IND vs BAN: భారత్ వీక్నెస్ మా గుప్పిట్లో.. 6 ఏళ్ల తర్వాత ఓటమి రుచి చూపిస్తాం: బంగ్లా కోచ్
India vs Bangladesh: ఆసియా కప్లో ఇప్పటికే శ్రీలంకపై విజయం సాధించి మంచి ఊపుమీదున్న బంగ్లాదేశ్, భారత్ గెలిచి ఫైనల్ బెర్త్ ఖాయం చేసుకోవాలని చూస్తోంది. అయితే, టీ20 ఫార్మాట్లో భారత్, బంగ్లాదేశ్ రికార్డు అంత ఆశాజనకంగా లేదు. ఇరు జట్ల మధ్య జరిగిన 17 టీ20 మ్యాచ్ల్లో భారత్ 16 మ్యాచ్లను గెలిచింది. కానీ, గత రికార్డులు కేవలం గణాంకాలు మాత్రమేనని, మైదానంలో ఆటతీరు ముఖ్యం అని బంగ్లాదేశ్ నమ్ముతోంది.
India vs Bangladesh: ప్రస్తుతం ఆసియా కప్ 2025లో జరుగుతున్న సూపర్ 4 మ్యాచ్లో భారత్ను ఢీకొనేందుకు బంగ్లాదేశ్ సిద్ధమవుతోంది. ఈ కీలక పోరుకు ముందు బంగ్లాదేశ్ హెడ్ కోచ్ ఫిలిప్ సిమ్మన్స్ ఆసక్తికర వ్యాఖ్యలు చేశారు. భారత జట్టు ఓడించడం అసాధ్యం కాదని, మ్యాచ్ రోజు ఎవరు బాగా ఆడతారన్న దానిపైనే ఫలితం ఆధారపడి ఉంటుందని ఆయన అన్నారు.
“ఒక్కరోజు ఆటలోనే విజేత తేలుతుంది”
టీ20 క్రికెట్ ప్రపంచ ఛాంపియన్లుగా ఉన్న భారత జట్టుతో మ్యాచ్కు ముందు సిమ్మన్స్ విలేకరుల సమావేశంలో మాట్లాడారు. ఈ సందర్భంగా ఆయన మాట్లాడుతూ, “ఏ జట్టుకైనా భారత జట్టును ఓడించే సత్తా ఉంది. మ్యాచ్ రోజు ఎవరు బాగా ఆడతారన్నది ముఖ్యం. గతంలో భారత్ ఏం చేసిందనేది కాదు, బుధవారం ఆ మూడున్నర గంటల సమయంలో ఏం జరుగుతుందనేది ముఖ్యం. మా బృందం అత్యుత్తమంగా ఆడేందుకు ప్రయత్నిస్తుంది. భారత్ బలహీనతలను కనుగొని విజయం సాధించేందుకు చూస్తాం” అని అన్నారు.
భారత జట్టుతో మ్యాచ్కు ముందు ఉన్న ఉత్సాహాన్ని తాము పూర్తిగా ఆస్వాదిస్తామని, ఆటగాళ్లంతా ఆ ఒత్తిడిని అధిగమించి మ్యాచ్ను ఆస్వాదిస్తారని సిమ్మన్స్ పేర్కొన్నారు. “ప్రపంచంలోనే నంబర్ 1 టీ20 జట్టు అయిన భారత జట్టుతో మ్యాచ్ అంటే ఉత్సాహం సహజం. మేం ఈ ఉత్సాహాన్ని అందిపుచ్చుకొని, మ్యాచ్ను ఆస్వాదిస్తాం. అదే మా విధానం, అది మాకు అత్యుత్తమ ప్రదర్శన ఇవ్వడానికి సహాయపడుతుంది” అని తెలిపారు.
దుబాయ్ పిచ్పై సానుకూలంగా..
దుబాయ్ ఇంటర్నేషనల్ క్రికెట్ స్టేడియం పిచ్ బ్యాటింగ్కు అనుకూలంగా ఉందని సిమ్మన్స్ చెప్పారు. టాస్ పెద్దగా ప్రభావం చూపదని ఆయన అన్నారు. బంగ్లాదేశ్ జట్టులో సీనియర్ ఆటగాడైన ముస్తాఫిజుర్ రెహమాన్ జూనియర్లకు మార్గదర్శనం చేస్తూ, జట్టులో ముఖ్యమైన పాత్ర పోషిస్తున్నాడని ఆయన ప్రశంసించారు.
గెలుపే లక్ష్యంగా బంగ్లాదేశ్..
ఆసియా కప్లో ఇప్పటికే శ్రీలంకపై విజయం సాధించి మంచి ఊపుమీదున్న బంగ్లాదేశ్, భారత్ గెలిచి ఫైనల్ బెర్త్ ఖాయం చేసుకోవాలని చూస్తోంది. అయితే, టీ20 ఫార్మాట్లో భారత్, బంగ్లాదేశ్ రికార్డు అంత ఆశాజనకంగా లేదు. ఇరు జట్ల మధ్య జరిగిన 17 టీ20 మ్యాచ్ల్లో భారత్ 16 మ్యాచ్లను గెలిచింది. కానీ, గత రికార్డులు కేవలం గణాంకాలు మాత్రమేనని, మైదానంలో ఆటతీరు ముఖ్యం అని బంగ్లాదేశ్ నమ్ముతోంది. ఈ మ్యాచ్లో ఆ జట్టు ఎలాంటి వ్యూహాలు అమలు చేస్తుందన్నది ఆసక్తికరంగా మారింది.
మరిన్ని క్రికెట్ వార్తల కోసం ఇక్కడ క్లిక్ చేయండి..