New Rules: ఇకపై 6 డాట్ బాల్స్ ఆడితే బ్యాటర్ ఔట్.. క్రికెట్‌లో రానున్న 4 కీలక మార్పులు.. రూల్స్ తెలిస్తే అవాక్కే

Big Bash League 4 New Rules

Big Bash League 4 New Rules: ఐసీసీ క్రికెట్‌కు సంబంధించిన నిబంధనలను రూపొందిస్తుందనే సంగతి తెలిసిందే. అయితే కొన్నిసార్లు ప్రపంచవ్యాప్తంగా జరుగుతున్న టీ20 లీగ్‌లు ఆసక్తికరంగా ఉండేందుకు కొన్ని ఆసక్తికరమైన నిబంధనలను తీసుకువస్తుంటారు. అయితే వాటిని లీగ్‌లలో మాత్రమే ఉపయోగిస్తారు. అంతర్జాతీయ క్రికెట్‌తో వాటికి ఎలాంటి సంబంధం లేదు. భారతదేశంలోని టీ20 లీగ్ ఐపీఎల్‌లోనూ ఇది కనిపించింది. ఇక్కడ ఇంపాక్ట్ ప్లేయర్లను ఉపయోగిస్తారు. ఇప్పుడు ఆస్ట్రేలియాలో జరిగే బిగ్ బాష్ లీగ్‌లో తదుపరి సీజన్ కోసం కొన్ని నియమాలు చర్చిస్తున్నట్లు వార్తలు వస్తున్నాయి. ఇవి కార్యరూపం దాల్చితే క్రికెట్ మరింత ఆసక్తికరంగా, విప్లవాత్మకమైన మార్పులు చూడొచ్చు.

ఈ విప్లవాత్మక నిబంధనలపై చర్చ..

డిజిగ్నేటెడ్ హిట్టర్ (DH): బిగ్ బాష్ లీగ్‌లో చర్చించబడుతున్న మొదటి నియమం డిజిగ్నేటెడ్ హిట్టర్ (DH). ఇది కొంతవరకు IPLలో ఉపయోగించే ఇంపాక్ట్ ప్లేయర్ లాంటిది. అయితే, ఇంపాక్ట్ ప్లేయర్‌లో ఒక ప్లేయర్ పూర్తిగా మరొకరితో భర్తీ చేయబడుతుంది. కానీ, DH నియమం ప్రకారం, రెండు జట్లు తమ ప్లేయింగ్ ఎలెవన్‌లో ఒక ఆటగాడిని బ్యాటింగ్ కోసం మాత్రమే నామినేట్ చేయగలవు. ఈ ఆటగాడు ఫీల్డింగ్ చేయాల్సిన అవసరం లేదు.

బ్యాక్ టు బ్యాక్ ఓవర్లు: ఇది కాకుండా, ఒకే ఎండ్ నుంచి రెండు ఓవర్లు బ్యాక్ టు బ్యాక్ బౌలింగ్ చేసేందుకు అనుమతి కూడా పరిశీలిస్తున్నారు. కెప్టెన్ కావాలనుకుంటే, అతను ఏదైనా ఒక బౌలర్‌ని అదే ఎండ్ నుంచి వరుసగా 12 బంతులు వేయమని అడగవచ్చు.

ఒక బంతికి ఇద్దరు బ్యాట్స్‌మెన్ ఔట్..

డబుల్ ప్లే: ప్రస్తుతం, సాధారణంగా క్రికెట్‌లో, గరిష్టంగా ఒక బ్యాట్స్‌మన్ ఒక బంతికి ఔట్ అవుతుంటారు. అయితే, బిగ్ బాష్ లీగ్‌లో కూడా ఇందులో మార్పులు చేర్పులు చేయాలనే చర్చ జరుగుతోంది. వచ్చే సీజన్‌లో ‘డబుల్ ప్లే’ నిబంధనను ప్రవేశపెట్టవచ్చు. దీని కింద ఒకే బంతికి ఇద్దరు బ్యాట్స్‌మెన్‌లు ఔట్‌ కావచ్చు. ఈ నియమాన్ని అనుసరించి, రెండు ఎండ్‌ల బ్యాట్స్‌మెన్‌లు రనౌట్ కావచ్చు లేదా ఒకరు క్యాచ్ లేదా బౌల్డ్ అయిన తర్వాత మరొకరు రనౌట్ కావచ్చు.

మెయిడిన్‌ ఓవర్: బిగ్ బాష్ లీగ్ తదుపరి సీజన్‌లో చర్చలో ఉన్న మరో ఆసక్తికరమైన మార్పు మెయిడిన్‌ను విసిరే విధానం. దీని ప్రకారం, ఏ బౌలర్ అయినా 6 డాట్ బాల్స్‌ను నిరంతరం బౌలింగ్ చేయడంలో విజయవంతమైతే, బ్యాట్స్‌మన్ అవుట్ అవుతాడు. లేకపోతే, కొంత వైవిధ్యం చేయడం ద్వారా, అతను తన కోటా కంటే ఒక ఓవర్ ఎక్కువ బౌలింగ్ చేయడానికి అనుమతించబడతాడు. అంటే 5 ఓవర్లు బౌలింగ్ చేసే ఛాన్స్ ఉంటుంది.

ఈ నియమాలు ఎందుకంటే?

WBBL, BBL కోసం ఈ నిబంధనలకు సంబంధించి క్రికెట్ ఆస్ట్రేలియాతో చర్చలు జరుగుతున్నాయి. నివేదిక ప్రకారం, క్రికెట్‌ను వేగవంతం చేయడంతో పాటు ఆటగాళ్ల పనిభారాన్ని తగ్గించేందుకు చూస్తున్నట్లు చెబుతున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..