CWG 2022: కామన్వెల్త్ గేమ్స్‌లో భారత్ సరికొత్త చరిత్ర.. ఇంగ్లండ్‌ కంటే ముందంజలో.. ఏ విషయంలోనో తెలుసా?

కామన్వెల్త్ క్రీడల్లో భారత వెయిట్ లిఫ్టర్లు సత్తా చాటుతున్నారు. జులై 30వ శనివారం ఇందుకు సంబంధించిన ఫలితాలు కనిపించాయి. 22వ కామన్వెల్త్ క్రీడల్లో ఒకేరోజు నాలుగు వెయిట్ లిఫ్టింగ్ విభాగాల్లో పోటీలు జరిగాయి. నాలుగింటిలోనూ భారత్‌ పతకాలు సాధించింది. దీంతో కామన్వెల్త్ క్రీడల చరిత్రలో వెయిట్ లిఫ్టింగ్ క్రీడలో ఇంగ్లండ్ కంటే భారత్ విజయవంతమైన దేశంగా అవతరించింది. మీరాబాయి చాను శనివారం స్వర్ణం సాధించింది. సంకేత్, బిండియా రాణి రజతం సాధించారు. అదే సమయంలో గురురాజ పూజారి కాంస్యాన్ని చేజిక్కించుకున్నాడు. ఇప్పుడు వెయిట్‌లిఫ్టింగ్‌లో స్వర్ణం, రజతం సాధించిన ఇంగ్లండ్‌ను భారత్‌ అధిగమించింది. దీంతో ఇప్పటివరకు ఈ క్రీడల్లో భారత్ 44 స్వర్ణాలు, 50 రజతాలు వచ్చి చేరాయి.

ఈ గేమ్‌లో ఇంగ్లండ్ టీం 43 స్వర్ణాలు, 48 రజతాలు ఉన్నాయి. కాంస్యం పరంగా ఇప్పటికే ఇంగ్లండ్ (25) కంటే భారత్ (34) ముందుంది. భారత్ కంటే ఆస్ట్రేలియా మాత్రమే ముందుంది. కామన్వెల్త్ గేమ్స్ వెయిట్ లిఫ్టింగ్‌లో ఆస్ట్రేలియా ఇప్పటి వరకు 59 స్వర్ణాలు, 52 రజతాలు, 48 కాంస్య పతకాలు సాధించింది. రాబోయే కొన్నేళ్లలో ఆస్ట్రేలియాను కూడా అధిగమించే ఛాన్స్ ఉంది.

భారతదేశంలో రెండవ బలమైన క్రీడగా వెయిట్ లిఫ్టింగ్..

కామన్వెల్త్ గేమ్స్ చరిత్రలో వెయిట్ లిఫ్టింగ్ భారతదేశానికి రెండవ బలమైన క్రీడగా నిలిచింది. ఈ క్రీడలో భారత్ ఇప్పటి వరకు 43 స్వర్ణాలు సహా 125 పతకాలు సాధించింది. షూటింగ్‌లో మాత్రమే ఎక్కువ విజయాలు సాధించింది. ఇప్పటివరకు షూటింగ్‌లో 63 స్వర్ణాలు సహా 135 పతకాలు సాధించాం. ఈ మెగా ఈవెంట్‌లో ఈసారి షూటింగ్ భాగం కాదు. ఇలాంటి పరిస్థితుల్లో వెయిట్‌లిఫ్టర్లు బాగా రాణించాలనే ఒత్తిడి మరింత ఎక్కువగా ఉంటుంది. శనివారం నాడు, ఈ ఒత్తిడిని భరిస్తూ మన ఆటగాళ్లు అంచనాలకు తగ్గట్టుగా నిలిచారు.

ఈసారి పురుషులు, మహిళల అన్ని బరువు కేటగిరీలలో మార్పులు చేశారు. కామన్వెల్త్ గేమ్స్‌లో కూడా ఒలింపిక్స్‌కు సమానమైన విభాగాలు ఉండేలా ఇలా చేశారు. దీంతో గతసారి 48కేజీల్లో స్వర్ణం సాధించిన మీరాబాయి చాను ఈసారి 49కేజీల్లో పాల్గొనాల్సి వచ్చింది. కానీ, ఆమె తన 2018 ఫలితాన్ని పునరావృతం చేసింది. వరుసగా రెండవసారి స్వర్ణం సాధించింది. ఒలింపిక్ రజత పతక విజేత మీరాకు ఇది వరుసగా మూడో కామన్వెల్త్ పతకం. 2014లో రజతం సాధించిన సంగతి తెలిసిందే.

మీరాబాయి టోక్యో ఒలింపిక్స్‌లో 88 కిలోలు, క్లీన్ అండ్ జెర్క్‌లో 113 కిలోలు ఎత్తి మొత్తం 201 కిలోల బరువుతో స్వర్ణం సాధించింది. స్నాచ్‌లో, ఆమె తన వ్యక్తిగత అత్యుత్తమాన్ని సమం చేసింది. సరికొత్త రికార్డును నెలకొల్పింది. ఆమె క్లీన్ అండ్ జెర్క్‌లో 119 కేజీల ప్రపంచ రికార్డును కలిగి ఉంది. ఇక్కడ ఆమె 115KG వరకు ప్రయత్నించింది. కానీ, 113KG లిఫ్ట్ చేయగలిగింది.

టోక్యో ఒలింపిక్స్‌లో మీరా తన ప్రదర్శనను దాదాపుగా పునరావృతం చేయగలిగింది. టోక్యోలో 202 కిలోల బరువు ఎత్తి రజతం సాధించింది. 49 కేజీల విభాగంలో ప్రపంచ రికార్డు 213కేజీలుగా నిలిచింది. చైనాకు చెందిన హౌ జిహుయ్ 2021లో ఈ రికార్డు సృష్టించాడు. అదే చైనా వెయిట్ లిఫ్టర్ టోక్యోలో కూడా స్వర్ణం సాధించాడు. మీరా ఇప్పుడు పారిస్ ఒలింపిక్స్‌లో అతనిని అధిగమించేందుకు ప్రయత్నిస్తుంది.

గురురాజా వరుసగా రెండవ కామన్వెల్త్ పతకాన్ని గెలుచుకున్నాడు. గతసారి 55KGలో రజతం సాధించిన భారతదేశానికి చెందిన గురురాజా పూజారి ఈసారి 54KGలో పాల్గొన్నాడు. కాంస్యంతోనే సరిపెట్టుకోవాల్సి వచ్చింది. స్నాచ్‌లో 118 కిలోలు, క్లీన్ అండ్ జెర్క్‌లో 151 కిలోలు ఎత్తాడు. అంటే మొత్తం 269 కేజీల బరువును ఎత్తాడు.

పురుషుల 62 కేజీల విభాగంలో గతసారి పతకం లేదు. ఈసారి పురుషుల 61 కేజీల విభాగంలో సంకేత్ రజతం సాధించాడు. అతను 248 KG (113+135) KG ఎత్తాడు. మలేషియాకు చెందిన గోల్డ్-విన్నర్ అనిక్ కస్డాన్ కంటే కేవలం 1KG వెనుకబడ్డాడు.

2018లో మహిళల 53 కేజీల విభాగంలో కె. సంజితా చాను స్వర్ణం సాధించింది. ఈసారి మహిళల 55 కేజీల విభాగంలో బిండియా రాణి దేవి రజతం సాధించింది. ఆమె 202 KG (86+116 KG) బరువులు ఎత్తాడు. స్వర్ణం గెలిచిన నైజీరియాకు చెందిన అడ్జత్ ఒలారినోయ్ కంటే బిండియా కేవలం 1 కేజీ తక్కువ బరువును ఎత్తింది. క్లీన్ అండ్ జెర్క్‌లో బిండియా రికార్డు సృష్టించింది.

వెయిట్ లిఫ్టింగ్‌లో ఇంకా 12 కేటగిరీల్లో భారత అథ్లెట్లు బరిలోకి దిగాల్సి ఉంది..

ఈ క్రీడలో భారత్ పతకాల సంఖ్య మరింత పెరగడం ఖాయం. ఇప్పుడు వెయిట్‌లిఫ్టింగ్ లెక్కలు 2018 కంటే మెరుగ్గా ఉంటాయా లేదా అనేదానికి సమాధానం ఆగస్ట్ 3న అందుబాటులోకి రానుంది. ఆ రోజుతో వెయిట్ లిఫ్టింగ్ ఈవెంట్ ముగియనుంది. అందువల్ల, రాబోయే మూడు రోజుల పాటు వెయిట్ లిఫ్టింగ్ నుంచి నిరంతర శుభవార్తలను ఆశించవచ్చు.