Asia Cup 2023: పంతం వీడిన బీసీసీఐ.. కానీ, ఓ కండీషన్.. ఆసియా కప్‌పై కీలక నిర్ణయం.. అదేంటంటే?

Asia Cup 2023 Ind Vs Pak

Asia Cup 2023, BCCI vs PCB: ఆసియా కప్ 2023 నిర్వహణకు సంబంధించి త్వరలో కీలక నిర్ణయం వెలువడే అవకాశం ఉంది. భారత క్రికెట్ నియంత్రణ మండలి (బీసీసీఐ), పాకిస్థాన్ క్రికెట్ బోర్డు (పీసీబీ) మధ్య నెలకొన్న ప్రతిష్టంభన దాదాపుగా ముగిసినట్లేనని తెలుస్తోంది. పాకిస్తాన్ క్రికెట్ బోర్డు అన్ని ఇతర క్రికెట్ బోర్డులు హైబ్రిడ్ మోడల్‌కు అంగీకరించడంతో, బీసీసీఐ కూడా ఇప్పుడు ఈ మోడల్‌లో ఆడటానికి అంగీకరించిందని వార్తలు వినిపిస్తున్నాయి.

భారత బోర్డు తన సమ్మతిని ఇచ్చే ముందు కొత్త షరతు కూడా పెట్టిందంట. దీని ప్రకారం, 2023 వన్డే ప్రపంచకప్‌లో తమ జట్టును భారత్‌కు పంపేందుకు పీసీబీ రాతపూర్వక హామీ ఇవ్వాల్సి ఉంటుంది. మే 27న జరిగే బీసీసీఐ ఎస్‌జీఎం సమావేశంలో ఈ విషయాలన్నింటిపై తుది నిర్ణయం తీసుకోనున్నారు. పాక్ మీడియా ప్రకారం బీసీసీఐ తన స్టాండ్‌లో వెనక్కు తగ్గిందని తెలుస్తోంది.

పాక్ మీడియా ప్రకారం, బీసీసీఐ మొదటి ఆసియా కప్‌ను పాకిస్తాన్‌కు బదులుగా వేరే ప్రదేశంలో నిర్వహించడంపై పట్టుదలతో ఉంది. ఈ నేపథ్యంలో వన్డే ప్రపంచకప్‌లో తమ జట్టును పంపకూడదని పాకిస్థాన్ నిర్ణయించుకుంది. ఆ తర్వాత ఇప్పుడు తన స్టాండ్ మార్చుకుంది. బీసీసీఐ తన వైఖరిని మార్చుకోకుంటే ప్రపంచకప్‌ కోసం పాకిస్థాన్ జట్టును భారత్‌కు పంపబోమని పీసీబీ చీఫ్ నజామ్ సేథీ ప్రకటించిన సంగతి తెలిసిందే.

బంగ్లాదేశ్, శ్రీలంక, ఆఫ్ఘనిస్థాన్ బోర్డులు గ్రీన్ సిగ్నల్..

హైబ్రిడ్ మోడల్‌పై పాకిస్థాన్ క్రికెట్ బోర్డు బంగ్లాదేశ్, ఆఫ్ఘనిస్తాన్, శ్రీలంక బోర్డుల నుంచి సమ్మతిని పొందింది. ఇప్పుడు BCCI తన మ్యాచ్‌లను UAE లేదా శ్రీలంకలో కూడా ఈ మోడల్‌లో ఆడవచ్చని తెలుస్తోంది. ఈ నెల 27న అహ్మదాబాద్‌లో జరగనున్న బీసీసీఐ ప్రత్యేక సర్వసభ్య సమావేశంలో దీనిపై నిర్ణయం తీసుకోనున్నారు. ఆసియా కప్ సెప్టెంబర్ 2023లో నిర్వహించనున్నారు. వన్డే ప్రపంచ కప్ మేరకు ఈసారి ఆసియాకప్ 50 ఓవర్ల ఫార్మాట్‌లో నిర్వహించనున్నారు.

మరిన్ని క్రికెట్ వార్తల కోసం ఇక్కడ క్లిక్ చేయండి..