Video: 11 సిక్స్లు, 7 ఫోర్లతో 14 ఏళ్ల బుడతడి బీభత్సం.. కట్చేస్తే.. ఆ ఇద్దరి కెరీర్ క్లోజ్
Youngest IPL Centurion Record: రాజస్థాన్కు చెందిన 14 ఏళ్ల వైభవ్ సూర్యవంశీ తన తొలి ఐపీఎల్ సీజన్లోనే అద్భుతమైన ప్రదర్శన కనబరిచాడు. గుజరాత్ టైటాన్స్పై 35 బంతుల్లో సెంచరీ సాధించి, ఐపీఎల్లో అత్యంత వేగవంతమైన సెంచరీ చేసిన అతి పిన్న వయస్కుడిగా నిలిచాడు. ఇషాంత్ శర్మ, కరీం జనత్ ఓవర్లలో అతను 28, 30 పరుగులు బాదాడు. తన 101 పరుగుల ఇన్నింగ్స్లో 11 సిక్సర్లు, 7 ఫోర్లు కొట్టాడు.
రాజస్థాన్కు చెందిన 14 ఏళ్ల వైభవ్ సూర్యవంశీ తన తొలి ఐపీఎల్ సీజన్లోనే చరిత్ర సృష్టించాడు. ఈ బ్యాట్స్మన్ 47వ మ్యాచ్లో గుజరాత్ టైటాన్స్పై బ్యాట్తో విధ్వంసం సృష్టించాడు. ఈ క్రమంలో 14 ఏళ్ల ఆటగాడు ఐపీఎల్లో సెంచరీ చేసిన అతి పిన్న వయస్కుడిగా నిలిచాడు. సూర్యవంశీ మైదానంలోని ప్రతి మూలకు షాట్లు కొట్టాడు. ఈ బ్యాటర్ మొదట 17 బంతుల్లో అర్ధ సెంచరీ సాధించి, ఆ తర్వాత 35 బంతుల్లో సెంచరీ పూర్తి చేసుకున్నాడు. 38 బంతుల్లో 101 పరుగులు చేసి వైభవ్ సూర్యవంశీ ఔటయ్యాడు. తన ఇన్నింగ్స్లో, ఈ బ్యాట్స్మన్ 11 సిక్సర్లు, 7 ఫోర్లు కొట్టాడు.
ఇషాంత్ శర్మ బౌలింగ్లో 28 పరుగులు..
ఇషాంత్ శర్మను చితకబాదిన మొదటి వ్యక్తి వైభవ్ సూర్యవంశీ అనడంలో ఎలాంటి సందేహం లేదు. ఈ యంగ్ కుర్రాడు సీనియర్ పేసర్ ఓవర్లో 28 పరుగులు రాబట్టాడు. ఇషాంత్ శర్మ నాల్గవ ఓవర్ వేయడానికి వచ్చాడు. ఇటువంటి పరిస్థితిలో, వైభవ్ మొదటి రెండు బంతుల్లో రెండు సిక్సర్లు కొట్టాడు. ఆ తర్వాత అతను ఒక ఫోర్ కొట్టాడు. తర్వాతి బంతికి పరుగులు చేయలేకపోయారు. ఐదవ బంతికి వైభవ్ మళ్ళీ సిక్స్ కొట్టాడు. ఈ క్రమంలో ఇషాంత్ ముఖంపై ఒత్తిడి స్పష్టంగా కనిపించింది. అతను తరువాతి రెండు బంతులను వైడ్గా బౌలింగ్ చేశాడు. చివరి బంతికి వైభవ్ ఒక ఫోర్ కొట్టి, ఒక ఓవర్లో 28 పరుగులు పూర్తి చేశాడు.
కరీం జనత్ అరంగేట్రం..
शानदार, जबरदस्त, जिंदाबाद वैभव#vaibhavsuryavanshi #IPL2025 pic.twitter.com/aetk6PpjmM
— Hemant Soren (@HemantSorenJMM) April 28, 2025
గుజరాత్ టైటాన్స్ కరీం జనత్ అరంగేట్రం చేసింది. కానీ, ఈ బౌలర్ వేసిన ఓవర్లో వైభవ్ సూర్యవంశీ 30 పరుగులు చేశాడు. మ్యాచ్ 10వ ఓవర్ వేయడానికి కరీం వచ్చాడు. వైభవ్ మొదటి బంతికి ఒక సిక్స్, రెండవ బంతికి ఒక ఫోర్, ఆపై మూడవ బంతికి ఒక సిక్స్ కొట్టాడు. ఆ తర్వాత, అతను నాల్గవ బంతికి ఒక ఫోర్, ఐదవ బంతికి ఒక ఫోర్, చివరి బంతికి ఒక సిక్స్ కొట్టి ఒక ఓవర్లో 30 పరుగులు పూర్తి చేశాడు. వైభవ్ సూర్యవంశీ తుఫాన్ ఇన్నింగ్స్ ఫలితంగా ఈ బ్యాట్స్మన్ యశస్వి జైస్వాల్తో కలిసి మొదటి వికెట్కు 166 పరుగులు జోడించారు.
వైభవ్ సూర్యవంశీ రికార్డులు..
ఐపీఎల్లో అత్యంత వేగవంతమైన సెంచరీ (బంతుల పరంగా)..
30 క్రిస్ గేల్, RCB vs పూణే వారియర్స్ ఇండియా బెంగళూరు 2013
35 వైభవ్ సూర్యవంశీ, రాజస్థాన్ vs గుజరాత్ జైపూర్ 2024
37 యూసుఫ్ పఠాన్, RR vs ముంబై 2010
38 డేవిడ్ మిల్లర్, పంజాబ్ కింగ్స్ vs RCB మొహాలి 2013
టీ20ల్లో సెంచరీ చేసిన అతి పిన్న వయస్కుడు..
14 సంవత్సరాల 32 రోజులు, వైభవ్ సూర్యవంశీ, రాజస్థాన్ vs గుజరాత్ 2024
18 సంవత్సరాల 118 రోజులు, విజయ్ జోల్, మహారాష్ట్ర vs ముంబై 2013
18 సంవత్సరాల 179 రోజులు, పర్వేజ్ హుస్సేన్, ఎమోన్ బరిషల్ vs రాజ్షాహి 2020
రాయల్స్ తరపున అత్యధిక పవర్ప్లే మొత్తం..
87/0 vs GT జైపూర్ 2025
85/1 vs SRH హైదరాబాద్ 2023
81/1 vs CSK అబుదాబి 2021.
మరిన్ని ఐపీఎల్ వార్తల కోసం ఇక్కడ క్లిక్ చేయండి..