Ugadi 2026: కొత్త ఏడాదిలో కష్టాలు రాకూడదంటే.. ఉగాది రోజు పొరపాటున కూడా ఈ వస్తువులను ఇతరులకు ఇవ్వకండి!

ఉగాది అంటేనే షడ్రుచుల సమ్మేళనం.. జీవితంలోని సుఖదుఃఖాల కలయిక. ఈ పవిత్రమైన రోజున కొన్ని నియమాలు పాటించడం వల్ల అష్టైశ్వర్యాలు సిద్ధిస్తాయని శాస్త్రాలు చెబుతున్నాయి. కానీ చాలామంది ఉత్సాహంలో కొన్ని ప్రాథమిక నియమాలను విస్మరిస్తుంటారు. మరి మీ కొత్త ఏడాది దిగ్విజయంగా సాగాలంటే ఉగాది రోజున ఏ పనులకు దూరంగా ఉండాలో ఇప్పుడు వివరంగా విశ్లేషిద్దాం..

1. కలహాలు,  కోపం :

ఉగాది రోజున ఇంట్లో గొడవ పడటం, ఇతరులను దూషించడం లేదా ఏడవడం వంటివి అస్సలు చేయకూడదు. పండుగ రోజున మీ మానసిక స్థితి ఎలా ఉంటే, ఆ ఏడాది పొడవునా అదే వాతావరణం కొనసాగుతుందని నమ్మకం. అందుకే రోజంతా సంతోషంగా ఉండటానికి ప్రయత్నించండి.

2. ఉగాది పచ్చడికి ముందు ఆహారం వద్దు:

ఉగాది రోజు ఉదయాన్నే స్నానం చేసిన తర్వాత మొట్టమొదటిగా ‘ఉగాది పచ్చడి’ని ప్రసాదంగా స్వీకరించాలి. పచ్చడి తినకముందే టీ, కాఫీ లేదా ఇతర అల్పాహారాలు తీసుకోవడం శాస్త్రవిరుద్ధం.

3. మాంసాహారం మద్యం:

నూతన సంవత్సరం ఆరంభం రోజున ఇల్లు పవిత్రంగా ఉండాలి. కాబట్టి ఉగాది రోజున మాంసాహారం వండటం లేదా మద్యం సేవించడం వంటివి అరిష్టంగా భావిస్తారు. కేవలం సాత్విక ఆహారాన్ని మాత్రమే తీసుకోవాలి.

4. అప్పు ఇవ్వడం లేదా తీసుకోవడం:

పండుగ రోజున ఎవరికీ డబ్బులు అప్పుగా ఇవ్వకూడదు, అలాగే అప్పు తీసుకోకూడదు. ఇలా చేస్తే ఆ ఏడాది మొత్తం ఆర్థిక ఇబ్బందులు వెంటాడుతాయని ఒక నమ్మకం.

5. పాత బట్టలు ధరించడం:

కొత్త ఏడాది కొత్తదనానికి చిహ్నం. అందుకే ఉగాది రోజున వీలైనంత వరకు కొత్త బట్టలు ధరించాలి. కనీసం శుభ్రంగా ఉతికిన బట్టలైనా వేసుకోవాలి కానీ, మురికి లేదా పాతబడిన బట్టలు ధరించకూడదు.

6. ఇల్లు చిందరవందరగా ఉంచడం:

మహాలక్ష్మి పరిశుభ్రంగా ఉన్న చోటే కొలువుంటుంది. ఉగాది రోజున ఇంటిని అపరిశుభ్రంగా ఉంచడం, మూలల్లో దుమ్ము ఉండటం వంటివి అశుభం. ఇంటి గుమ్మానికి మామిడి ఆకులు, వేప ఆకుల తోరణాలు లేకపోవడం కూడా పండుగ శోభను తగ్గిస్తుంది.

7. పంచాంగ శ్రవణం విస్మరించడం:

ఉగాది రోజున పంచాంగ శ్రవణం చేయడం అత్యంత ముఖ్యం. ఆ ఏడాది మీ రాశి ఫలాలు ఎలా ఉన్నాయి, ఆదాయ వ్యయాలు ఎలా ఉన్నాయో తెలుసుకోకపోవడం ఒక రకమైన అజాగ్రత్తగా భావిస్తారు.

ఉగాది పచ్చడిని మట్టి పాత్రలో లేదా వెండి పాత్రలో తయారు చేస్తే దాని విశిష్టత రుచి మరింత పెరుగుతాయి.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. మీ కుటుంబ సంప్రదాయాలు పండితుల సూచనల మేరకు నడుచుకోవడం ఉత్తమం.