక్ కొన్నాళ్లుగా టెస్టు క్రికెట్ ఆడలేదు.

కానీ, ఇప్పుడు BCCI అల్టిమేటం జారీ చేసే మూడ్‌లో ఉంది. దేశీయంగా ఆడకుండా జట్టులోకి తిరిగి రావడానికి అనుమతించమని ఆటగాళ్లకు స్పష్టమైన సందేహాలు ఇచ్చేందుకు సిద్ధమైంది. ఇలాంటి పరిస్థితుల్లో ఐపీఎల్‌పై ఎక్కువగా దృష్టి సారించే యువ ఆటగాళ్లకు సమస్యలు రానున్నాయని తెలుస్తోంది. ఇదే జరిగితే యువ ఆటగాళ్లకు సమస్యలు పెరిగే అవకాశం ఉంది.

మరిన్ని క్రీడా వార్తల కోసం ఇక్కడ క్లిక్ చేయండి…