AFG vs BAN: ఒకే ఎడిషన్‌లో అత్యధిక పరుగులు.. రికార్డులు బ్రేక్ చేసిన జోడీ.. ఎవరో తెలుసా?

Gurbaz Ibrahim

AFG vs BAN, T20 World Cup 2024: మంగళవారం సెయింట్ విన్సెంట్‌లోని కింగ్‌స్‌టౌన్‌లో బంగ్లాదేశ్‌తో జరిగిన సూపర్ 8 మ్యాచ్‌లో ఆఫ్ఘనిస్తాన్‌కు చెందిన రహ్మానుల్లా గుర్బాజ్- ఇబ్రహీం జద్రాన్ ఒకే టీ20 ప్రపంచ కప్ ఎడిషన్‌లో అత్యధిక పరుగులు చేసిన జోడీగా నిలిచారు. దీంతో పాత రికార్డులను బ్రేక్ చేసి సరికొత్త చరిత్ర లిఖించారు.

యూఏఈలో జరిగిన 2021 ఎడిషన్‌లో పాకిస్తాన్ తరపున బాబర్ ఆజం, ముహమ్మద్ రిజ్వాన్ చేసిన 411 పరుగుల మునుపటి రికార్డును వీరిద్దరూ అధిగమించారు.

ఆఫ్ఘనిస్తాన్ ఓపెనర్లు టీ20 ప్రపంచ కప్ 2024లో నాల్గవసారి 50 పరుగుల భాగస్వామ్యాన్ని నమోదు చేశారు. దీంతో ఒకే ఎడిషన్‌లో అత్యధికంగా పరుగులు చేసిన జోడీగా నిలిచారు. ఈ క్రమంలో గుర్బాజ్, హజ్రతుల్లా జజాయ్‌ల ఫీట్‌తో సమానంగా, ఏ వికెట్‌కైనా అత్యధికంగా 50 ప్లస్ భాగస్వామ్యం సాధించిన ఆఫ్ఘనిస్తాన్ రికార్డును ఈ జంట సమం చేసింది.

ఒకే టీ20 ప్రపంచకప్‌లో అత్యధిక భాగస్వామ్యాలు చేసిన జోడీ..

424* – ఇబ్రహీం జద్రాన్, రహ్మానుల్లా గుర్బాజ్ (AFG, 2024)

411 – బాబర్ ఆజం, మొహమ్మద్ రిజ్వాన్ (PAK, 2021)

368 – జోస్ బట్లర్, అలెక్స్ హేల్స్ (ENG, 2022)

335 – ఆడమ్ గిల్‌క్రిస్ట్, మాథ్యూ హేడెన్ (AUS, 2007)

321 – కేఎల్ రాహుల్, రోహిత్ శర్మ (IND, 2021).

రెండు జట్ల ప్లేయింగ్ XI ..

ఆఫ్ఘనిస్థాన్: రషీద్ ఖాన్ (కెప్టెన్), రహ్మానుల్లా గుర్బాజ్ (వికె), ఇబ్రహీం జద్రాన్, గుల్బాదిన్ నైబ్, అజ్మతుల్లా ఒమర్జాయ్, మహ్మద్ నబీ, కరీం జనత్, నంగేలియా ఖరోటే, నూర్ అహ్మద్, నవీన్-ఉల్-హక్, ఫజల్హక్ ఫరూకీ.

బంగ్లాదేశ్: నజ్ముల్ హొస్సేన్ శాంటో (కెప్టెన్), తంజీద్ హసన్, లిటన్ దాస్ (వికెట్ కీపర్), షకీబ్ అల్ హసన్, తౌహీద్ హృదయ్, మహ్మదుల్లా, సౌమ్య సర్కార్, రిషద్ హొస్సేన్, తస్కిన్ అహ్మద్, తంజీమ్ హసన్ షకీబ్, ముస్తాఫిజుర్ రహ్మాన్.

మరిన్ని క్రీడా వార్తల కోసం ఇక్కడ క్లిక్ చేయండి..