Andre Russell Net Worth: కోట్ల ఆస్తి, అమెరికన్ మోడల్ తో పెళ్లి.. లైఫంటే నీదే బాసూ
వెస్టిండీస్ ఆల్రౌండర్ ఆండ్రీ రస్సెల్ అంతర్జాతీయ క్రికెట్ నుంచి రిటైర్మెంట్ ప్రకటించారు. ఆస్ట్రేలియాతో జరిగే టీ20 సిరీస్లో చివరి మ్యాచ్ తర్వాత ఆయన అంతర్జాతీయ క్రికెట్కు వీడ్కోలు పలుకుతారు. ఐపీఎల్, ఇతర టీ20 లీగ్ల ద్వారా కోట్లాది రూపాయలు సంపాదించే రస్సెల్ నికర సంపద దాదాపు రూ.80 కోట్లు. ఆయన భార్య జాసిమ్ లోరా ఒక అమెరికన్ మోడల్.
Andre Russell Net Worth: వెస్టిండీస్ క్రికెట్ జట్టు ఆల్రౌండర్ ప్లేయర్ ఆండ్రీ రస్సెల్ అంతర్జాతీయ క్రికెట్ నుంచి రిటైర్మెంట్ ప్రకటించారు. ప్రస్తుతం ఆస్ట్రేలియాతో జరుగుతున్న టీ20 సిరీస్లో భాగంగా, రెండో టీ20 మ్యాచ్ తర్వాత ఆయన అంతర్జాతీయ క్రికెట్కు వీడ్కోలు పలకనున్నారు. రస్సెల్ ఒక గ్రామరస్ లైఫ్ గడుపుతారు. టీ20 లీగ్ల ద్వారానే కోట్లాది రూపాయలు సంపాదిస్తారు. ఆయన భార్య జాసిమ్ లోరా ఒక అమెరికన్ మోడల్.
ఆండ్రీ రస్సెల్ జమైకాలోని కింగ్స్టన్లో జన్మించారు. జూలై 23న కింగ్స్టన్లోనే ఆయన తన చివరి అంతర్జాతీయ మ్యాచ్ ఆడనున్నారు. 37 ఏళ్ల రస్సెల్ నవంబర్ 15, 2010న తన అంతర్జాతీయ కెరీర్ను టెస్ట్ మ్యాచ్తో ప్రారంభించారు. అదే ఆయన చివరి టెస్ట్ మ్యాచ్ కూడా అయ్యింది. 2011లో ఆయన వన్డే, టీ20లలో అడుగుపెట్టారు. రస్సెల్ 56 వన్డే మ్యాచ్లలో 1034 పరుగులు చేసి, 70 వికెట్లు తీశారు. అలాగే, 84 టీ20 మ్యాచ్లలో 1078 పరుగులు చేసి, 61 వికెట్లు పడగొట్టారు.
ఆండ్రీ రస్సెల్, పూర్తి పేరు ఆండ్రీ డ్వైన్ రస్సెల్, క్రికెట్ ప్రపంచంలో డ్రే రస్ గా సుపరిచితుడు. అతను ఏప్రిల్ 29, 1988న జన్మించాడు, ప్రస్తుతం అతని వయస్సు 37 సంవత్సరాలు. మతం పరంగా క్రిస్టియన్ అయిన రస్సెల్, జమైకా దేశానికి చెందిన క్రికెటర్. ఆండ్రీ రస్సెల్ భార్య పేరు జాస్సిమ్ లోరా. ఆమె వృత్తిరీత్యా అమెరికన్ మోడల్, సోషల్ మీడియా ఇన్ఫ్లుయెన్సర్. జాస్సిమ్ సోషల్ మీడియాలో చాలా యాక్టివ్గా ఉంటుంది, ప్రస్తుతం ఆమె ఇన్స్టాగ్రామ్లో 3.5 లక్షల మందికి పైగా ఫాలోవర్లు ఉన్నారు. ఆమె తరచుగా రస్సెల్ను, అతను ఆడే కోల్కతా నైట్ రైడర్స్ జట్టును ఉత్సాహపరచడానికి క్రికెట్ మ్యాచ్లకు హాజరవుతుంది. 2021 ఐపీఎల్ ఫైనల్ చూడటానికి ఆమె దుబాయ్కి వెళ్లారు, ఆ మ్యాచ్లో కేకేఆర్ సీఎస్కే చేతిలో ఓడిపోయింది.
రస్సెల్ ఐపీఎల్లో కోల్కతా నైట్ రైడర్స్ తరపున ఆడటంతో పాటు ప్రపంచవ్యాప్తంగా అనేక టీ20 లీగ్లలో ఆడారు. ఇది ఆయనకు భారీ ఆదాయ వనరుగా మారింది. ఐపీఎల్ 2025 కోసం కేకేఆర్ రస్సెల్ను రూ.12 కోట్లకు రిటైన్ చేసుకుంది. ఐపీఎల్ తో పాటు, ఆయన అబుదాబి నైట్ రైడర్స్, లాస్ ఏంజిల్స్ నైట్ రైడర్స్, కొలంబో కింగ్స్, మెల్బోర్న్ రెనెగేడ్స్, ఇస్లామాబాద్ యునైటెడ్తో సహా ప్రపంచవ్యాప్తంగా అనేక లీగ్ జట్ల కోసం ఆడారు.
నివేదికల ప్రకారం, ఆండ్రీ రస్సెల్ మొత్తం నికర సంపద 10 మిలియన్ అమెరికన్ డాలర్లు. భారత కరెన్సీలో ఇది దాదాపు రూ.80 కోట్లకు సమానం. ఆయన ఆదాయానికి ప్రధాన వనరు ఐపీఎల్. దీనితో పాటు, ఇతర టీ20 లీగ్ల నుంచి కూడా సంవత్సరానికి రూ.8 నుంచి రూ.10 కోట్ల వరకు సంపాదిస్తారు. బ్రాండ్ ఎండార్స్మెంట్ల ద్వారా సంవత్సరానికి రూ.5-6 కోట్లు, వ్యాపారాల ద్వారా రూ.2 కోట్ల వరకు సంపాదిస్తారు.
మరిన్ని క్రికెట్ న్యూస్ కోసం ఇక్కడ క్లిక్ చేయండి..